Pagtiripon sa Paglilingkod Para sa Hunyo
Semana nin Hunyo 5-11
10 min: Lokal na mga paisi asin piniling Mga Paisi sa An Satong Ministeryo sa Kahadean.
15 min: “Si Jehova Nagtatao nin Kapangyarihan.” Hapot-simbagan. Isaysay an eksperyensia sa Pebrero 1, 1992, Watchtower, pahina 32.
20 min: “Si Jehova an Satong Kaglalang.” Ipakipag-olay sa mga nagdadangog. Magkaigwa nin duwang demonstrasyon na nagpapaheling kun paano gagamiton an isinuherir na mga pag-atubang. Iiba an pirang halipot na suhestion manongod sa kun paano magibo nin pagdalaw liwat, na binabalikan an mga napasakamotan kan ikinadistribwir na Kingdom News kan Abril asin Mayo.
Kanta 17 asin pantapos na pamibi.
Semana nin Hunyo 12-18
10 min: Lokal na mga paisi. Report sa kuenta.
17 min: “Si Cristo Bilang Arogan nin mga Hoben.” Hapot-simbagan. Iiba an nagkapirang komento sa temang ini hale sa Setyembre 1, 1986, Watchtower, pahina 4-6.
18 min: “Tabangan an mga Daing Pagtubod.” Rinerepaso kan konduktor sa Pag-adal sa Libro kan Kongregasyon an artikulo kaiba an duwa o tolong parahayag dangan pag-olayan kun paano gagamiton an materyal. Sinda nag-eensayo paagi sa pagdemonstrar kan mga pag-atubang sa lambang saro.
Kanta 122 asin pantapos na pamibi.
Semana nin Hunyo 19-25
10 min: Lokal na mga paisi.
18 min: Midbidon an Iba. Pahayag nin sarong magurang, na basado sa Disyembre 1, 1994, An Torrengbantayan, pahina 20-2, (w94-E 12/1, p. 28-30). Idoon an pangangaipo na magpaheling nin paggalang asin mamomoton na pagmakolog sa iba sa laog nin kongregasyon.
17 min: “Gamiton nin Tama an Saindong Panahon.” Hapot-simbagan. Kun manongod sa oras na ginagamit sa pagdalan nin TV, repasohon an mga suhestion sa irarom kan subtemang “Taking Control,” sa pahina 11 kan Mayo 22, 1991, Awake!
Kanta 208 asin pantapos na pamibi.
Semana nin Hunyo 26–Hulyo 2
15 min: Lokal na mga paisi. Ipakipag-olay sa halipot an kahalagahan nin mga pagdalaw liwat: An mayor na kabtang kan satong pagtotokdo ginigibo niato sa panahon na kita minabalik tanganing kultibaron an interes. Kadikit na tawo an puedeng magtalubo sa espirituwal paagi sana sa literatura. Kun dai kita nagdadalaw liwat, malilipasan ta an pinakamarahay na oportunidad na tabangan sinda. An mga pagdalaw liwat nagbubunga nin mga pag-adal sa Biblia. Nakua kan dakol na parahayag an pinakamarahay na mga resulta paagi sa pagbalik sa laog nin saro o duwang aldaw imbes na maghalat nin sarong semana.—Helingon an librong Our Ministry, pahina 88-9.
12 min: Hapot. Hapot-simbagan. Magtao nin dagdag na mga komento basado sa School Guidebook, pahina 91-2.
18 min: Repasohon an iaalok na literatura para sa Hulyo. Ipakipag-olay an tampok na mga kabtang kan mga brochure na yaon sa suplay kan kongregasyon. Ipademonstrar nin halipot sa nagkapirang parahayag kun paano an mga iyan ikaaalok sa pinto. Mga halimbawa: An Dios daw Talagang May Pagmakolog sa Sato? (Bukasan sa pahina 26-7, ipaheling an mga ilustrasyon, asin ipakipag-olay an saro sa mga teksto manongod sa maabot na Paraiso.) What Is the Purpose of Life? (Bukasan sa pahina 30-1, konsideraron an saro sa kotadong teksto, asin ipakipag-olay an ilustrasyon.) Kun Magadan an Sarong Namomotan. (Darahon an atension sa mga hapot na pinalataw sa pahina 2, asin komentohan an saro o duwang nakararangang punto sa Kasuratan na manonompongan sa pahina 31.) Paaramon an kongregasyon kun anong mga brochure an yaon sa suplay sa presente.
Kanta 225 asin pantapos na pamibi.