Pagtiripon na Matabang Sato na Gumibo nin Disipulo
PASABOT: Nag-iskedyul kami nin pagtiripon sa paglilingkod para sa kada semana digdi sa An Satong Ministeryo sa Kahadean. An mga kongregasyon puwedeng gumibo nin pagliliwat sono sa pangangaipo tanganing tawan nin lugar an pag-atender sa pandistritong kombension dangan an 30-minutos na pagrepaso sa tampok na mga kabtang kan programa sa Pagtiripon sa Paglilingkod sa sumunod na semana. An pagrepaso sa kada aldaw puwedeng patienot na iasignar sa duwa o tolong kuwalipikadong tugang.
SEMANA NIN DISYEMBRE 5-11
10 min: Piniling Mga Paisi sa An Satong Ministeryo sa Kahadean asin lokal na mga paisi. Repasohon an mga pag-aalok nin magasin para sa Sabado. Sadolon an mga payo nin pamilya na ibanan an saindang agom asin mga aki.
20 min: “Tabangan an mga Aki sa Pag-omaw ki Jehova.” Hapot-simbagan. Idemonstrar kun paano matatabangan nin magurang an sarong aki na andamon an presenteng Topikong Mapag-oolayan asin ikonektar iyan sa alok na librong Bible Stories.
15 min: “Paghuhulit Bilang Pamilya Ngonyan na Disyembre.” Hapot-simbagan. Magkaigwa nin arogan na pamilya na nag-oolay sa mga oportunidad para sa orog pang paglilingkod bilang pamilya ngonyan na Disyembre asin kun paano sinda magibo nin iskedyul para sa saindang paglilingkod. Tapuson paagi sa pagpakosog sa gabos na kuwalipikadong makikabtang sa paglilingkod sa langtad.
Kanta 126 asin pantapos na pamibi.
SEMANA NIN DISYEMBRE 12-18
10 min: Lokal na mga paisi. Report sa kuwenta. Ipaisi sa kongregasyon an ano man na surat nin pagpasalamat para sa donasyon hale sa Sosyedad. Sadolon an gabos na makikabtang sa paglilingkod sa langtad asin ipagirumdom sa gabos na seguradohon na ireport an saindang paglilingkod sa langtad ngonyan na Disyembre.
20 min: Kun Paano Pinakosog an Sakong Pagtubod kan Pag-atender sa mga Kombension sa Nag-aging mga Taon. Interbiohon an nagkapira sa mas eksperyensiado asin mapagpahalagang mga parahayag, na hinahagad sainda an mga eksperyensia sa pag-atender sa mga kombension asin an mga pakinabang na nakamtan. Puwede man na helingon an Watch Tower Publications Index para sa angay na nakapagpapakosog na mga eksperyensia.
15 min: “Pakikinabang sa Pagkuyog sa Banal na Instruksion.” Pag-oolay nin pamilya na nagtatampok nin positibong reaksion sa programa kan enot na espesyal na aldaw nin asamblea asin nin pag-antisipar sa bagong programa. Ipagirumdom sa mga tugang an masunod na espesyal na aldaw nin asamblea para sa lokal na kongregasyon kun ini iinanunsiar na.
Kanta 92 asin pantapos na pamibi.
SEMANA NIN DISYEMBRE 19-25
10 min: Lokal na mga paisi. Teokratikong mga Bareta. Pagirumdomon an gabos na mag-andam para sa pagwaras nin magasin. Pilion an mga artikulo na magugustohan sa lokal, asin gamiton sa pagdemonstrar an mga parahayag na arogan sa pagkamataktika asin pagkapositibo.
20 min: “Pag-aatubang kan Maogmang Bareta—Sa mga Aki.” Hapot-simbagan. Pakatapos kan parapo 5, ipademonstrar sa may kakayahan na parahayag an pagbagay kan presenteng Topikong Mapag-oolayan kun nakikipag-olay sa barobata. Paano iaalok an babasahon? Paano tatapuson an orolay na dai nag-aalok nin babasahon?
15 min: An mga Hobenes Nag-oomaw ki Jehova. Interbiohon an saro o duwang maygurang na parahayag na nagpoon na maglingkod ki Jehova kaidtong sinda tin-edyer pa sana o bago magtin-edyer. Paano an pagigin nagdusay asin bautisadong hoben nakatabang sainda na maatubang an mga problema mantang nagdadakula? Siring man, interbiohon an saro o duwang arogan na hoben na parahayag na nakatao nin marahay na patotoo sa eskuwelahan o epektibo sa ministeryo sa harong-harong. Taano ta epektibo sinda? Ano an nagin kabtang kan mga magurang asin iba pang maygurang sa kongregasyon sa saindang pag-oswag? Bobooton nin Kristianong mga magurang na sadolon an saindang mga aki na progresibong maghingoa pasiring sa pagdusay asin bautismo.
Kanta 15 asin pantapos na pamibi.
SEMANA NIN DIS. 26–ENE. 1
10 min: Lokal na mga paisi. Idemonstrar an mga pag-alok nin magasin na ginibo mantang nasa isip an kapiyestahan.
20 min: Pagtotokdo sa Satong Dila na Tumabang sa Pinanluluyahan nin Boot. Dakol an nakapagpapaluya nin boot sa mga tawo ngonyan: mga problema ekonomiko, pagkagadan nin mga namomotan, helang, espirituwal na mga problema, asin iba pa. An pagpadaog sa panluluya nin boot ginigibo kitang mas madaling tamaan kan mga pagsalakay ni Satanas. (Tal. 24:10; ikomparar an Lucas 22:31.) An mga Kristiano obligadong magpakinosogan asin magtinabangan. (1 Tes. 5:14; Gal. 6:2) Paano? Paagi sa pagigin madinamayon. (Roma 12:15) Paagi sa pagigin andam na tumabang sa praktikal na mga paagi. (Sant. 2:14-17; rs pp. 117-21) Ginagamit an librong Reasoning, pakomentohon an mga presente sa kun anong mga teksto an magagamit tanganing matabangan an mga nasa kongregasyon asin sa langtad na atubangon an sinabing espisipikong mga problema. Rumani ki Jehova, patabang sa kamagurangan, asin magmaigot sa pamibi, sa siring mapangganang pinaglalabanan an panluluya nin boot.—Sant. 4:8; Isa. 32:1, 2; Efe. 6:17, 18.
15 min: “Keep a Positive Attitude.” Pahayag basado sa artikulo sa Hunyo 1, 1986 na Watchtower, pahina 28-30. Iaplikar sa lokal na mga situwasyon, arog baga kan pagkaindiperente nin mga tawo asin teritoryong parateng mahulitan.
Kanta 54 asin pantapos na pamibi.
SEMANA NIN ENERO 2-8
15 min: Lokal na mga paisi. Sadolon an gabos na makikabtang sa paglilingkod sa langtad. Repasohon an alok na babasahon sa Enero asin magkaigwa nin halipot na demonstrasyon. Itampok an espisipikong mga punto sa babasahon.
30 min: Repaso sa Programa kan Pandistritong Kombension. (Helingon an PASABOT sa itaas sa kun paano ini aandamon asin gigibohon.)
Kanta 12 asin pantapos na pamibi.