Pagtiripon na Matabang Sato na Gumibo nin Disipulo
PASABOT: Mag-iiskedyul An Satong Ministeryo sa Kahadean nin Pagtiripon sa Paglilingkod para sa kada semana sa laog kan Disyembre asin Enero. An mga kongregasyon maninigong gumibo nin pagliliwat sono sa kinakaipuhan tanganing tawan nin lugar an pag-atender sa pandistritong kombension. An 30-minutos na repaso sa mga tampok sa programa iniskedyul sa semana nin Enero 7-13. An repaso sa kada aldaw puwedeng patienot na iasignar sa duwa o tolong kuwalipikadong tugang na may kakayanan na magkonsentrar sa pangenot na mga punto. An mga eksperyensia asin komento kan mga presente maninigong halipot sana asin diretso sa punto.
SEMANA NIN DISYEMBRE 10-16
10 min: Lokal na mga paisi asin Mga Paisi sa An Satong Ministeryo sa Kahadean. Ipagirumdom sa mga tugang na darahon an pulyetong Nag-ootob sa Kabotan nin Dios sa Pagtiripon sa Paglilingkod sa masunod na semana.
20 min: “Magin Alisto na Ialok an Librong Bible Stories.” Hapot-simbagan. Kun pinag-oolayan an parapo 3 asin 4, idemonstrar an mga punto, pati an bagong Topikong Mapag-oolayan.
15 min: Medical Document Asin Identity Card. Ipawawaras kan sekretaryo an mga card asin biyong ipaliliwanag an surat na Oktubre 1, 1990 sa gabos na kongregasyon manongod sa Medical Document para sa bautisadong mga parahayag asin Identity Card para sa dai pa nabautismohan na minor de edad na mga aki nin mga magurang na Saksi. Dagkahon an gabos na sumunod sa mga instruksion asin papagdanayon na tama sa petsa an mga card.
Kanta 46 asin pantapos na pamibi.
SEMANA NIN DISYEMBRE 17-23
8 min: Lokal na mga paisi asin report sa kuwenta.
20 min: “Paggiya sa mga Inaadalan sa Biblia Pasiring sa Organisasyon ni Jehova.” Hapot-simbagan. Sa parapo 3, idemonstrar kun paano madadagka an inaadalan na umatender sa mga pagtiripon, na ginagamit an pahina 14 asin 15 kan pulyetong Nag-ootob sa Kabotan nin Dios.
17 min: An Navidad daw Sarong Selebrasyon na Basado sa Biblia? Pag-oolayan nin duwang tugang an temang iyan hale sa librong Reasoning, pahina 176-8.
Kanta 36 asin pantapos na pamibi.
SEMANA NIN DISYEMBRE 24-30
5 min: Lokal na mga paisi asin Teokratikong mga Bareta.
20 min: “Tabangan an Iba na Magin Eksperto sa Paggamit kan Tataramon nin Dios.” Hapot-simbagan. Idemonstrar kun paano matatabangan nin mga parahayag an mga inaadalan sa Biblia o kun paano tinatabangan nin magurang an saiyang aking minor de edad na mag-andam para sa ministeryo.
20 min: Pahayag sa “Nagkukuyog daw Kamo sa mga Instruksion?” basado sa Torrengbantayan kan Oktubre 1, 1990, pahina 30, 31. Iaplikar sa lokal na mga kamugtakan.
Kanta 183 asin pantapos na pamibi.
SEMANA NIN DIS. 31–ENE. 6
5 min: Lokal na mga paisi.
20 min: “Pag-aatubang kan Maogmang Bareta—Sa Mapagngayongayong Paagi.” Mainit na pahayag na nakadadagka. Itampok an pangangaipo na arangon an paggiya asin bendisyon nin Dios sa satong ministeryo.
20 min: Lokal na mga pangangaipo, o isinusuherir na mga puntong ipakikipag-olay para sa pag-alok nin daan na mga libro na gagamiton sa Enero asin Pebrero.
Kanta 188 asin pantapos na pamibi.
SEMANA NIN ENERO 7-13
5 min: Lokal na mga paisi.
10 min: “Magpuka Asin Papagdanayon an Toltol na Pag-iisip.” Hapot-simbagan sa artikulo. Dagkahon an gabos na suportaran an pansirkitong asamblea asin magin andam na maghinanyog nin atento sa bilog na programa.
30 min: Repaso sa Programa kan “Malinig na Tataramon” na Pandistritong Kombension. An tolong kuwalipikadong tugang puwedeng gumamit nin tigdies minutos sa pagsaysay kan mga tampok na kabtang kan kada aldaw kan kombension. Helingon an instruksion na nasa itaas sa irarom kan “Pasabot” sa kun paano ini ikaaasignar asin ikaaatubang. Dai pagmaigotan na ipaliwanag an kada pahayag kundi pilion an pangenot na mga punto na ikaaaplikar kan mga tugang sa personal asin sa paglilingkod sa langtad.
Kanta 78 asin pantapos na pamibi.