Pagtiripon na Matabang Sato na Gumibo nin Disipulo
SEMANA NIN ABRIL 8-14
10 min: Lokal na mga paisi asin Mga Paisi sa An Satong Ministeryo sa Kahadean. Isabi an areglo sa paglilingkod sa langtad para sa semana. Itao an tampok na mga punto sa magasin na Abril 1 asin 8 na magagamit sa pagwaras nin magasin.
20 min: “Padagos na Magtokdo na Daing Ontok.” Hapot-simbagan. Pakatapos na mapag-olayan an parapo 2, ipademonstrar sa eksperyensiadong mga payunir o parahayag kun paano iaalok an suskripsion sa saro na nagpaheling nin tunay na interes sa mensahe kan Kahadean. Pakalihis kan parapo 3 asin 4, magkaigwa nin duwang entusiastikong parahayag na nag-oolay kun paano ninda iaaplikar an mga suhestion na ini sa Abril.
15 min: “Pag-aatubang kan Maogmang Bareta—Dara an mga Magasin.” Hapot-simbagan. Sa pag-oolay sa parapo 8, idemonstrar kun paano maeestablisar an ruta sa magasin sa saro na nagpapaheling nin tunay na interes, na itinatampok an artikulo sa magasin na interesante sa lokal.
Kanta 122 asin pantapos na pamibi.
SEMANA NIN ABRIL 15-21
10 min: Lokal na mga paisi. Report sa kuwenta. Iiba an mga pasalamat sa donasyon. Ipagirumdom sa gabos na kabangaan na an Abril, kaya an siisay man na nagkakaipo nin tabang tanganing makaluwas bago an Abril 30 maninigong tawan na kaini ngonyan.
20 min: “Pag-oswag sa Ministeryo.” Pag-oolay nin eksperyensiadong magurang asin nin sarong tugang na lalaki na nagsasagin saro na haloy na sa katotoohan pero dai nag-oswag. Ipademonstrar sainda sa halipot an pagpraktis na sinasabi sa parapo 3. Sa pag-oolay sa parapo 4, ipaheling nin sarong payunir sa dai pang gayo nin kabatidan na parahayag kun paano aatubangon an sarong situwasyon na paminsanminsan nanonompongan sa lokal na teritoryo. Iiba an mga suhestion na yaon sa Marso 1, 1986 na Torrengbantayan, pahina 13-18, manongod sa pagtaros sa puso [sa Ingles, Agosto 1, 1985, pp. 15-20].
15 min: “Pag-omaw ki Jehova sa Awit.” Nakapakokosog na pahayag sa artikulo. Gamiton an mga kanta sa programang ini tanganing iilustrar an mga punto sa artikulo.
Kanta 104 asin pantapos na pamibi.
SEMANA NIN ABRIL 22-28
10 min: Lokal na mga paisi. Teokratikong mga Bareta. Isabi an mga areglo sa paglilingkod asin pag-olayan an mga tampok sa presenteng mga magasin. Ikasasaysay an mga eksperyensia sa pag-alok nin suskripsion. Dagkahon an gabos na auxiliary payunir na seguradohon na aboton ninda an saindang pasohan na 60 oras, asin horophoropon an pagpapadagos sa Mayo kun puwede.
20 min: “Pag-ani nin Proporsionado sa Satong Personal na Paghihingoa.” Hapot-simbagan sa suplemento kan An Satong Ministeryo sa Kahadean, parapo 1 sagkod 8. Idoon an halaga nin pag-aplikar kan satong nanonodan.
15 min: An mga Pakinabang sa Regular na Pampamilyang Pag-adal. Pahayag. Sa dakol nang taon sinasadol kan organisasyon ni Jehova an mga payo nin pamilya na pangenotan an regular na pag-adal sa Biblia kaiba kan saindang pamilya. Kun saen ini ginibo, dakol an pakinabang. Iyan nakakontribuwir sa espiritu nin pagkamoot asin katoninongan sa laog kan pamilya. An mga aki nag-oswag pasiring sa pagdusay asin bautismo, nagtao nin positibong impluwensia sa kongregasyon, asin parateng minalaog sa bilog na panahon na paglilingkod. Interbiohon an sarong payo nin pamilya na marahay na arogan digdi, na itinatampok an mga pakinabang na inani ninda paagi sa pagkuyog sa hatol ni Jehova sa bagay na ini.
Kanta 221 asin pantapos na pamibi.
SEMANA NIN ABRIL 29–MAYO 5
10 min: Lokal na mga paisi. Ipagirumdom man sa gabos an Paisi sa pahina 7 manongod sa pagtao tolos kan mga report sa Abril sa katapusan kan bulan.
20 min: “Pag-ani nin Proporsionado sa Satong Personal na Paghihingoa.” Hapot-simbagan sa suplemento kan An Satong Ministeryo sa Kahadean, parapo 9 sagkod 16. Basahon an gabos na parapo asin sitadong teksto. Iaplikar sa lokal na mga kamugtakan, na idinodoon na an kada saro mag-aani sana nin abunda depende sa kun gurano an saindang personal na paghihingoa na iaplikar an hatol.
15 min: Mag-andam nin Epektibong mga Introduksion. An magurang na epektibo sa paglilingkod sa langtad tinatabangan an mga parahayag na mag-andam nin mga introduksion na magigin angay sa lokal na teritoryo. Ibasar an mga suhestion sa pahina 9-15 kan librong Reasoning. Pag-olayan an duwa o tolong introduksion na puwedeng gamiton kaiba kan Topikong Mapag-oolayan o iba pang napapanahon na tema. Ipademonstrar sa eksperyensiadong mga parahayag an duwang pag-aatubang sa harong-harong na ginagamit an Topiko, “Kahadean nin Dios—An Paglaom nin Katawohan.” Isadol an paggamit nin laen-laen na bagong introduksion imbes na gamiton an iyo man sana nin paorootro. An mga pagpraktis bago lumuwas sa langtad makatatabang sa paggirumdom kaini.
Kanta 126 asin pantapos na pamibi.