Pagtiripon na Matabang Sato na Gumibo nin Disipulo
SEMANA NIN OKTUBRE 10-16
10 min: Lokal na mga paisi asin Mga Paisi sa An Satong Ministeryo sa Kahadean. Isadol an pagwaras nin magasin sa masunod na Sabado. Magsuherir nin mga puntong ipakikipag-olay sagkod na may oras pa.
17 min: “Pag-aatubang kan Maogmang Bareta—Sa Pangrupong Paghuhulit.” Hapot-simbagan sa artikulo. Idoon an mga pakinabang sa pangrupong mga areglo sa paglilingkod asin an pangangaipo na gamiton an oras sa pinakamarahay paagi sa marahay an pagkaplanong mga areglo sa paglilingkod sa langtad.
18 min: Mga Hobenes—Makapagkokondukta daw Kamo nin Pag-adal? Gigibohon kan saro sa kamagurangan. Isabi sa kongregasyon kun pira an parahayag sa kongregasyon na mayo pang 20 anyos asin kun pira sa sainda an may inaadalan. An mga tin-edyer puwedeng ponan an pakipag-adal sa mga kaklase, na ginagamit an librong Creation o Youth. Puwedeng mag-asignar nin arogan na mga hobenes na magsaysay nin mga eksperyensia. (Helingon an yb88 p. 53, par. 1-3; w84 4/1 p. 30, par. 4.) An mga akion pa puwedeng makapoon nin pakipag-adal sa ibang aki sa librong Bible Stories o Dakulang Paratokdo. An mga hobenes puwedeng magmaigot na makapoon nin pakipag-adal sa mga tawong nanonompongan ninda sa paglilingkod. (Helingon an w82 1/1 p. 24, par. 7.) Kun may lokal na mga eksperyensia, gamiton ini tanganing iilustrar an mga punto.
Kanta 221 asin pantapos na pamibi.
SEMANA NIN OKTUBRE 17-23
5 min: Lokal na mga paisi. Report sa kuwenta.
17 min: “Ponan an mga Pag-adal sa Biblia—Ngonyan Na an Angay na Panahon.” Orolay sa artikulo kaiba an mga presente. Sa parapo 3, ipatao sa may kakayahan na parahayag an halipot na demonstrasyon kan ikaduwang introduksion sa irarom kan “Home Bible Study” sa pahina 12 kan librong Reasoning. Pakatapos na mapag-olayan an parapo 5, ponan an saro pang demonstrasyon na an kagharong magalang na nagsasayuma sa alok na libro. Dangan ihahapot kan parahayag kun baga naisip-isip na kan kagharong kun an daga malalaglag sa guerra nuklear asin pasimbagon. Dangan isusuherir kan parahayag na isurat kan kagharong an pirang teksto asin basahon iyan. Nag-opresir na bumuwelta tanganing pag-olayan iyan sa masunod na semana.
13 min: Kumusta an Nagigibo Niato sa Pag-adal sa Biblia? Paliwanag kan paraataman sa paglilingkod sa nagigibo kan kongregasyon. Isabi an bilang nin mga pag-adal sa Biblia na irinireport. Inaon an bilang nin pampamilyang mga pag-adal tanganing ipaheling kun pira an ginigibong pag-adal sa teritoryo. Ikomparar an bilang nin ikinawawaras na mga babasahon sa bilang nin irineport na pagdalaw liwat. Ini daw lugar na puwedeng makapoon nin mga pag-adal sa Biblia? Ikomparar an promedyong pag-adal sa Biblia kada parahayag sa nasyonal na promedyo. Tumao nin komendasyon. Puwedeng iiba an mga eksperyensia manongod sa pagpopoon asin pagkondukta nin mga pag-adal sa Biblia.
10 min: Magkondukta nin Pampamilyang Pag-adal. Gigibohon nin iginagalang na payo nin pamilya. Ipagirumdom sa mga magurang an paninimbagan na itinao nin Dios. (Efe. 6:4) May nakatatabang na mga suhestion na itinao sa Watchtower, Agosto 1, 1986, pahina 28, asin Nobyembre 1, 1986, pahina 24 (sa Bicol, pahina 21). Ipaliwanag kun paano irereport an pampamilyang pag-adal kaiba an dai pa nabautismohan na mga aki. (km 8/83, “Mga Hapot,” par. 2) Interbiohon an magurang na nagkamit nin marahay na resulta sa regular na pakikipag-adal sa mga aki.
Kanta 168 asin pantapos na pamibi.
SEMANA NIN OKTUBRE 24-30
10 min: Lokal na mga paisi asin Teokratikong mga Bareta. Dagkahon an gabos na suportaran an paghuhulit sa enot na Domingo sa Nobyembre 6.
15 min: “Ireport nin Tama an Paglilingkod sa Langtad.” An sekretaryo kan kongregasyon an mangengenot sa pakikipag-olay sa mga presente.
20 min: “‘Banal na Hustisya’ na Padistritong Kombension sa 1988.” Hapot-simbagan sa parapo 1-17 kan suplemento.
Kanta 166 asin pantapos na pamibi.
SEMANA NIN OKT. 31–NOB. 6
10 min: Lokal nra mga paisi. Pag-olayan an bagong alok sa Nobyembre: New World Translation kaiba an librong True Peace and Security. Magkaigwa nin demonstrasyon na ibinabagay an Topikong Mapag-oolayan sa alok na Biblia asin libro.
12 min: “Lubos na Otobon an Saindong Ministeryo.” Pahayag na may orolay kaiba an mga presente.
23 min: “‘Banal na Hustisya’ na Pandistritong Kombension sa 1988.” Hapot-simbagan sa parapo 18-30 kan suplemento na pangengenotan kan nangengenot na paraataman. Tabangan an mga tugang na masabotan na an marahay na ugale asin paggubing linalaoman sa gabos na nasa kongregasyon. Sagkod sa itinotogot kan oras, pag-olayan an “Mga Pagirumdom sa Pandistritong Kombension.”
Kanta 196 asin pantapos na pamibi.