Pagtiripon sa Paglilingkod Para sa Mayo
Semana nin Mayo 4-10
15 min: Lokal na mga paisi asin Mga Paisi sa An Satong Ministeryo sa Kahadean. Ipakipag-olay man an “An Pankahadean na Paadalan sa Pagmiministro Nagtatao nin Teokratikong Edukasyon.” Iaareglo kan Paraataman sa Paglilingkod an gigibohon na pagdalaw liwat sa mga nag-atender sa Memorial na sa presente dai pa nag-aadal.
15 min: “Ipahayag an Maogmang Bareta Paagi sa An Torrengbantayan.” Hapot-simbagan sa artikulo. Iiba an sarong halipot na demonstrasyon na nagpapaheling kun paano an paggamit sa mga punto sa pahina 2 kan An Torrengbantayan makapatutubo nin apresasyon para sa suskripsion sa isip kan kagharong.
15 min: Pag-orolay sa “Ancestor Worship” hale sa librong Reasoning, pahina 29-32. Mientras na dakol an nangangatanosan na an mga apoon dai sinasamba kan kadaklan na tawo sa inaapod na Kristianong kadagaan, kadakol kan ginigibo sa modernong sosyedad tanganing tawan nin onra an mga gadan. An mga estatuwa asin ipininta nagpapagirumdom sa bantog na mga tawo. Iintrodusir an pakikipag-olay nin ama sa sarong hoben na aki. Ginagamit kan ama an impormasyon sa librong Reasoning, pahina 30. Itampok an materyal hale sa enot na duwang subtema na ipinaheheling sa aki kun taano ta igwa nin peligro sa pagheling nin makatatakot na mga pelikula na nagpapalakop nin espiritismo o nin ideya na an gadan minabuwelta tanganing takoton an mga nabubuhay. Ipaliwanag an kamugtakan kan gadan asin an paglaom sa pagkabuhay liwat asin ipaheling kun paano ini makaaapekto sa satong pagmansay sa gadan. Ipahahayag kan aki an pagmawot na likayan an pag-aling-aling na nagpapalakop nin espiritismo.
Kanta 208 asin pantapos na pamibi.
Semana nin Mayo 11-17
10 min: Lokal na mga paisi. Ipakipag-olay man an mga punto sa “Hapot.”
15 min: “Epektibong Enot na mga Pagdalaw.” Hapot-simbagan. Pakatapos pag-olayan an parapo 4, idemonstrar kun paano an sarong parahayag puwedeng makapag-alok asin idemonstrar an sarong pag-adal sa Biblia paagi sa paggamit kan tract na Life in a Peaceful New World.
20 min: Pag-alok sa harong-harong kan An Torrengbantayan. An may kakayahan na parahayag nakikipag-olay sa kagharong, na ginagamit an isinuherir na pag-aatubang sa parapo 3 kan artikulong “Epektibong Enot na mga Pagdalaw.” Gumibo nin angay na mga pagsambit sa mahahalagang punto sa naotob na hula sa Biblia sa Mayo 15, 1992 na Watchtower. Marahay an pakiatubang kan kagharong pero kadikit sana an interes. Ipipresentar saiya kan parahayag an mga magasin asin ipahahayag an pagmawot na bumalik asin ipakipag-olay iyan nin dugang pa. Nag-oyon an kagharong. Pakatapos kan demonstrasyon, hahapoton nin tsirman an parahayag kun taano ta dai sia nag-alok nin suskripsion. Namatean kan parahayag na an interes kakadikit sana asin tibaad mas angay na mag-alok nin suskripsion sa sunod na panahon kun magtalubo an interes.
Kanta 87 asin pantapos na pamibi.
Semana nin Mayo 18-24
10 min: Lokal na mga paisi asin report sa kuwenta. Magtao nin komendasyon para sa mga donasyon sa Sosyedad asin kongregasyon.
15 min: Ipakipag-olay an materyal na “Antichrist” sa librong Reasoning, pahina 32-3. Ano an kahulogan kan “anticristo”? Igwa daw nin saro sana, o igwa daw nin labi pa? Kasuarin naglataw an anticristo, asin siisay an mamimidbid na siring? Halipot na demonstrasyon nin sarong parahayag na naghuhulit sa sarong parasimba na pinatanidan dapit sa mga Saksi ni Jehova.
20 min: “Gamiton an Librong Reasoning sa mga Pagdalaw Liwat.” Hapot-simbagan. Itampok an duwang inandam nin marhay na demonstrasyon sa parapo 3 asin 4.
Kanta 197 asin pantapos na pamibi.
Semana nin Mayo 25-31
10 min: Lokal na mga paisi. Teokratikong mga Bareta.
20 min: Pag-alok kan bagong librong The Greatest Man Who Ever Lived. Iatubang an inandam nin marhay na demonstrasyon kan minasunod: Pakatapos na ipamidbid an sadiri, puwedeng sabihon kan parahayag, “Kun ihahapot niato kun siisay an pinakadakulang tawo na nabuhay, makakukua kita nin laen-laen na simbag. Sa gabos na tawo sa kasaysayan na inapod na dakula, mayo ni saro na nakaapekto sa buhay nin kadakol na katawohan sa siring kamakapangyarihan na paagi arog ni Jesu-Cristo. An saiyang halimbawa iyo an marahay niatong arogon. Helinga an sinabi kan saiyang disipulong si Pedro manongod saiya. [Basahon an 1 Pedro 2:21.] Liniwanag mismo ni Jesus kun taano ta importante na kuyogon niato sia. An tunay na pagsamba sa Ama solamente paagi ki Jesus, arog kan sabi nia sa Juan 14:6. [Basahon.] Gurano an aram niato manongod ki Jesus bilang tawo? Ano an saiyang itinokdo? Paano sia nabuhay asin nakiiba sa iba? An librong ini na The Greatest Man Who Ever Lived, sisimbagon an mga hapot na ini asin an dakol pang iba.” Ipaheling an mga itinatampok sa libro. Kun ipinaheheling an libro sa kagharong, basahon an duwa sa mga kotasyon na yaon sa introduksion, arog baga kan ki H. G. Wells asin Napoleon. Itokdo an kadakol na ekselenteng de-kolor na ilustrasyon, arog kan mga nasa kapitulo 26 asin 44.
15 min: Humagad nin mga eksperyensia sa mga nag-auxiliary payunir kan Abril asin Mayo. Anong mga pagsasakripisyo an ginibo ninda, asin paano ninda namatean na binendisyonan ni Jehova an saindang mga paghihingoa? Igwa daw nin bagong mga pag-adal sa Biblia na naponan bilang resulta kan saindang pagdugang nin aktibidad para sa bulan? Kaipuhan na iareglo nin patienot pa an mga eksperyensia. Pakosogon an gabos na horophoropon an pag-auxiliary payunir durante sa masunod na mga bulan, o minsan an paglaog bilang regular payunir kun itinotogot nin mga kamugtakan.
Kanta 93 asin pantapos na pamibi.
Semana nin Hunyo 1-7
10 min: Lokal na mga paisi.
25 min: “Paggamit kan The Greatest Man Who Ever Lived.” Gigibohon na pag-orolay na may partisipasyon an mga nagdadangog. Magkaigwa nin duwang demonstrasyon. An enot maninigo na gamiton an isinuherir na pag-aatubang na makukua sa parapo 3. An ikaduwa kaipuhan na ipaheling sa halipot kun paano mapoponan an pag-adal sa Biblia na ginagamit an bagong publikasyon.
10 min: Lokal na mga pangangaipo o entusiastikong pahayag basado sa impormasyon sa Setyembre 15, 1991 na Watchtower sa artikulong “Illustrations—A Key to Reaching Hearts.” Isuherir an mga ilustrasyon na magigin angay sa lokal na teritoryo kaiba kan librong Greatest Man.
Kanta 80 asin pantapos na pamibi.