Pagtiripon na Matabang Sato na Gumibo nin Disipulo
SEMANA NIN PEBRERO 6-12
12 min: Lokal na mga paisi, Mga Paisi sa An Satong Ministeryo sa Kahadean, asin “Pumedido nin mga Magasin Para sa Espesyal na Kampanya.” Itao an ngaran nin mas naenot na mga publikasyon na nasa saindong istak asin dagkahon an gabos na iwaras iyan ngonyan na bulan. Pag-olayan sa halipot an mga introduksion na magagamit kaiba kan presenteng Topikong Mapag-oolayan. (Helingon an librong Reasoning, sa subtemang “Kingdom,” pahina 12-13.)
15 min: “Pag-aatubang kan Maogmang Bareta—Dara an Mas Naenot na mga Publikasyon.” Pahayag. Idemonstrar sa halipot kun paano gigibohon an pag-alok, pagkatapos kan Topikong Mapag-oolayan.
18 min: “Pamurawayon an Dios Bilang Payunir Ngonyan na Tig-initan.” Hapot-simbagan. Interbiohon an nagkapirang regular payunir, na ihinahapot kun paano sinda makatatabang na madagka an iba na mag-auxiliary payunir ngonyan na tig-initan. Interbiohon man an nagkapira na nag-auxiliary payunir kaidto asin nagpaplano na naman ngonyan na taon.
Kanta 144 asin pantapos na pamibi.
SEMANA NIN PEBRERO 13-19
10 min: Lokal na mga paisi. Iiba an report sa kuwenta. Isabi an ano man na kontribusyon na ipinadara kan kongregasyon sa Sosyedad para sa gibohon na pan-Kahadean o sa Pagtotogdok kan Sanga na sinasabi sa statement.
20 min: “Lubos na Makinabang sa Pagtiripon sa Paglilingkod.” Hapot-simbagan. Humagad nin halipot na mga komento sa mga nagdadangog sa kun paano sinda personal na nakinabang sa mga Pagtiripon sa Paglilingkod.
15 min: “An Espesyal na mga Kabtang kan Kombension Nakabobogkos.” Pahayag. Dugangan an materyal paagi sa mga komento kan mga nagdadangog manongod sa apat na espesyal na kabtang kan kombension na sinabi sa artikulo.
Kanta 78 asin pantapos na pamibi.
SEMANA NIN PEBRERO 20-26
10 min: Lokal na mga paisi. Dagkahon an gabos na makikabtang sa paglilingkod sa langtad sa enot na Domingo nin Marso.
18 min: “Mga Hobenes—Pataluboon an Makosog na Relasyon ki Jehova.” Hapot-simbagan. Pukawon an boot kan mga hobenes sa lokal, na dinadagka sinda na padagos na umoswag sa espirituwal.
17 min: “How Shall We Repay Jehovah?” Mainit, pano nin impormasyon na pahayag basado sa artikulo sa Disyembre 1, 1988 Watchtower, pahina 25-8. Iiba an pagpakosog sa gabos na suportaran an proyektong Pagtotogdok kan Sanga.
Kanta 225 asin pantapos na pamibi.
SEMANA NIN PEB. 27–MAR. 5
12 min: Lokal na mga paisi. Orolay sa “Hapot.” Dagkahon an gabos na makikabtang sa paglilingkod sa ikaduwang Sabado kan bulan. Isuherir an saro o duwang artikulo sa mga magasin na tibaad angay sa lokal na teritoryo.
13 min: Pag-andam Para sa Memorial. Pahayag kan nangengenot na paraataman. Ipaisi an oras kan Memorial asin isabi an lokal na mga areglo. (Helingon An Satong Ministeryo sa Kahadean, Marso, 1988, pahina 3, “Mga Bagay na Aandamon.”) Isabi an bilang nin nag-atender kan nakaaging taon sa bilog na kinaban asin sa lokal asin ipagirumdom sa gabos na dumanan an mga interesado na dai pa naimbitaran.
20 min: Mga Tampok na Kabtang kan 1989 Yearbook. Inandam na gayong pahayag sa introduksion kan 1989 Yearbook. Itampok an pambihirang mga resulta kan sararong pagsabi nin “Madia!” sa mga tawo sa gabos na lugar. Sagkod sa itinotogot kan oras, gamiton an nagkapira sa mga eksperyensia asin ipaheling kun paano ini nakapakokosog sa lokal na mga tugang. Kun mayo pa an Yearbook, an kabtang na ini maninigong andamon sa lokal.
Kanta 18 asin pantapos na pamibi.