Pagtiripon sa Paglilingkod Para sa Hulyo
Semana nin Hulyo 5-11
10 min: Lokal na mga paisi. Idemonstrar an halaga nin pagkakaigwa nin dara-darang mga magasin na magagamit sa impormal na pagpapatotoo.
15 min: “Tabangan an Iba na Makanood Dapit sa Pinakadakulang Tawo.” Hapot-simbagan na pag-orolay. Kun itinotogot nin oras, hagadon an mga komento kan mga nagdadangog kun paano sinda naogma sa pagbasa kan publikasyon.
20 min: “Gamiton an mga Tract sa Pag-introdusir kan Librong Greatest Man.” Pag-orolay kaiba an mga nagdadangog. Magkaigwa nin duwang demonstrasyon. An primero maninigong gamiton an isinuherir na pag-atubang sa parapo 2. Pakaintrodusiran kan tract, namamansayan kan parahayag na dikit an interes kan kagharong kaya iinaalok na sana an duwang magasin imbes na an libro. An ikaduwang demonstrasyon maninigong gamiton an iyo man sanang pag-atubang sa parapo 2, pero ngonyan an kagharong nagpapaheling nin interes. An parahayag iinaatubang an libro pakapag-orolay nin halipot sa impormasyon sa tract.
Kanta 205 asin pantapos na pamibi.
Semana nin Hulyo 12-18
10 min: Lokal na mga paisi asin piniling Mga Paisi sa An Satong Ministeryo sa Kahadean. Isuherir an angay na mga puntong mapag-oolayan sa bagong mga magasin na magagamit sa paglilingkod sa langtad ngonyan na semana.
15 min: “Hapot.” Pahayag nin magurang. Idoon an paninimbagan niato na gumawe nin tama kun nag-aatender nin bautismo. Iiba an konektadong mga punto sa “Hapot” sa Enero 1992 na An Satong Ministeryo sa Kahadean.
20 min: “Kun Taano an mga Tract ta Mahalagang Marhay sa Satong Ministeryo Ngonyan.” Hapot-simbagan na pag-orolay. Pagkatapos kan ultimong parapo, magkaigwa nin halipot na demonstrasyon na nagpapaheling kun gurano kapasil an paggamit kan tract sa impormal na pagpapatotoo.
Kanta 126 asin pantapos na pamibi.
Semana nin Hulyo 19-25
10 min: Lokal na mga paisi. Sambiton an mga tampok sa Report nin Paglilingkod sa Marso. Sambiton man an nagin kabtang kan lokal na kongregasyon sa report nin paglilingkod sa langtad para sa bulan na iyan. Iiba an report sa kuwenta asin basahon an ano man na mga pasasalamat sa donasyon. Ipahayag an apresasyon sa pinansial na suporta sa lokal na kongregasyon saka sa pambilog na kinaban na gibohon kan Sosyedad.
15 min: “Pagpoon nin mga Pag-adal sa Biblia sa Librong Greatest Man.” Hapot-simbagan na pag-orolay. Pakatapos kan parapo 2, idemonstrar kun paano maponan an pag-adal sa Biblia sa libro. Poponan kan parahayag paagi sa pagbasa sa enot na tolong parapo sa kapitulo 111 kan libro dangan idagos sa isinuherir na pag-atubang sa parapo 2 kan artikulo.
20 min: Pahayag sa Paglalang, basado sa librong Reasoning, pahina 84-8. An espiker maninigong pilion sana an mga puntong kayang makobrehan sa itinalaan na oras.
Kanta 79 asin pantapos na pamibi.
Semana nin Hul. 26–Ag. 1
10 min: Lokal na mga paisi. Teokratikong mga Bareta. Ipakipag-olay an pirang puntong mapag-oolayan sa bagong mga magasin na magagamit sa ministeryo sa pagharongharong o kun nagpapatotoo sa impormal.
20 min: “Magin Regular sa Paglilingkod sa Langtad.” Pahayag kan paraataman sa paglilingkod o nin ibang kuwalipikadong tugang. Repasohon an impormasyon sa Organized to Accomplish Our Ministry, pahina 106-10, sagkod na itinotogot nin oras. Idoon an pangangaipo na an gabos regular na makikabtang sa ministeryo asin itao tolos-tolos an mga report nin paglilingkod sa langtad sa katapusan nin bulan.
15 min: Lokal na mga pangangaipo. Puwedeng repasohon an mga pangangaipo nin kongregasyon siring kan idinoon durante kan nakaaging pagsongko kan paraataman sa sirkito, o puwedeng repasohon an pag-oswag kan kongregasyon sa pagigin regular asin mga pag-adal sa Biblia, na ginagamit an mga artikulo sa daan na mga isyu kan An Satong Ministeryo sa Kahadean na nagpapaliwanag kan mga puntong ini.
Kanta 71 asin pantapos na pamibi.
Semana nin Agosto 2-8
10 min: Lokal na mga paisi asin duwa o tolong demonstrasyon nin may kakayahan na mga parahayag na nagpapaheling kun paano ikaaalok sa publiko an laen-laen na brochure durante sa Agosto. Kisuerra an saro sa mga demonstrasyon maninigong dapit sa impormal na pagpapatotoo na ginagamit an mga brochure.
20 min: Pahayag nin magurang sa “An Saindong Iyo Mani Talagang Iyo,” basado sa mga tataramon ni Jesus sa Mateo 5:37. Maninigong idoon kaini an pangangaipo na magin totoo sa satong mga tataramon, kaiba an satong panuga nin pagdusay o an satong aplikasyon na magregular o auxiliary payunir. Idtong mga igwa nin mga utang para sa Kingdom Hall nanunuga ki Jehova na sinda andam asin kayang magbayad kada bulan sa Sosyedad tanganing an iba makinabang man. Manongod digdi, marahay na sambiton kan espiker an parapo 12-15 kan suplemento sa An Satong Ministeryo sa Kahadean na Disyembre, 1991, na aktuwal na binabasa an mga parapong ini asin an sitadong mga teksto. Tapuson paagi sa mga tataramon ni Jesus sa Mateo 12:37.
15 min: Pahayag basado sa artikulong “Lubos daw Nindong Sinusunod si Jehova?” sa Mayo 15, 1993 na luwas kan An Torrengbantayan.
Kanta 38 asin pantapos na pamibi.