Pagtiripon sa Paglilingkod Para sa Abril
Semana nin Abril 5-11
10 min: Lokal na mga paisi, Mga Paisi sa An Satong Ministeryo sa Kahadean, asin Teokratikong mga Bareta.
20 min: “Ihulit an Paagi nin Dios sa Katoninongan Asin Katiwasayan.” Hapot-simbagan sa artikulo. Pakatapos pag-olayan an parapo 3, ipademonstrar sa nag-andam nin marhay na parahayag kun paano puwedeng maponan an sarong pag-adal sa Biblia na ginagamit an tract na An Kinaban daw na Ini Magdadanay? Parahayag: “Marahay na aga. Ipinakikipag-olay niamo sa mga tawo ngonyan an manongod sa kuwalidad nin buhay. Kontento daw kamo sa naheheling nindo sa buhay kan mga tawo ngonyan?” Kagharong: “Dai man na gayo.” Parahayag: “Sa paghona daw nindo marahay ini?” Kagharong: “Dai ko aram.” Iaalok kan parahayag an tract asin masabi: “An nagkapira naghohona na an nangyayari kaotoban kan hula sa Biblia asin na an katapusan nin kinaban harani na. Ano sa paghona nindo?” Kagharong: “Dai ko aram. Seguro posible iyan.” Dangan an parahayag gagamiton an tract asin ipaliliwanag na an katapusan nin kinaban dai nangangahulogan nin katapusan kan literal na kalangitan asin daga. Iaareglo kan parahayag an saro pang pagdalaw tanganing pag-olayan an ebidensia kan Biblia na an katapusan harani na.
15 min: “Gumibo nin Nakapahihirong Introduksion.” Pahayag na may duwa o tolong demonstrasyon na ginagamit an mga artikulo kan Abril na mga magasin.
Kanta 114 asin pantapos na pamibi.
Semana nin Abril 12-18
5 min: Lokal na mga paisi.
20 min: “Paggamit nin mga Tract Tanganing Magkaigwa nin Kapakipakinabang na mga Resulta”—Kabtang 1. Hapot-simbagan sa parapo 1-8 kan suplemento. Pakatapos kan parapo 5, idemonstrar an paggamit kan tract na Maogma sa Buhay Pampamilya sa pagpoon nin orolay. Pakatapos kan parapo 8, idemonstrar an impormal na pagpapatotoo paagi sa tract.
20 min: Pagtabang sa Satong mga Inaadalan sa Biblia. Pag-orolay kaiba an mga nagdadangog na idinodoon an pangangaipo na tumao nin dugang pang tabang sa mga inaadalan sa Biblia apuwera pa sa pagkondukta sana nin pag-adal. (1 Tes. 2:8) Tumao nin dugang pang panahon na animaron an pagmawot na umatender sa pagtiripon. Parigonon an pag-apresyar sa pambilog na kinaban na asosasyon nin magturugang paagi sa pagpaliwanag kan pansirkitong mga asamblea, espesyal na mga aldaw nin asamblea, asin pandistritong mga kombension. Ipaheling kun paano ihihiras sa iba sa impormal na paagi an saindang nanonodan. An mga inaadalan sa Biblia na nakaaabot sa mga kahagadan na yaon sa pahina 98 asin 99 kan librong Our Ministry maninigong matabangan na magin dai pa bautisadong parahayag. Tabangan an mga inaadalan na pataluboon an pagmawot sa pagdedikar asin bautismo. Demonstrasyon: An parahayag tinatabangan an inaadalan sa Biblia sa impormal na pagpapatotoo. Pinipili an mga punto para sa langtad hale sa librong Mabuhay Sagkod Lamang asin sinasabing: “Marahay na ihiras an puntong iyan sa saimong mga paryente o kataraed. Puwede mong sambiton sa sainda na nanodan mo sa Biblia an sarong bagay na dai mo aram kaidto.” Dagkahon an mga parahayag na itao an mamomoton na pag-ataman maski na pakapabautismo.
Kanta 123 asin pantapos na pamibi.
Semana nin Abril 19-25
10 min: Lokal na mga paisi, kaiba an report sa kuwenta asin pagpasalamat sa donasyon.
20 min: “Paggamit nin mga Tract Tanganing Magkaigwa nin Kapakipakinabang na mga Resulta”—Kabtang 2. Hapot-simbagan sa parapo 9-16 kan suplemento. Pakatapos kan parapo 10, idemonstrar kun paano makapopoon nin pag-adal sa Biblia paagi sa tract. Pakatapos kan parapo 13, idemonstrar kun paano gagamiton an tract na An Kinaban daw na Ini Magdadanay? sa pagpoon nin pag-adal sa Biblia.
15 min: “Parigonon an Interes Paagi sa Epektibong mga Pagdalaw Liwat.” Halipot na pahayag na susundan nin pagdemonstrar kan pag-orolay na yaon sa parapo 3.
Kanta 32 asin pantapos na pamibi.
Semana nin Abr. 26–Mayo 2
10 min: Lokal na mga paisi asin pag-orolay sa “Hapot.”
20 min: Pag-ataman sa mga Gurang. Pag-orolay asin interbio sa duwang tugang. Sa “Mga Paradara nin Liwanag” na Pandistritong Kombension, an simposium kan Domingong aga nagtampok kan temang “Pagmakolog sa Lambang Saro sa Kristianong Pamilya.” An pantapos na kabtang na “Paagi sa Pag-ataman sa mga Gurang” nagdoon kan mahalagang tabang kan mga may edad na sa pamilya asin sa kongregasyon. (Tal. 16:31) Sa anong mga paagi matatabangan niato an mga gurang? An pamilya an may pangenot na paninimbagan. (1 Tim. 5:3, 4, 8, 16) Kaipuhan an pasensia asin pagkaherak. An darakula nang aki asin makoapo may oportunidad na ipaheling an pag-apresyar sa mga taon nin pagkamoot, trabaho, asin pag-ataman na itinao kaidto kan mga magurang asin mga apoon. (w87-BI 6/1 18-23 [w87-E 6/1 13-18]) An kongregasyon makatatabang man sa mga may edad na. Imbitaran sinda sa pagkakan asin pagtiripon. (Roma 12:13) Tabangan sinda sa ministeryo sa langtad. Palunadon pasiring sa pagtiripon asin mga asamblea. Tabangan sa saindang pagsaod asin sa pag-ataman sa saindang harong. (w87-BI 6/1 4-7 [w87-E 6/1 4-7]) Perming magpaheling nin paggalang sa mga may edad na. (1 Tim. 5:1, 2) Interbiohon an saro o duwang may edad nang marahay na halimbawa.
15 min: Iinterbiohon nin sarong magurang an tolo o apat na nag-auxiliary payunir kan Abril asin nagpaplanong ipadagos sa Mayo. Ano an nagpahiro sainda na magpayunir? Anong mga resulta an nakamtan ninda kan Abril? Paano personalmenteng nakatabang sainda an pag-auxiliary payunir? Taano ta plano nindang ipadagos an pagpayunir sa Mayo? Dagkahon an gabos na makahihimo na mag-auxiliary payunir ngonyan na bulan, nangorognang huli ta igwa ini nin limang Sabado asin limang Domingo.
Kanta 172 asin pantapos na pamibi.
Semana nin Mayo 3-9
10 min: Lokal na mga paisi.
20 min: “Magkondukta nin mga Pag-adal sa Biblia sa Librong Mabuhay Sagkod Lamang.” Hapot-simbagan. Pakakonsiderara kan parapo 6, idemonstrar kun paano an sarong hoben makaaalok asin makapopoon nin pag-adal sa Biblia na ginagamit an librong Mabuhay Sagkod Lamang.
15 min: “An Dios an Nagpapatubo—Ginigibo daw Nindo an Saindong Kabtang?” Pahayag basado sa artikulo nin Marso 1, 1993 na Torrengbantayan, pahina 19-22.
Kanta 87 asin pantapos na pamibi.