Puwede daw Kamong Magin Regular Payunir Magpoon sa Setyembre?
1 Igwa daw kamo nin espiritu sa pagpayunir? Ini puwedeng mangahulogan na pagkakaigwa nin positibong kaisipan sa pagboot na maghulit asin gumibo nin mga disipulo, pagigin mapagsakripisyo sa sadiri, pagpaheling nin pagkamoot asin pagmakolog sa mga tawo.
2 An banwaan ni Jehova sa kabilogan sierto nanggad na nagpapaheling kan espiritung ini ngonyan. Alagad, an kahaditan asin tension sa pan-aroaldaw na pamumuhay tibaad makaina kan satong kaigotan para sa espirituwal na mga bagay. An kada saro kun siring maninigong hapoton an saiyang sadiri, ‘Igwa daw akong espiritu nin pagpayunir? Tinotogotan ko daw an palakaw na ini nin mga bagay na agawon iyan sako? Pinaooswag ko daw an espiritu nin pagpayunir sa kongregasyon? Ano an gigibohon ko tanganing mapangganahan an negatibong kaisipan sa pagpayunir?’
3 Taano ta dai poonan ngonyan na seryosong konsideraron an posibilidad na pumoon bilang regular payunir sa Setyembre, na iyo an pagpoon kan 1992 na taon nin paglilingkod? Kadakol saindo an naglingkod bilang auxiliary payunir kan nakaaging tig-init na ini. Naabot daw nindo an saindong pasohan na 60 oras? Kun iyo, asin kun nakapagpoon kamo nin dakol na pag-adal sa Biblia, daing duwa-duwa na bobooton nindong ipadagos an pagpayunir. Sa pagdugang nin saro pang oras kada aldaw, puwede kamong magpalista bilang regular payunir magpoon sa Setyembre. Ngonyan na an panahon na tawan ini kan saindong may pamibing pagkonsiderar.
4 Mantang nag-ooswag an espiritu nin pagpayunir sa kongregasyon, siring man an init asin espirituwalidad kan mga tugang. Kaya, mantang nagdadangadang an 1992 na taon nin paglilingkod, magdesisyon kamo na makatabang na paoswagon an espiritu nin pagpayunir sa saindong kongregasyon. Magin regular o auxiliary payunir kun kaya nindo. Pero kamo man sarong payunir o parahayag, padagos na ipaheling an espiritu nin pagpayunir sa masunod na taon nin paglilingkod.