Kun Paano Makikinabang an Pamilya sa Index
1 Manongod sa mga miembro kan pamilya, sinasabi kan 1 Timoteo 5:4: “Pabayaan nguna an mga ini na makanood na maggibo nin diosnon na debosyon sa saindang sadiring pamilya.” Iyo, an pagsagibo nin diosnon na debosyon sa satong pamilya sarong bagay na maninigong manodan. Sa bagay na ini kaipuhan ta an banal na paggiya. An Watch Tower Publications Index makatatabang sato na makakua nin paggiya sa satong buhay panpamilya.
2 Seryoso daw nindong hinohorophorop an pag-agom? Sa irarom kan titulong “Marriage,” manonompongan nindo an subtitulong “selecting a mate.” An mga reperensia maggiya saindo sa nakatatabang na hatol manongod digdi. An Index may mga subtitulo man para sa “husband’s role” asin “wife’s role,” na mapakikinabangan kan mga may agom na. Saro pa, an mga subtitulong siring sa “communication,” “closeness in,” asin “peace” nagtotokdo sa materyal na makakapayaman sa pag-agom. Kun lumataw an mga kasakitan, an subtitulong “problems in” maggiya saindo sa hatol kun paano reresolberan an mga ini.
3 Paano mapadadakula nin mga magurang an saindang mga aki “sa disiplina asin pagtatanos nin isip ni Jehova”? (Efe. 6:4) An makatatabang na sadol asin suhestion manonompongan sa mga titulo sa Index na “Children” asin “Youths.” Asin kumusta an pagdodoon kan pagboot ni Jehova sa saindang hoben na puso? An titulong “Child Training” maggiya sa materyal sa kada kabtang nin pagpadakula sa mga aki, kabilang an kun paano tatabangan sindang pataluboon an personal na relasyon ki Jehova asin sa pagkakaigwa nin pagmawot sa katotoohan.—1 Ped. 2:2.
4 An pag-orolay kan pamilya sa Biblia mahalaga sa kapangganahan kan pamilya. (Deut. 6:6-9; Isa. 54:13; Efe. 5:25, 26) An mga reperensia kun paano ini gigibohon na makaoogma manonompongan sa irarom kan titulong “Families.” Sa bagong Index, an subtitulong “Bible study” may mga puntong siring baga kan “making it effective” asin “making it enjoyable.” Siring man, taano ta dai konsideraron sa panapanahon an saro sa mga estorya sa buhay kan mga Saksi ni Jehova? Sa irarom kan titulong “Full-Time Ministry,” itotokdo saindo an mga estorya sa buhay na may titulong siring sa “A Choice I’ve Never Regretted” asin “Receiving the Requests of My Heart.” Sarong kompletong listahan an manonompongan sa irarom kan “Life Stories of Jehovah’s Witnesses.”
5 Logod makatabang saindo an Index na magkaigwa nin dakulang kaogmahan sa pag-otob kan saindong mga paninimbagan sa laog kan pamilya.