Pagtiripon na Matabang Sato na Gumibo nin Disipulo
SEMANA NIN HULYO 9-15
10 min: Lokal na mga paisi asin Mga Paisi sa An Satong Ministeryo sa Kahadean. Iiba an areglo sa paglilingkod sa langtad para sa semana. Idemonstrar an paggamit sa Topikong Mapag-oolayan sa pag-alok nin mga pulyeto.
20 min: “Ihiras sa Iba an Espirituwal na mga Kayamanan.” Hapot-simbagan. Mainit na isadol an pagigin matinao sa satong espirituwal na pagtao. Sagkod sa itinotogot kan oras, ipasaysay an piling mga eksperyensia manongod sa pagpasakamot nin mga pulyeto.
15 min: “How to Help Depressed Ones Regain Joy.” Pahayag basado sa artikulo sa Marso 15, 1990 Watchtower, pahina 26-30.
Kanta 178 asin pantapos na pamibi.
SEMANA NIN HULYO 16-22
5 min: Lokal na mga paisi, report sa kuwenta, asin mga pasalamat sa donasyon.
10 min: “Hapot.” Pahayag nin saro sa kamagurangan.
20 min: “Magin Eksperto sa Saindong Ministeryo.” Hapot-simbagan sa artikulo. Kun pinag-oolayan an parapo 5 asin 6, idemonstrar an paggamit sa mga suhestion na yaon sa Agosto 1, 1988 Torrengbantayan asin librong Reasoning. Siring man, ipasaysay sa mga parahayag an marahay na resultang nakamtan sa lokal sa pag-aplikar nin mga suhestion na inako paagi sa organisasyon ni Jehova.
10 min: Kun Paano Poponan an mga Pag-adal sa Biblia. Interbiohon an duwa o tolong parahayag na nagin mapanggana sa pagpopoon nin mga pag-adal. Ano an nanompongan nindang epektibo? Paano ninda pinapagdadanay na buhay an enot na interes? Iatubang an haralipot na demonstrasyon sa kun paano poponan an pag-adal sa Biblia sa enot na pagdalaw asin kun minadalaw liwat.
Kanta 143 asin pantapos na pamibi.
SEMANA NIN HULYO 23-29
10 min: Lokal na mga paisi. Teokratikong mga Bareta. Iiba an mga areglo sa paglilingkod para sa bilog na semana. Sagkod sa itinotogot kan oras, sambiton an mga puntong ipakikipag-olay sa bagong mga magasin.
20 min: “Pagpanigo sa Saindong Espirituwal na Pangangaipo.” Hapot-simbagan sa artikulo. Interbiohon an sarong payo nin pamilya asin an sarong dai pang agom na parahayag sa kun paano ninda inaatubang an angat na magkaigwa nin oras sa pagpanigo sa saindang espirituwal na pangangaipo. Sadolon an mga tugang na siyasaton an saindang areglo asin maigot na maghingoa na gibohon an kinakaipuhan na mga pag-oswag.
15 min: Lokal na pangangaipo o An Kaisipan nin Tunay na mga Kristiano Manongod sa Kinaban asin sa mga Tawo na Kabtang Kaiyan. Pahayag kan saro sa kamagurangan basado sa librong Reasoning, pahina 437-8.
Kanta 177 asin pantapos na pamibi.
SEMANA NIN HULYO 30–AGOSTO 5
10 min: Lokal na mga paisi. Isaysay an saro o duwang eksperyensia sa langtad nin mga parahayag na naggagamit kan mga pulyeto. Ipaisi an titulo nin mga pulyeto na yaon sa kongregasyon na magagamit sa Agosto. Idemonstrar kun paano magagamit an pulyeto sa lokal na teritoryo. Sadolon an mga parahayag na makikabtang sa paglilingkod sa langtad ngonyan na maabot na semana.
15 min: “Pag-aatubang kan Maogmang Bareta—Bilang Sarong Pamilya.” Hapot-simbagan. Magtao sana nin saro o duwang hapot sa kada parapo tanganing mabasa an gabos na parapo.
20 min: “Tabang sa Igong Panahon.” Ipakikipag-olay kan paraataman sa paglilingkod sa mga nagdadangog an impormasyon sa artikulo. Itampok an mga pakinabang sa areglo na an paraataman sa paglilingkod sumongko sa mga grupo nin Pag-adal sa Libro kan Kongregasyon. Sadolon an gabos na gumibo nin espesyal na paghihingoa na makikabtang sa mga aktibidad para sa semana sa pagsongko kan paraataman sa paglilingkod.
Kanta 214 asin pantapos na pamibi.