Mga Paisi

● Alok sa Pebrero: Worldwide Security Under the “Prince of Peace” sa kontribusyon na ₱14.00, o an arin man na mas naenot na 192-pahinas na libro na inimprenta sa newsprint sa kontribusyon na ₱2.50. Marso: Librong True Peace and Security o an arin man na ibang 192-pahinas na libro sa kontribusyon na ₱14.00. (An mga edisyon sa newsprint puwedeng padagos na ialok sa kontribusyon na ₱2.50.) Abril asin Mayo: Sarong-taon na suskripsion sa Torrengbantayan sa kontribusyon na ₱30.00 (kun Ingles, ₱60.00).

● An mga kuwenta kan kongregasyon maninigong siyasaton sa Marso 1 o pakalihis tolos kaiyan kan nangengenot na paraataman o nin saro na iinasignar nia.

● Sa Domingo, Pebrero 19, magkakaigwa nin miting an gabos na nagpaplanong mag-auxiliary payunir sa Marso, Abril asin Mayo. An gabos dinadagkang umatender. Ini gigibohon magsalang bago o pagkatapos kan semanal na pag-adal sa Torrengbantayan. An paraataman sa paglilingkod iyo an maninigong mangenot sa miting asin siertohon na may bastanteng aplikasyon sa auxiliary payunir.

● An espesyal na pahayag-publiko ngonyan na taon itatao sa bilog na kinaban sa Domingo, Abril 2, 1989 sa temang, “Madia, Kamong mga Napapaha sa Katotoohan!” May ipadadarang outline sa kada kongregasyon oras na iyan magibo. An mga kongregasyon na sinosongko kan paraataman sa sirkito sa petsang iyan o may pansirkitong asamblea o espesyal na aldaw nin asamblea maninigong gibohon an saindang espesyal na pahayag sa masunod na semana. Mayo nin kongregasyon na maninigong gibohon an espesyal na pahayag bago an Abril 2.

● An arin man na kongregasyon na may pagtiripon sa Miyerkoles, Marso 22 maninigong iareglo na gibohon ini sa ibang aldaw sa semana kan Memorial.

● Makukuang Bagong mga Publikasyon:

Insight on the Scriptures (set nin duwang tomo; kongregasyon asin publiko: ₱200.00; payunir: ₱170.00)—Ingles

Revelation—Its Grand Climax at Hand! (kongregasyon asin publiko: ₱42.00; payunir: ₱28.00) —Cebuano, Ingles, Iloko, Tagalog

● An mga kongregasyon na Cebuano, Iloko asin Tagalog mapoon na adalan an bagong librong Revelation sa mga Pag-adal sa Libro kan Kongregasyon sa semana nin Marso 20-26, 1989. An mga kongregasyon na Hiligaynon mapoon sa petsa man na iyan, pero an materyal iluluwas na serye sa Hiligaynon na Awake! poon sa luwas na Pebrero 8, 1989. An mga kongregasyon na Bicol, Pangasinan asin Samar-Leyte mapoon na adalan an librong ini sa semana nin Abril 24-30, 1989 asin an materyal iluluwas na serye sa Torrengbantayan poon sa luwas na Marso 1, 1989. Tabi pumedido tolos kan kinakaipuhan nindong suplay tangani na igwa na kamo kan kaipuhan nindo pagpoon kan mga pag-adal na ini.

● Inimpormaran kami kan sangang opisina sa Taiwan na may mga tugang na lalaki asin babaeng Pilipino na nagtatrabaho nin ilegal sa Taiwan, na nagduman bilang mga turista dangan naglaog sa trabaho asin nagdadanay duman na lihis na sa aprobadong panahon. Huli kaini, sinda nagigin garo mga bilanggo sa harong kan saindang mga among asin parateng kinokompiskar an saindang mga pasaporte. Boot ming patanidan an gabos na tugang na likayan an siring na ilegal na mga areglo, na puwedeng magsapeligro kan espirituwalidad nin saro.