Mga Paisi
◼ Alok sa Nobyembre: Mankind’s Search for God sa kontribusyon na ₱30.00. Disyembre: New World Translation of the Holy Scriptures kaiba an librong The Bible—God’s Word or Man’s sa kontribusyon na ₱100.00. Enero: The Greatest Man Who Ever Lived sa kontribusyon na ₱60.00. Pebrero: You Can Live Forever in Paradise on Earth, an dakulang edisyon sa kontribusyon na ₱60.00, an sadit na edisyon sa kontribusyon na ₱30.00. PASABOT: An mga kongregasyon na dai pa naghagad kan mga pankampanya na sinambit sa itaas maninigo na humagad na sa saindang masunod na bulanan na Literature Request Form (S-14).
◼ Kaiba kan luwas na ini kan An Satong Ministeryo sa Kahadean iiniba mi an Theocratic Ministry School Schedule for 1993. Magpapangyari ini sa mga paraataman sa paadalan na patienot na iiskedyul an mga asignasyon. Maririsa nindo na an mga pahayag kan estudyante iniskedyul basado sa pulyetong Mga Topiko sa Biblia na Mapag-oolayan (td) asin ipinaheheling an mga bilang para sa mga asignasyon. Pero, para duman sa mga boot na gamiton an pinahalipot na kabtang na “Bible Topics for Discussion” sa likod kan Bibliang New World Translation, itinao an mga bilang kan mga ini sa parentesis kasunod kan kada asignasyon.
◼ An The Watchtower sa Bicol, Pangasinan, asin Samar-Leyte iimprentahon nin duwa-kada-bulan poon sa luwas na Enero 1, 1993. Tatawan kaini an mga tugang na naggagamit kan mga lenguaheng ini nin mas dakol na espirituwal na pagkakan sa saindang pag-adal sa Torrengbantayan asin sa mga pag-adal kan kongregasyon sa libro, na an materyal isiserye sa kada luwas. Magpoon ngonyan an ano man na makukuang suskripsion para sa mga lenguaheng ini sa taonan na kontribusyon na ₱80.00. Kadaklan sa mga kongregasyon posibleng boot na makaresibi nin iyo man sanang bilang nin mga pedido para sa kada luwas arog kan riniresibi ninda ngonyan, pero kun igwa nin nangangaipo na inaan an saindang pedido, kaipuhan na ipadara tolos ninda an Distributor’s Order Blank tanganing maponan iyan sa Enero 1, 1993.
◼ An nangengenot na paraataman o an saro na iinasignar nia kaipuhan na siyasaton an kuwenta kan kongregasyon sa Disyembre 1 o sa pinakamadaling panahon pakalihis kaiyan.