Pagtiripon na Matabang Sato na Gumibo nin Disipulo
SEMANA NIN SETYEMBRE 11-17
12 min: Lokal na mga paisi asin Mga Paisi hale sa An Satong Ministeryo sa Kahadean. Magpakosog sa gibohon na pagmamagasin sa Sabadong ini. Iiba an halipot na mga demonstrasyon sa pag-aatubang kan presenteng mga magasin.
23 min: “Magbugtak nin Personal na mga Pasohan Para sa Bagong Taon nin Paglilingkod.” Hapot-simbagan na pagkobre. Magtao nin report kan kongregasyon para sa nakaaging taon nin paglilingkod, na nagpapaheling kan nagibong pag-oswag. Tanganing ipaheling an indibiduwal na pag-oswag, maghapot kun igwa nin nakapoon na magkondukta nin mga pag-adal, nag-auxiliary payunir sa enot na beses, o nagregular payunir durante kan taon nin paglilingkod.
10 min: “Magpapayunir daw Kamo sa Nobyembre?” Buhay na pahayag nin sarong magurang. Tibaad mawoton na gamiton an mga punto hale sa Mayo 1, 1985 na Watchtower, pahina 13-17 manongod sa pagpapayunir. Dagkahon an gabos na gibohon an Nobyembre na bulan nin pagpayunir kun posible.
Kanta 15 asin pantapos na pamibi.
SEMANA NIN SETYEMBRE 18-24
10 min: Lokal na mga paisi asin Teokratikong mga Bareta. Report sa kuwenta asin pasalamatan an ano man na donasyon. Magpakosog sa pagpatotoo sa enot na Domingo, Oktubre 1.
20 min: “Pag-aatubang kan Maogmang Bareta—Na May Pagkalaenlaen sa Gibohon na Pagharongharong.” Pag-orolay na may pakikabtang kan mga nagdadangog. Sa parapo 2 asin 3, ipademonstrar sa parahayag an 30 sagkod sa 60 segundong pag-aatubang kan magasin. Kun kinokonsiderar an parapo 4 asin 5, idemonstrar an duwang introduksion hale sa librong Reasoning o sa Agosto 1, 1988 na Torrengbantayan. (Hulyo 15, 1988 sa Watchtower.)
15 min: Lokal na pangangaipo o pahayag basado sa artikulong “What Values Govern Your Life?” hale sa Marso 22, 1989 na Awake!, pahina 8-10.
Kanta 34 asin pantapos na pamibi.
SEMANA NIN SET. 25–OKT. 1
8 min: Lokal na mga paisi. Ipagirumdom sa kongregasyon an kampanya sa suskripsion sa Awake!; dagkahon an gabos na magin alisto sa mga oportunidad na makakua nin mga suskripsion. Magtao nin manlaenlaen na suhestion na puwedeng probaran.
17 min: “Iginagalang daw Nindo an Saindong Kingdom Hall?” Hapot-simbagan. Maninigong pangenotan nin magurang, na nagtatampok nin mga punto na minaaplikar sa lokal.
20 min: Kristianong Kababaehan—Iginagalang asin Magagalang na mga Miembro kan Kongregasyon. Pahayag nin magurang hale sa librong Reasoning, sa pahina 431-5. Tawan nin komendasyon an mga tugang na babae huli sa pamumuhay sono sa papel na sinambit para sa sainda sa Biblia.
Kanta 82 asin pantapos na pamibi.
SEMANA NIN OKTUBRE 2-8
8 min: Lokal na mga paisi. Magpakosog sa pagwaras nin magasin sa Sabadong ini. Magtao nin mga puntong mapag-oolayan na puwedeng magamit hale sa presenteng mga magasin.
24 min: “Mga Hobenes, Epektibong Magpatotoo sa Eskuwelahan.” Iiba an tolong demonstrasyon nin hoben na mga Saksi na ginagamit an mga presentasyon sa parapo 4-6.
13 min: Mga Resulta sa Pagpatotoo nin mga Hobenes sa Eskuwelahan. Pangengenotan nin sarong magurang. Gumamit nin lokal na mga eksperyensia. Kun mayo nin makukuang lokal na mga eksperyensia, an minasunod na mga eksperyensia puwedeng isaysay nin nagkapirang arogan na hobenes: 1989 Yearbook, pahina 45, parapo 1, 2, asin pahina 49, parapo 1, 2; 1988 Yearbook, pahina 53, parapo 1-3, asin pahina 60, parapo 1-3. Pakosogon an mga hobenes na magkaigwa nin inisyatiba sa paghanap nin mga oportunidad na magpatotoo sa eskuwelahan. Dagkahon an mga magurang na tabangan an saindang mga aki na mag-andam tanganing epektibong magpatotoo sa eskuwelahan.
Kanta 75 asin pantapos na pamibi.