Pagtiripon na Matabang Sato na Gumibo nin Disipulo
10 min: Lokal na mga paisi asin Mga Paisi sa An Satong Ministeryo sa Kahadean. Isuherir an saro o duwang pag-alok nin magasin na angay sa lokal na teritoryo, asin dagkahon an gabos na parahayag na lumuwas sa paglilingkod sa langtad ngonyan na Sabado asin Domingo. Darahon an librong Reasoning sa Pagtiripon sa Paglilingkod sa masunod na semana.
20 min: “Lubos na Omawon an Ngaran nin Dios.” Hapot-simbagan. Tapuson nin inandam na marhay na demonstrasyon na nagpapaheling kun paano gagamiton an Topikong Mapag-oolayan. Pakapamidbid, an parahayag puwedeng magsabi: “Ako naggigibo nin paglilingkod sa publiko tanganing tabangan an mga hobenes na arog mo na maatubang an mga problema ninda sa komunidad na ini. Nanompongan mo na daw an saimong sadiri na sinasadol na gumibo nin sarong bagay na sa katotoohan habo mong gibohon? O kun beses daw ginigibo mo an mga bagay huli sa ginigibo nin iba asin bakong huli sa gusto mo? Paano mo inaatubang an impluwensia nin mga kaedad?” Pakasimbag nia, buksan an libro sa kapitulo 9. Dangan sabihon: “Mangnoha tabi an sinasabi digdi sa pahina 77. [Basahon an sarong angay na parapo.] Sa paghona mo daw makatatabang sa mga hobenes an pag-adal sa Biblia na maatubang an problemang ini? [Pakomentohon.] Helinga an sinasabi kan Biblia sa Salmo 119:9. [Basahon.] An librong ini ipinaheheling saimo kun paano an Biblia makatatabang sa mga hobenes na maatubang an masakit na mga situwasyon. Iyan mapapasaimo sa kontribusyon na ₱24.00.”
15 min: “Preventing the Return of Bad Habits.” Pahayag basado sa artikulo sa Abril 8, 1991 Awake!
Kanta 132 asin pantapos na pamibi.
SEMANA NIN SETYEMBRE 16-22
10 min: Lokal na mga paisi. Report sa kuwenta. Basahon an simbag asin pagpasalamat kan Sosyedad sa ipinadarang mga donasyon, asin omawon an kongregasyon sa pagsuportar sa mga pangangaipo kan lokal na kongregasyon. Isadol an pakikikabtang sa paglilingkod sa langtad sa semanang ini kun noarin may areglo para sa pangrupong paghuhulit.
18 min: “Magin Bilog na Kalag sa Ministeryo sa Langtad—Kabtang 2.” Hapot-simbagan sa artikulo. Iilustrar an paggamit kan librong Reasoning. Dai kaipuhan na ipademonstrar sa iba an nasabing mga punto, pero puwedeng ipaheling kan espiker kun paano manonompongan asin magagamit an materyales sa libro. Idemonstrar sa halipot an halaga nin mga pagpraktis sa pag-andam para sa paglilingkod. Kun itinotogot kan oras, puwedeng imbitaran an parahayag na ipaliwanag kun paano nia iyan ginigibo.
17 min: Pahayag kan sekretaryo kan kongregasyon sa “Bagong Taon nin Paglilingkod.” Idoon an mga pasohan na isinuherir para sa bagong taon. Ipaaram man sa kongregasyon an report kan nakaaging taon nin paglilingkod, pati an bilang nin nabautismohan, pag-oswag sa parahayag asin payunir, oras sa paglilingkod, abp. Omawon huli sa nagibong pag-oswag asin isabi kun ano pa an nagkakaipong tawan nin atension sa lokal sa minalaog na taon.
Kanta 48 asin pantapos na pamibi.
SEMANA NIN SETYEMBRE 23-29
10 min: Lokal na mga paisi. Teokratikong mga Bareta. Apodon man an atension sa artikulong, “‘Mga Mamomoton sa Katalingkasan’ na mga Kombension.” Sagkod na itinotogot kan oras, isuherir kun arin na mga artikulo sa bagong mga magasin an tibaad pinakaangay na ialok sa harong-harong ngonyan na semana.
20 min: “Pag-aatubang kan Maogmang Bareta—Sa Teritoryong Parateng Mahulitan.” Hapot-simbagan. Iaplikar sa kamugtakan kan lokal na kongregasyon.
15 min: Kun Paano Ko Nanompongan an Katotoohan. Mga eksperyensia. Iinterbiohon kan magurang an duwa o tolong indibiduwal. Isentro sa kun paano sinda pinahiro kan Tataramon asin organisasyon nin Dios sagkod sa pagdusay asin pagpabautismo. Idoon an mga pakinabang na naeeksperyensiahan ninda huli sa pagigin nasa katotoohan.
Kanta 25 asin pantapos na pamibi.
SEMANA NIN SET. 30–OKT. 6
5 min: Lokal na mga paisi. Orolay sa areglo kan kongregasyon sa paglilingkod sa langtad asin kun ano an ginigibo sa pagtao nin pagpakosog asin tabang sa mga payunir. Tawan nin partikular na atension an mga nagpoon pa sanang magpayunir kan Setyembre 1. Isadol an pakikikabtang sa paglilingkod sa langtad ngonyan na Sabado asin Domingo.
10 min: Pag-alok kan Suskripsion sa Awake! Ngonyan na Oktubre. Para sa kampanya sa suskripsion gagamiton niato an bagong Topikong Mapag-oolayan, “Pagkaligtas sa Kariribokan kan Kinaban.” An mga teksto Lucas 21:10, 11, 26 (Naotob an hula sa Biblia), asin Lucas 21:28, 31 (An Kahadean nin Dios magliligtas sa dai na mahahaloy). Ipakipag-olay sa mga presente an mga teksto sa Topiko dangan magkaigwa nin halipot na demonstrasyon na nagpapaheling kun paano iyan magagamit kaiba kan Oktubre 8 Awake! sa pag-alok nin suskripsion. Ipagirumdom sa gabos na kumua nin suplay nin mga subscription slip tangani na sinda magin andam para sa kampanya.
15 min: “Areglo nin Pag-adal sa Libro kan Kongregasyon—Kabtang 2.” Hapot-simbagan sa artikulo na pangengenotan nin sarong matibay mangenot sa pag-adal sa libro.
15 min: Lokal na mga pangangaipo, o puwedeng gamiton an impormasyon sa mga artikulo na nasa Hulyo-Setyembre, 1991 Magmata! (Hunyo 8, 1991 sa Ingles) bilang basihan para sa nakapakokosog asin malaog na pahayag manongod sa tsismis.
Kanta 16 asin pantapos na pamibi.