Pagtiripon sa Paglilingkod Para sa Oktubre
Semana nin Oktubre 3-9
10 min: Lokal na mga paisi asin Mga Paisi sa An Satong Ministeryo sa Kahadean.
17 min: “Ngonyan Na an Panahon.” Hapot-simbagan. Iiba an mga komento sa subtemang “Pag-aaboton an Espirituwal na mga Pasohan” sa pahina 5 kan Enero 1994 An Satong Ministeryo sa Kahadean.
18 min: “Magin Mapaggirumdom sa Magasin Ngonyan na Oktubre.” Ipakipag-olay sa mga nagdadangog. Magkaigwa nin duwang iinandam nin marhay na demonstrasyon na ipinapaheling kun paano gagamiton an mga magasin sa pagpoon nin mga pag-orolay. Idoon an kahalagahan kan pag-alok nin mga magasin sa lambang pinto na may pasohan na makakua nin mga suskripsion.
Kanta 212 asin pantapos na pamibi.
Semana nin Oktubre 10-16
10 min: Lokal na mga paisi. Report sa kuwenta asin mga pasasalamat sa ano man na donasyon.
20 min: “Parents—Be Supportive!” Pahayag nin sarong magurang basado sa enot na tolong artikulo sa Agosto 8, 1994 Awake! Gumibo nin lokal na pag-aplikar sa materyal. Interbiohon sa halipot an sarong magurang na puwedeng nakaeksperyensia nang makipag-olay sa mga maestro o opisyal kan eskuwelahan.
15 min: “Ma-auxiliary Payunir daw Kamo sa Nobyembre o Disyembre?” Hapot-simbagan. Interbiohon an nagkapira na nag-auxiliary payunir kan nakaagi o an mga siertong makikikabtang sa Nobyembre o Disyembre.
Kanta 108 asin pantapos na pamibi.
Semana nin Oktubre 17-23
10 min: Lokal na mga paisi. Teokratikong mga Bareta.
15 min: Dai Kita Sumuko sa Paggibo nin Marahay. Pahayag nin sarong magurang. An espirituwal na kapagalan puwedeng makaina sa satong kagayagayahan asin kaigotan sa paglilingkod ki Jehova. Repasohon an nagkapirang paagi na mabago giraray an satong espirituwal na kosog na ginagamit an mga suhestion na itinao sa Hulyo 1, 1986 na Torrengbantayan, pahina 17 (kahon) (w86-E 1/15 p. 19 [kahon]).
20 min: “Mamomoton na Tabangan an mga Nagpapaheling nin Interes.” Ipakipag-olay sa mga nagdadangog. Iareglo an duwang demonstrasyon na ginagamit an isinuherir na mga pag-atubang.
Kanta 156 asin pantapos na pamibi.
Semana nin Oktubre 24-30
12 min: Lokal na mga paisi. Pag-olayan an artikulong “Pag-aadalan Niato Giraray an Librong Revelation.”
15 min: Igwa daw Kamo nin Permanenteng Pedido? An mga magasin na Torrengbantayan asin Awake! dakulang tabang sa pagpapalakop kan mensahe nin Kahadean. Maninigo niatong ialok an mga iyan sa lambang oportunidad. An Mayo 1984 An Satong Ministeryo sa Kahadean nagrerekomendar na an kada parahayag magkaigwa nin ‘depinidong pedidong magasin para sa depinidong bilang nin mga kopya kada isyu.’ Ta kun mayo puwedeng manompongan niato na mayo kita nin presenteng mga luwas na iaalok. Marahay para sa kada miembro kan pamilya na magkaigwa nin permanenteng pedido. Ibugtak an mga pedido sa magazine counter. Seguradohon na kuanon an mga iyan kada semana.
18 min: “Hanapon Nguna an Kahadean nin Dios—Paagi sa Danay na Pagtao nin mga Atang nin Pag-omaw.” Hapot-simbagan. Sambiton an nagkapirang kapakipakinabang na mga pasohan na puwede niatong personal na pagmaigotan.
Kanta 171 asin pantapos na pamibi.
Semana nin Okt. 31–Nob. 6
12 min: Lokal na mga paisi. Pagirumdomon an gabos sa pagdagka na mag-auxiliary payunir sa Nobyembre asin Disyembre. Magtao nin nagkapirang suhestion kun paano kita puwedeng makakua nin igong panahon na magibo iyan.
15 min: Lokal na mga pangangaipo. O magpahayag an sarong magurang sa artikulong “Makakapagpasensia daw Kamo?” sa Mayo 15, 1994 Torrengbantayan, pahina 21-3 (w94-E 5/15 p. 21-3).
18 min: Ialok an New World Translation sa Nobyembre. Mantang dakol na tawo an igwa na nin Biblia, kaipuhan niatong ipaheling kun taano ta nangongorog an New World Translation. Helingon an librong “All Scripture Is Inspired of God and Beneficial” (pahina 327-8, par. 1-6). Ipaliwanag kun taano an ngaran ni Jehova ta ginagamit, asin magtao nin nagkapirang halimbawa na nagpapaheling kan mga pakinabang sa paggamit kan modernong lenguahe. Itokdo an “Bible Words Indexed” sa likod kan Biblia na puwedeng magamit sa paghanap tolos-tolos sa pamilyar na mga teksto. An “Table of the Books of the Bible” nagpapaheling kun siisay an nagsurat kan kada libro asin kun saen patin kun kasuarin iyan isinurat. Buksan an librong Reasoning, pahina 59, sa subtemang “Bible prophecy explains the meaning of world conditions,” asin pag-olayan kun paano kamo makakapoon nin pag-orolay basado sa Juan 17:3 asin Salmo 37:10, 11, 29. Iareglo an may kakayahan na parahayag na idemonstrar kun paano iaatubang an New World Translation asin an The Bible—God’s Word or Man’s? sa lokal na teritoryo.
Kanta 136 asin pantapos na pamibi.