Pagtiripon na Matabang Sato na Gumibo nin Disipulo
SEMANA NIN AGOSTO 6-12
12 min: Lokal na mga paisi asin Mga Paisi sa An Satong Ministeryo sa Kahadean. Pag-olayan man an artikulong “Patienot na Pagplano Para sa Setyembre.”
18 min: “Ekspertong mga Trabahador na Ginagamit nin Tama an Tataramon nin Dios.” Hapot-simbagan. Idedemonstrar kan paraataman sa Paadalan o paglilingkod an pagtabang sa bagong parahayag na maaraman an mga kabtang kan New World Translation.
15 min: Pagturotimbang sa Saindong Esperansa na Magpayunir. Nakadadagkang pahayag na may mga interbio. Igwa kita nin 15,000 na regular payunir sa Pilipinas. Ano an nagpahiro sa sainda na magpayunir? An pagkamoot ki Jehova asin sa kataed (Mat. 22:37-39); pagmawot na makatabang sa mas dakol pa na maligtas (1 Tim. 2:4); mapagsakripisyong espiritu para sa intereses kan Kahadean. (1 Cor. 9:23) Mga dapat na gibohon kun boot nindong magpayunir: (1) Idolok ki Jehova sa pamibi (Mat. 7:7, 8; Fil. 4:6); (2) ipakipag-olay sa mga payunir asin magurang (Tal. 15:22); (3) isurat an iskedyul, na tinitirutimbang kun paano iyan nakakaapektar sa ibang Kristianong paninimbagan (Luc. 14:28); (4) italaan an petsang ipopoon, na dai hinahalat an biyong marahayon na kamugtakan. (Ecl. 11:4) An Setyembre marahay na panahon na pumoon; tibaad makuwalipikar para sa Paadalan sa Paglilingkod Bilang Payunir sa masunod na taon. Interbiohon an saro o duwang payunir sa kun paano ninda napangganahan an mga kaolangan sa pagpapayunir.
Kanta 128 asin pantapos na pamibi.
SEMANA NIN AGOSTO 13-19
10 min: Lokal na mga paisi asin report sa kuwenta.
20 min: “Dagkahon an mga Inaadalan sa Biblia na Umoswag.” Hapot-simbagan. Sa pag-oolay sa parapo 4, idemonstrar kun paano dinadagka nin eksperyensiadong parahayag an inaadalan na umoswag sa saindang pag-oolay sa parapo 3 sa pahina 14 kan pulyetong Nag-ootob sa Kabotan nin Dios.
15 min: Noarin Puwedeng Umiba sa Ministeryo sa Publiko an Inaadalan sa Biblia? Pahayag nin saro sa kamagurangan basado sa Disyembre 1, 1989 Watchtower, pahina 31.
Kanta 217 asin pantapos na pamibi.
SEMANA NIN AGOSTO 20-26
10 min: Lokal na mga paisi. Isadol an paglilingkod sa langtad ngonyan na semana.
20 min: “An Saindong Kabtang Tanganing Magin Kapakipakinabang an mga Pagtiripon.” An saro sa kamagurangan an mangengenot sa hapot-simbagan. Idoon kun ano an nagkakaipo nin atension sa lokal.
15 min: “Pagpaheling nin Pagsarig ki Jehova Paagi sa Pagpayunir.” Pag-oolayan nin magurang asin ministeryal na lingkod an artikulo sa Abril, 1990 An Satong Ministeryo sa Kahadean.
Kanta 20 asin pantapos na pamibi.
SEMANA NIN AG. 27–SET. 2
10 min: Lokal na mga paisi. Teokratikong mga Bareta.
15 min: “Pag-aatubang kan Maogmang Bareta—Paagi sa mga Pag-adal sa Biblia.” Hapot-simbagan. Idemonstrar sa halipot an mga suhestion sa parapo 4 asin 5.
20 min: Pahayag sa “Punctuality and You” hale sa Watchtower kan Hunyo 15, 1990, pahina 26-29. Iaplikar sa lokal sono sa pangangaipo.
Kanta 8 asin pantapos na pamibi.
SEMANA NIN SETYEMBRE 3-9
10 min: Lokal na mga paisi.
10 min: Alok sa Setyembre. Pag-olayan asin idemonstrar an mga punto asin ilustrasyon sa librong Creation na magagamit ngonyan na bulan.
25 min: “Padagos na Mamunga na May Pakatagal.” Hapot-simbagan sa suplemento.
Kanta 169 asin pantapos na pamibi.