Pagtiripon sa Paglilingkod Para sa Hunyo
Semana nin Hunyo 7-13
10 min: Lokal na mga paisi asin piniling Mga Paisi sa An Satong Ministeryo sa Kahadean. Interbiohon an pirang nag-auxiliary payunir kan Abril asin Mayo na nagpaplano ngonyan na magpadagos bilang regular payunir o ipagpadagos an saindang pag-o-auxiliary payunir.
15 min: “Omawon an Dios nin Paglalang.” Hapot-simbagan sa artikulo. Patienot na iareglo an marahay na arogan na mga hobenes na magsaysay nin mga eksperyensia sa mga publikasyon na sinitar sa parapo 4, asin an saro pang parahayag puwedeng magsaysay kan eksperyensia na nasambit sa parapo 5. Dagkahon an gabos na gamiton an librong Creation sa gabos na okasyon sa Hunyo asin magbugtak nin pundasyon para sa pagdalaw liwat sa mga nagpaheling nin tunay na interes.
20 min: “Mga Pag-alok na Nakapupukaw nin Interes.” Ipakipag-olay sa mga nagdadangog kun paano iaaplikar an mga suhestion sa saindong lokal na teritoryo. Iareglo an duwa o tolong realistiko, inandam na marhay na demonstrasyon na ginagamit an mga ideya na yaon sa parapo 3 sagkod 5 kan artikulo.
Kanta 104 asin pantapos na pamibi.
Semana nin Hunyo 14-20
10 min: Lokal na mga paisi. Mga eksperyensia na nakamtan pa sana sa paggamit kan librong Creation. Dakol daw na parahayag an nakapoon nin mga pag-adal sa Biblia? (Maninigong andamon ini nin patienot.)
20 min: “Magin Maabilidad sa Saindong Ministeryo.” Pahayag na may partisipasyon an mga nagdadangog. Iiba an duwang halipot na demonstrasyon kun pinag-oolayan an parapo 3-5. Kun idinidemonstrar an punto sa parapo 4 asin 5, ipaheling kun paano an may edad nang parahayag asin an sarong hoben makapag-iibanan sa pagharongharong na ministeryo siring sa isinuherir sa artikulo. Idoon an pangangaipo na makanompong nin kagayagayahan sa ministeryo ano man an mga resulta.
15 min: Pinatatawad daw nin Dios an Satong mga Kasalan? An duwang magurang nag-aandam para sa pagsongko sa pagpapastor. Pinag-oolayan ninda kun paano tatabangan an sarong tugang na nariribok pa an isip dapit sa nakaaging mga kasalan asin dai nia maaraman kun pinatawad na sia nin Dios. Rinirepaso kan mga magurang an materyal sa librong Reasoning, pahina 81-4, saka an librong Insight, Tomo I, pahina 861-2. Kinokonsiderar ninda an saindang pangangaipo na trataron nin may kabootan an tugang na ini asin itampok an pagkaherak asin pagigin andam na magpatawad ni Jehova. Pinaplano man ninda na idoon an pangangaipo para sa personal na paghihingoa kan tugang; bakong igo an pagtuga sana. An mga magurang maopresir na kumustahon an tugang sa panapanahon, sa pagtao nin espirituwal na tabang.
Kanta 214 asin pantapos na pamibi.
Semana nin Hunyo 21-27
10 min: Lokal na mga paisi, kaiba an report sa kuwenta asin pagpasalamat sa donasyon. Pasalamatan an kongregasyon sa pinansial na suporta sa lokal na kongregasyon siring man sa pambilog na kinaban na gibohon kan Sosyedad. Sambiton sa halipot an artikulong “Not Peddlers of God’s Word” sa Watchtower na Disyembre 1, 1992, pahina 26-9 tanganing ipaheling an laen-laen na paagi na an banwaan ni Jehova nagsusuportar sa gibohon para sa Kahadean.
20 min: “Siertohon na Dumalaw Liwat.” Hapot-simbagan na pag-orolay. Iatubang an inandam na marhay na demonstrasyon sa impormasyon na pinag-orolayan sa parapo 6. Itampok an pangangaipo na dalawon liwat an mga interesadong nanompongan sa kapinonan kan bulan.
15 min: Lokal na mga pangangaipo. O pahayag nin magurang sa “Why Is It So Easy to Lie?” sa Disyembre 15, 1992 na luwas kan The Watchtower, pahina 21-3.
Kanta 54 asin pantapos na pamibi.
Semana nin Hun. 28–Hul. 4
5 Lokal na mga paisi. Teokratikong mga Bareta. Pagirumdomon an mga tugang na magreport tolos sa katapusan kan Hunyo asin kumua nin suplay kan librong Greatest Man para sa alok na literatura sa Hulyo.
15 min: “Mga Hobenes—Ekspertong Giyahan an Saindong mga Lakad.” Hapot-simbagan sa materyal. Pakatapos kan parapo 3, idemonstrar sa halipot an sarong hoben na parahayag na inaagda an sarong may edad na na ibanan sia sa paglilingkod sa langtad. Maogmang inaako iyan kan may edad nang parahayag asin isinusuherir na repasohon ninda an saindang pag-atubang bago mag-ibanan sa paglilingkod.
15 min: An Kahalagahan kan Espirituwalidad kan Pamilya. Pahayag nin magurang sa kongregasyon. Ipakipag-olay an pangangaipo para sa pampamilyang pag-orolay sa pan-aroaldaw na teksto, na ipinaheheling kun paano ini magigibo sa laen-laen na kamugtakan asin iskedyul nin pamilya. Idoon man an pangangaipo para sa pampamilyang pamimibi kisuerra sarong beses sa aldaw. Puwede ining gibohon bago magtorog. An iyo man sanang prinsipyo aplikado sa nababangang mga pamilya, solo an magurang na mga pamilya, asin mga pamilya na mayong mga aki. Mahalaga man an pampamilyang pag-aandam tanganing makamit an pinakanangongorog na pakinabang sa mga pagtiripon sa kongregasyon kada semana asin makapakosog man sa pagtubod kan iba.—Heb. 10:23-25.
10 min: “Born Again.” Librong Reasoning, pahina 76-80. Demonstrasyon nin duwang parahayag na nakanompong sa pagharongharong nin saro na naghahapot, “Ano kamo namundag liwat?” Minasimbag an mga parahayag paagi sa saro sa mga paaging isinuherir sa pahina 79-80. Pakatapos, pinag-oolayan kan mga parahayag an pagdalaw liwat na ginagamit an mga punto hale sa mga teksto sa parapo 1-3 sa pahina 78.
Kanta 223 asin pantapos na pamibi.