Bagong Taon nin Paglilingkod
1 An Setyembre iyo an kapinonan kan 1992 na taon nin paglilingkod. Sa pagsalingoy niato sa 1991 taon nin paglilingkod na bago pa sanang matapos, ikapaggagayagaya niato an mga bendisyon ni Jehova. Rinibo an nabautismohan, asin naheling niato an marahay na mga pag-oswag sa bilang nin mga parahayag asin inaadalan sa Biblia. Totoo man daw ini sa saindong kongregasyon?
2 Alagad ngonyan panahon nang tumanaw sa enotan asin ibugtak an mga pasohan para sa minalaog na taon. Pakarepasoha kan report kan nakaaging taon, nagtutubod kami na an minasunod na tolong pasohan angay na pag-aaboton niato gabos: (1) Mas regular pa sa paglilingkod, na nangangahulogan nin semanal na paglilingkod. Kaiba man dian an regular na pagrereport kan satong paglilingkod sa langtad kada bulan. (2) An kada parahayag magkaigwa nin inaadalan sa Biblia. Mayo pang 25% sa mga parahayag sa kongregasyon an may inaadalan sa presente. Taano ta dai nindo gibohon na personal na pasohan na makapoon nin pag-adal sa laog kan taon? (3) Dugangan an oras na ginagamit nindo sa paglilingkod sa langtad. Kun puwede, maghingoang mag-auxiliary payunir kisuerra sarong beses sa laog kan taon.
3 Bendisyonan logod kamo ni Jehova mantang nagpaplano kamo ngonyan na magkaigwa nin orog pang kabtang sa paglilingkod sa saiya sa 1992 na taon nin paglilingkod.