Repaso sa Teokratikong Paadalan sa Pagmiministro

Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Setyembre 5 sagkod Disyembre 19, 1994. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]

Simbagon nin Tama o Sala an kada saro sa minasunod na pahayag:

1. Si Satanas tusong inaakit an mga tawo na panigoan sa salang mga paagi an normal na mga pagmawot. [3, uw p. 65 par. 9]

2. An Sheol, Hades, asin Gehenna gabos nanonongod sa pankagabsan na lolobngan nin katawohan. [5, uw p. 72 par. 6]

3. Mantang an kaotoban kan Salmo 110:​1, 2 minasagkod sa huring mga aldaw kan kinaban na ini, tinatabangan kita kan mga bersikulong ini na masabotan na an hula ni Jesus manongod sa pagtatapos kan palakaw nin mga bagay bakong limitado sa kalaglagan kan Jerusalem kan 70 C.E. [14, Semanal na babasahon sa Biblia; helingon an w94 2/15 p. 12 par. 17.]

4. An Sanhedrin iyo an 71-miembrong Halangkaw na Korte nin Roma na nagtiripon sa Jerusalem. [13, gt kap. 119]

5. An “mga poon kan kinaban” na sinambit sa Efeso 6:12 iyo an politikal na mga namomoon na suhay sa pag-oyon nin Dios. [2, uw p. 63 par. 4]

6. An minilyon na bubuhayon liwat hale sa mga gadan hohokoman sono sa mga ginibo ninda bago kan saindang pagkabuhay liwat. [6, uw p. 75 par. 12]

7. Dagdag pa sa paglilingkod bilang Parapangoltanan kan bagong tipan, personal na guminibo si Jesus nin pakikipagtipan sa saiyang maimbod na mga apostol para sa sarong Kahadean. [6, gt kap. 115]

8. An bautismo, sa mismong termino kaiyan, sarong garantiya sa kaligtasan. [16, uw p. 100 par. 12]

9. Kan mamibi si Jesus: “Ama, kun boot mo, halea an kopang ini sa sako,” nakikiolay sia na iligtas sa kagadanan. (Luc. 22:42) [11, gt kap. 117]

10. Sono sa Salmo 58:​4, an rimoranon dai nakakadangog. [1, Semanal na babasahon sa Biblia; helingon an it-1 p. 485.]

Simbagon an minasunod na hapot:

11. An pakaaram na pinapakakan ni Jehova an mga gamgam asin ginugubingan nin magayon an mga burak maninigong makapaginhawa sa saiyang mga lingkod na tawo sa anong mga kahaditan? [10, uw p. 87 par. 3]

12. Siring sa sinasabi sa Salmo 58:​3-5, paanong an mga maraot kaagid sa halas? [1, Semanal na babasahon sa Biblia; helingon an w86 10/15 p. 30.]

13. Kaoyon sa Efeso 5:​3-5, sa anong basihan na sasayumahan nin sarong mapagmansay na Kristiano an sarong musika na tibaad igwa nin magayon na tono, nakakadarang kumpas, o mapuwersang kumpas? [3, uw p. 67 par. 12]

14. Ano an boot sabihon kan Biblia sa Kapahayagan 20:​14, na dian sinasabi kaiyan na an Hades “iinapon sa danaw nin kalayo”? [6, uw p. 75 par. 12]

15. Basado sa ano na an mga karnero asin kanding hinokoman sa parabola ni Jesus sa Mateo 25:​31-46? [2, gt kap. 111 par. 43]

16. Kun an Nisan 11, 33 C.E., natapos pagkasolnop kan aldaw kan Martes, kasuarin nagpoon asin natapos an Nisan 14? [3, gt kap. 112]

17. Ano an boot sabihon kan pagpabautismo sa ngaran kan Ama asin kan Aki patin kan banal na espiritu? [15, uw p. 98 par. 9

18. Sa anong mga paagi na magibo an mga disipulo ni Jesus nin mga gibohon na orog pa kisa sa ginibo nia, siring kan ipinahayag nia sa Juan 14:12? [7, gt kap. 116 par. 6]

19. Ano “an hilom na lugar kan Kaharohalangkawe” na sinasabi sa Salmo 91:​1, asin ano an kaipuhan niatong gibohon tanganing makaistar dian? [9, Semanal na babasahon sa Biblia; helingon an w93 12/15 p. 12; w86 12/15 p. 29.]

20. Taano ta masasabi ni Jesus sa Juan 16:33 na nadaog nia an kinaban? [9, gt kap. 116 par. 37]

Ibugtak an termino o frase na kaipuhan tanganing makompleto an kada saro sa minasunod na pahayag:

21. Siring kan ipinaheling sa situwasyon ni Job, iiniinsister ni Satanas na kita interesado sana sa ․․․․․․․ na mga rogaring, sa sato mismong kaginhawahan asin karahayan, asin na an satong motibo sa paglilingkod sa Dios ․․․․․․․. [12, uw p. 93 par. 13]

22. Kan bakong makatanosan na binista si Jesus, si ․․․․․․․ an gobernador sa Judea, asin si ․․․․․․․ an namamahala sa Galilea. [15, 16, gt kap. 121, 122]

23. Kaoyon sa ipinaliwanag ni ․․․․․․․ sa Lucas 3:16, kan Pentecostes 33 C.E., an mga disipulo ni Jesus nakaeksperyensia nguna nin bautismo sa ․․․․․․․; kan 70 C.E., an daing pagsolsol na mga Judio binautismohan sa ․․․․․․․. [13, uw p. 96 par. 4]

24. An bautismo ki Jesus sa ․․․․․․․ nagpoon kan 29 C.E. pero dai nalubos sagkod na sia aktuwal na ․․․․․․․ asin ․․․․․․․. [14, uw p. 97 par. 6]

25. An mga lado sa bagong tipan iyo si ․․․․․․․ asin ․․․․․․․. [5, gt kap. 114]

Pilion an tamang simbag sa kada saro sa minasunod na pahayag:

26. Malinaw na an “mga dios” na sinasabi sa Salmo 82 iyo (si Satanas asin an mga demonyo; an paganong mga dios kan mga nasyon; an mga lalaki na hokom sa Israel). [7, Semanal na babasahon sa Biblia; helingon an w86 12/15 p. 28.]

27. An pangenot na katuyohan kan pagdigdi ni Jesus sa kinaban iyo na (iligtas an katawohan; gumibo nin mga disipulo; magpatotoo sa katotoohan). [16, gt kap. 122]

28. Kun nakakaeksperyensia kita nin pisikal na mga kasakitan o materyal na kawaran, gusto kan Diablo na maheling kitang (nagtataong onra ki Jehova asin pinatutunayan na putikon an Diablo; binabasol an Dios asin magin bakong maimbod; nagtatagal siring sa ginibo ni Job). [1, uw p. 60 par. 13]

29. Sa tolo an kabtang na sahot tumang ki Jesus na ginibo kan Judiong mga namomoon sa relihiyon, siring sa isinurat sa Lucas 23:​2, an sahot na interesado si Pilato konektado ki Jesus sa (paglaglag kan Judiong nasyon; pagbawal sa pagbayad nin buhis ki Cesar; pagsabing sia mismo iyo an Cristo na hade). [15, gt kap. 121]

30. Sa Salmo 63:​3, si David aktuwal na nagsasabi na an pagkakaigwa nin marahay na relasyon ki Jehova (sunod na pinakamarahay na bagay sa buhay; katimbang nin buhay; mas mahalaga pa ngani kisa sa buhay mismo). [2, Semanal na babasahon sa Biblia; helingon an w85 4/1 p. 4.]

Ipadis an minasunod na mga teksto sa mga pahayag na nasa ibaba:

Sal. 86:​1, 2; Mat. 26:52; Juan 13:​1-17; Juan 15:8; Heb. 13:​5, 6

31. Dawa haralangkaw an presyo asin lakop an kadaihan nin trabaho, sagkod na naghihingoa kita kaoyon sa satong pagtubod, sisiertohon ni Jehova na igwa kita kan talagang kaipuhan niato. [10, uw p. 89 par. 6]

32. An tunay na mga Kristiano bakong kabtang kan kinaban; kun siring, dai sinda minagamit nin karnal na armas. [12, gt kap. 118; helingon an w94 6/1 p. 12.]

33. Dawa ngani tibaad nagtitios kita nin mga kahaditan asin depresyon huli sa mga problema na nakakapagabat sa sato, puwede kitang magsarig na ibabaling ni Jehova an saiyang talinga sa dagang ini asin maghihinanyog sa satong mapakumbabang mga pamibi. [8, Semanal na babasahon sa Biblia; helingon an w92 12/15 p. 9 par. 3, 4.]

34. Tunay na mapapamuraway niato an Dios paagi sa pagpaheling nin arog-Cristong mga kuwalidad, partikularmente an pagkamoot, asin pakikikabtang nin lubos sagkod na mapupuwede sa aktibidad na paggibo nin mga disipulo. [8, gt kap. 116 par. 19]

35. Bilang mga Kristiano maninigo kitang magin andam na maglingkod sa iba na mayo nin pagpapalaen, gurano man puwedeng kamenus o kabakong maogma an gibohon. [4, gt kap. 113]