Pagtiripon sa Paglilingkod Para sa Agosto
Semana nin Agosto 9-15
10 min: Lokal na mga paisi asin angay na Mga Paisi sa An Satong Ministeryo sa Kahadean.
15 min: “Pagtampok kan mga Brochure Tanganing Hanapon an mga Interesado.” Hapot-simbagan na pag-orolay. An mga brochure na sinambit sa parapo 5 iyo an: Should You Believe in the Trinity?, An Dios daw Talagang May Pagmakolog sa Sato?, asin an The Government That Will Bring Paradise. Paisihon an kongregasyon dapit sa istak nin mga brochure na makukua. Entusiastikong dagkahon an mga tugang na lubos na makikabtang sa pag-alok nin mga brochure ngonyan na Agosto.
20 min: “Epektibong Paggamit sa mga Brochure Ngonyan na Agosto.” Ipakipag-olay an mga punto sa kongregasyon, asin idemonstrar an mga pag-atubang sa parapo 3, 5, asin 7. Dagkahon an marahay na pag-andam.
Kanta 30 asin pantapos na pamibi.
Semana nin Agosto 16-22
10 min: Lokal na mga paisi. Basahon an report sa kuwenta asin an ano man na mga pasasalamat sa donasyon. Pagirumdomon an kongregasyon kan mga areglo sa paglilingkod sa langtad, asin ipakipag-olay an laen-laen na puntong mapag-oolayan sa mga magasin.
20 min: “Pagdalaw Liwat Tanganing Pukawon an Interes sa Biblia.” Pakatapos nin halipot na introduksion, idemonstrar an pagdalaw liwat sa saro na nagpaheling nin interes pero dai nag-ako nin literatura. Idemonstrar man kun paano madalaw liwat sa saro na sibot na gayo para makaolay pero nag-ako nin tract na Siisay an Tunay na Namomoon sa Kinaban? Sa kada kamugtakan, ipaheling kun paano an parahayag pinoponan an orolay asin pinupukaw an interes.
15 min: “Sa Harong ni Jehova Magduruman Kita.” Hapot-simbagan na pag-orolay sa parapo 1-8 kan suplemento. Repasohon sa halipot an mga tampok sa mga publikasyon na sinambit sa parapo 7. Ipademonstrar sa may kakayahan na parahayag kun paano tatabangan an sarong bagohan na masabotan kun taano ta inorganisar kita sa mga kongregasyon. (w85-BI 4/1 p. 14 par. 6, 7 [w84-E 11/1 p. 15 par. 6, 7]) Itampok an mga kabtang kan satong mga pagtiripon na laen na gayo sa relihiyosong mga pagsamba nin Kakristianohan. Dagkahon an mga nagkokondukta nin mga pag-adal sa Biblia na iiba sa kada semana an halipot na pag-orolay na inandam sa pagtabang sa inaadalan na mapatalubo an orog pang pag-apresyar sa organisasyon asin an pangangaipo na magin kabtang kaiyan.
Kanta 191 asin pantapos na pamibi.
Semana nin Agosto 23-29
10 min: Lokal na mga paisi. Teokratikong mga Bareta.
15 min: “Kaya daw Nindong Gibohon Iyan?” Orolay kaiba kan mga nagdadangog. Interbiohon an saro o duwang regular payunir o saro o duwang parahayag na naglilingkod bilang mga auxiliary payunir sa panapanahon. Ipasaysay sa sainda kun paano sinda nagdesisyon na gumibo nin orog pa asin kun paano ninda inoorganisar an saindang mga gibohon.
20 min: “Sa Harong ni Jehova Magduruman Kita.” Hapot-simbagan na pag-orolay sa parapo 9-14 kan suplemento. Ginagamit an mga suhestion sa parapo 12 asin 13, ipademonstrar sa sarong parahayag kun paano makikipag-olay sa saro na nagsasayuma.
Kanta 165 asin pantapos na pamibi.
Semana nin Ag. 30–Set. 5
10 min: Lokal na mga paisi. Ipakikipag-olay kan magurang an report nin paglilingkod sa langtad kan kongregasyon kan Hulyo, na nagtatao nin komendasyon asin pagpakosog. Siring man, ipakipag-olay an duwa o tolong angay na puntong mapag-oolayan hale sa mga magasin na magagamit sa paglilingkod sa langtad ngonyan na Sabado asin Domingo.
15 min: “Paggamit nin Marhay sa Torrengbantayan Asin Awake!” Hapot-simbagan na pag-orolay. Tabangan an gabos na maapresyar an kadakol na oportunidad na puwedeng yaon sato aroaldaw na ikapasakamot an mga magasin, an bago patin daan na mga isyu.
20 min: Pahayag nin magurang manongod sa personal na kalinigan, basado sa Torrengbantayan na Hunyo 1, 1989, pahina 19-24 (Hunyo 1, 1989 p. 15-20 sa Ingles). An pahayag maninigong iatubang sa maboot na paagi asin may marahay na paghusgar.
Kanta 192 asin pantapos na pamibi.