Mga Paisi
◼ Alok sa Setyembre: Arin man sa mga brochure sa kontribusyon na ₱6.00. Oktubre: Sarong taon na suskripsion sa Awake! sa kontribusyon na ₱80.00. Nobyembre: Mankind’s Search for God sa kontribusyon na ₱30.00. Disyembre: Bibliang New World Translation kaiba an The Bible—God’s Word or Man’s sa kontribusyon na ₱100.00.
◼ An mga paraataman sa sirkito matao nin pahayag na, “Si Jesu-Cristo—An Bagong Poon kan Daga” kun nagdadalaw sa mga kongregasyon poon sa Oktubre.
◼ Kaoyon sa sinasabi sa An Torrengbantayan na Mayo 1, 1991, pahina 17, parapo 13 (sa Ingles, Abril 15, 1991, pahina 23, parapo 13), iaareglo kan mga magurang amay pa sa bagong taon nin paglilingkod na konsideraron an pagdalaw sa mga natiwalag o nagdis-asosyar na labi nang sarong taon. (Mga magurang, tabi repasohon an Torrengbantayan na ini asin siring man an surat kan Marso 20, 1991 dapit sa bagay na ini.)
◼ Puwede nang ipadara ngonyan sa Sosyedad an mga pedido para sa 1993 Yearbook asin kalendaryo. Ipadadara mi an espesyal na Yearbook and Calendar Order Blank sa kada kongregasyon kaiba kan statement of accounts sa Hulyo. Pagkaresibi nindo kaini, llenaran iyan asin ibuwelta iyan sa Sosyedad tanganing umabot iyan sa sangang opisina dai malihis sa Oktubre 1. An kontribusyon sa Yearbook ₱30.00. An mga regular asin espesyal payunir na nasa lista poon Hulyo 1, 1992 o bago pa kan petsang iyan puwedeng umako nin libreng kopya kan Yearbook, asin an kongregasyon mahagad nin credit para kaini sa pormang Remittance and Credit Request (S-20) pagpadara ninda nin bayad pagkaresibi kan mga Yearbook. An mga payunir puwedeng kumua nin dugang na mga kopya na iwawaras sa mga tawong dai pa nagdusay sa halagang ₱20.00 an saro. Tabi iseparar an libreng mga kopya sa mga kinua sa halaga sa payunir kun naghahagad nin credit. An kalendaryo ₱20.00 man asin mayo digdi nin halaga sa payunir, ni may itinatao man na libre sa mga payunir.
◼ Maninigong ipadara naman ngonyan an mga pedido sa “Pagsiyasat sa Kasuratan Aroaldaw”—1993. Ini ipupublikar sa gabos na tataramon. Ipadadara mi an espesyal na order blank para kaini kaiba kan statement sa Hulyo. Tabi llenaran ini, na ipinaheheling kun pira an kaipuhan nindo sa kada tataramon, asin ibuwelta iyan sa Sosyedad dai malihis sa Oktubre 1. An kontribusyon ₱10.00 sa mga parahayag. Puwedeng tawan nin libreng kopya an kada espesyal asin regular payunir na nasa lista poon kan Hulyo 1, 1992. An ekstrang mga kopya sa payunir ₱5.00. Maninigong hagadon an credit arog kan sa Yearbook.
◼ Patanid: Nakaresibi kami nin mga bareta hale sa laen-laen na parte kan nasyon na nagkapirang impostor na nagsasagin Saksi an nakakua nin kuwarta asin mahahalagang mga bagay sa mga tugang paagi sa pandadaya. Sa parate midbid ninda an mga ngaran nin kamagurangan asin mga tugang sa Bethel asin pamilyar sa organisasyon. An gabos, nangorogna an mga magurang, kaipuhan na magmaan tumang sa mga ini tanganing maprotehiran an aripompon.