Mga Paisi
◼ Alok sa Pebrero: Puwede Kamong Mabuhay Sagkod Lamang sa Paraiso Digdi sa Daga, an dakulang edisyon sa Ingles sa kontribusyon na ₱60.00, an sadit na edisyon sa kontribusyon na ₱30.00. Marso: Revelation—Its Grand Climax At Hand! sa kontribusyon na ₱60.00. Abril asin Mayo: Sarong taon na suskripsion sa An Torrengbantayan sa kontribusyon na ₱80.00. PASABOT: An mga kongregasyon na dai pa naghagad kan mga pankampanya na sinambit sa itaas maninigong humagad na sa saindang masunod na bulanan na Literature Order Form (S-AB-14).
◼ Maninigong repasohon kan sekretaryo asin kan paraataman sa paglilingkod an aktibidad kan gabos na regular payunir sa kongregasyon. Sa katapusan kaining Pebrero, maninigong nakareport na sinda nin mga 500 oras para sa taon na ini nin paglilingkod. Kun an siisay man nadedepisilan sa pag-abot sa kahagadan na oras, maninigong iareglo kan mga magurang na itao an tabang. Para sa mga suhestion, repasohon an surat kan Sosyedad (S-201) na may petsang Disyembre 1, 1994.
◼ Sa Domingo, Pebrero 19, magkakaigwa nin miting an gabos na nagpaplanong mag-auxiliary payunir sa Marso, Abril, asin Mayo. Dinadagka an gabos na umatender. Maninigong pangenotan kan paraataman sa paglilingkod an miting asin siertohon na igwang bastanteng aplikasyon sa pag-auxiliary payunir.
◼ Sa katapusan kan mga pagtiripon sa kongregasyon siring man kan mga programa nin pansirkitong asamblea asin espesyal na aldaw nin asamblea sa Abril 23, 1995, iaanunsiar an manongod sa sarong espesyal na gibohon na poponan paagi sa lakop na pagwaras nin apat na pahinang tract na naglalaman nin napapanahon na mensahe. Pakokosogon an mga parahayag na magtao nin espesyal na atension sa mga sadiosan an puso na odok na naghohorophorop manongod sa nakariribaraw na mga problema na napapaatubang sa sainda asin naghahanap nin masasarigan na paggiya. Bobooton kan kada parahayag, kaiba an mga bagohan na mapoon sa paglilingkod sa langtad durante kan Marso, Abril, asin Mayo, na makikabtang nin lubos asin sumuporta sa espesyal na kampanyang ini.
◼ Makukuang Bagong mga Publikasyon:
United in Worship of the Only True God—Bicol, Pangasinan, Samar-Leyte
When Someone You Love Dies (Parahayag asin publiko: ₱6.00; payunir: ₱4.00)—Bicol, Cebuano, Intsik, Ingles, Hiligaynon, Iloko, Pangasinan, Samar-Leyte, Tagalog