Repaso sa Teokratikong Paadalan sa Pagmiministro

Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Enero 2 sagkod Abril 17, 1995. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puwedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa The Watchtower.]

Simbagon nin Tama o Sala an kada saro sa minasunod na pahayag:

1. An isyu manongod sa soberaniya sa katotoohan hapot kun siisay an pinakamakapangyarihan, si Jehova o si Satanas. [jv p. 11-12]

2. An Kristianong kongregasyon kan enot na siglo burulagbulag na asosasyon nin independienteng lokal na mga kongregasyon. [jv p. 29 par. 1-3]

3. An pag-ako nin sadol tanda nin kaluyahan. [uw p. 127 par. 4]

4. An mga terminong “paraataman” asin “magurang na lalaki,” o “magurang,” gabos aktuwal na nanonongod sa iyo man sanang katongdan. [jv p. 35 nota sa ibaba]

5. An Talinhaga 11:25 sarong halimbawa nin magkatimbang na mga kaisipan o ideya sa poetikong estilo sa Hebreo, asin an Talinhaga 10:7 sarong halimbawa nin magkalaen na paralelismo. [si p. 107 par. 7]

6. Kan 33 C.E., kan sia buhayon liwat asin mamugtak na sa toong kamot nin Dios, nagpoon nang mamahala si Jesus kan panahon na idto sa saiyang linahidan na mga disipulo. (Col. 1:13) [gt kap. 132]

7. Mga 3,000 na taon bago pa nadiskobre kan mga sientista an kodigo henetiko, ipinarisa na kan Salmo 139:​13-16 an kaaraman manongod dian. [Semanal na babasahon sa Biblia; helingon an w92 5/15 p. 4.]

8. An Talinhaga 8:​22-31 paglaladawan sana sa kadonongan. [Semanal na babasahon sa Biblia; helingon an w87 5/15 p. 28.]

9. An tunay na Kristiano dai maninigong ikaongis an ano man na bagay. [Semanal na babasahon sa Biblia; helingon an w92 1/1 p. 21.]

10. Huli ta dakol sa enot na mga Kristiano an nanaksi sa atubangan nin kagadanan, an Griegong termino para sa “saksi” nagkaigwa kan kahulogan na iinaaplikar sa mga tawo na andam na magadan para sa saindang mga paniniwala. [jv p. 13]

Simbagon an minasunod na hapot:

11. Magtao nin tolong ngaran nin mga saksi ni Jehova bago kan Baha. [jv p. 13-14]

12. Sono sa Isaias 43:10 asin 61:​1, 2, sa anong duwang dahelan na dapat na magin saksi ni Jehova si Jesus? [jv p. 19 par. 4]

13. Kun an mga Judio na sa huri nagin mga Kristiano dati nang aram an ngaran nin Dios, sa anong sentido na ipinahayag, o ipinamidbid, iyan ni Jesus sa sainda? [jv p. 21 par. 1]

14. Anong duwang makahulogan na pagkaliwat sa organisasyon an inako kan kongregasyon mga 150 taon pagkagadan kan ultimo sa mga apostol? [jv p. 35 par. 2, p. 36 par. 2]

15. Maski ngani an Repormasyon nakaginibo nin nagkapirang marahay na bagay, magsitar nin kisuerra duwang pangenot na depekto na pinagdanay kan mga iglesyang Protestante gikan sa Katolisismo. [jv p. 39 par. 2, 3]

16. Anong falsong katokdoan an ikinabalde kan sadiosan na puso kan tin-edyer na si Charles Taze Russell? [jv p. 43 par. 2]

17. Ano an nagpangyaring napapalaen sa dakol na parasurat kan saiyang kaaldawan an paagi ni Tugang na Russell sa pagpaliwanag kan mga katokdoan sa Biblia? [jv p. 53 par. 3]

18. Ano an kapakinabangan para ki Jesus kan saiyang kaaraman manongod sa Salmo? [si p. 105 par. 30]

19. Taano an maimbod na mga apostol, an tugang ni Jesus sa ina na si Santiago, asin an labing 500 na disipulo ta nakombensir na binuhay liwat si Jesus? [gt kap. 131]

20. Siisay an nagtao ki Salomon kan saiyang kadonongan, asin huli kaiyan ano an maninigong apresyaron niato kun binabasa ta an Talinhaga? [si p. 106 par. 1]

Ibugtak an termino o frase na kaipuhan tanganing makompleto an kada saro sa minasunod na pahayag:

21. An mga pinanongdan ni Jesus kan saiyang mga tataramon sa Gibo 1:8 mga saksi na ni ․․․․․․․, asin magkakaigwa na sinda ngonyan nin dagdag na pribilehiyo na magin mga saksi ni ․․․․․․․, [jv p. 26 par. 1, 2]

22. Nakombensir si Tugang na Russell na an pagbalik ni Cristo magigin ․․․․․․․. asin interesanteng mangnohon na haloy pa bago kan panahon ni Russell, nagsurat si Sir Isaac Newton na si Cristo mabalik asin maghahade na ․․․․․․․ [jv p. 46 nota sa ibaba]

23. Sa saiyang bantog na pahayag kan Pentecostes 33 C.E., paorootrong nagkotar si Pedro sa libro nin ․․․․․․․ sa okasyon na idto mga ․․․․․․․ katawo an nabautismohan asin nakadagdag sa kongregasyon. [si p. 105 par. 25, 26]

24. Ihinula kan Salmo na aalokon si Jesus nin iinomon na ․․․․․․․ na pagbubunotan an saiyang pan-ibabaw na ․․․․․․․ asin na malataw na pinabayaan sia nin ․․․․․․․. [si p. 105 par. 30]

25. An Kristianismo namidbid na ․․․․․․․ huli ta iyan sarong dalan, o paagi, nin pamumuhay na nakasentro sa pagtubod ki ․․․․․․․ asin sa dayupot na pagsunod sa saiyang mga lakad. [jv p. 29 par. 5]

Pilion an tamang simbag sa kada saro sa minasunod na pahayag:

26. Kan sia nakapako, inalok si Jesus nin arak na may mirra, alagad nagsayuma siang inomon iyan huli ta (ipinangangalad iyan kan Pagboot; sia sarong Nazareo; boot niang magkaigwa nin lubos na kontrol sa saiyang kaisipan). [gt kap. 125]

27. An paghugas kan satong mga gubing asin pagpaputi kaiyan sa dugo kan Kordero nangangahulogan na kita (minaontok sa paggibo nin kasalan; nagmimidbid kan satong pangangaipo kan nakakatubos sa kasalan na halaga kan atang ni Jesus; nagdudusay sa Dios kan satong buhay asin nagpapabautismo). [uw p. 106 par. 7]

28. Ipinahayag si Jesus na daing sala nin kisuerra limang beses ni (Herodes; Pilato; Felix), na kan huri napadara sa daing herak na mga kahagadan kan mga Judio asin itinao si Jesus tanganing gadanon. [gt kap. 124]

29. An gabos na maimbod na lingkod nin Dios na nagadan asin nagdanay na gadan bago kan Pentecostes (36; 35; 33) C.E. dai linahidan kan banal na espiritu para sa langitnon na buhay. [uw p. 111 par. 5]

30. Iiniinsister ni Satanas na an gabos na tawo minomotibar nin (pagkamoot; pagkaongis; pagmawot nin personal na pakinabang) asin na an pangenot na mahalaga sa sainda iyo an (ngaran nin Dios; an iba; an sadiri). [uw p. 124 par. 14]

Ipadis an minasunod na mga teksto sa mga pahayag na nasa ibaba:

Tal. 3:​27, 28; Juan 19:​4-6; 19:​25-27; Roma 15:​2, 3; Kap. 7:​16, 17

31. An mga Kristiano igwa nin paninimbagan na atamanon an saindang gurang nang mga magurang. [gt kap. 126]

32. Tunay na mahalaga sa sato an dapit sa puwedeng magin epekto sa iba kan satong itsura, kaya boluntad niatong isinasakripisyo an pagpaogma sa satong sadiri. [uw p. 130 par. 10, 11]

33. Kun igwa kita nin oportunidad na gumibo nin marahay sa iba, baga man sa espirituwal o materyal na paagi, maninigo na aprobetsaran niato an oportunidad asin tabangan an satong kapwa, nangorogna an satong espirituwal na mga tugang. [Semanal na babasahon sa Biblia; helingon an w93 12/15 p. 20.]

34. An toninong na dignidad asin pagkakalmado sa atubangan nin kasakitan puwedeng magtao nin onra ki Jehova asin kamtan an paggalang kan mga tawo. [gt kap. 123]

35. Nagpopoon na kitang mag-ogma sa ipinanugang mga kamugtakan na angay na inaapod na “sarong espirituwal na paraiso.” [uw p. 107-9 par. 9-11]