Pagtiripon sa Paglilingkod Para sa Oktubre
Semana nin Oktubre 2-8
10 min: Lokal na mga paisi. Piniling Mga Paisi sa An Satong Ministeryo sa Kahadean. Dagkahon an gabos na isaray an saindang kopya kan “Theocratic Ministry School Schedule for 1996” na kaiba sa isyung ini nin An Satong Ministeryo sa Kahadean. Isaray iyan sa sarong madaling makuang lugar bilang reperensia durante kan 1996.
15 min: “Danay na Omawon si Jehova.” Hapot-simbagan. Idoon an aplikasyon kan sinitar asin kinotar na mga teksto sa Kasuratan.
20 min: “Mag-alok nin mga Magasin sa Lambang Okasyon.” Ipakipag-olay an pangenot na mga punto, dangan repasohon an mga artikulo sa pinakahuring mga isyu na puedeng gamiton sa pag-alok kaiyan. Ipademonstrar an duwa o tolong pag-atubang.
Kanta 153 asin pantapos na pamibi.
Semana nin Oktubre 9-15
10 min: Lokal na mga paisi. Report sa kuenta.
15 min: Lokal na mga pangangaipo. O pahayag nin sarong magurang sa kongregasyon, “Pagtitiwalag—Saro daw na Mamomoton na Probisyon?” basado sa Torrengbantayan na Hulyo 15, 1995, pahina 26-8 (w95-E 7/15 p. 25-7).
20 min: “Kita daw Nagdadanay na Puka—Na Linilikayan an mga Nakalilingling?” Hapot-simbagan. Kun itinotogot nin panahon, tumao nin dagdag na mga komento basado sa Torrengbantayan na Mayo 1, 1992, pahina 20-2 (w92-E 5/1 p. 20-2).
Kanta 128 asin pantapos na pamibi.
Semana nin Oktubre 16-22
10 min: Lokal na mga paisi. Apodon an atension sa pulyetong Good News to All Nations, na nagtatao nin pag-atubang sa pinto sa 59 manlaenlaen na lenguahe. Magdagka na gamiton an pulyetong ini kun nakanonompong nin mga tawong nagtataram nin ibang lenguahe sa teritoryo.
15 min: Magin Andam na Rangahon an mga Nagmomondo (basado sa pahina 102-4 kan librong Reasoning). (3 min.) Ipinaliliwanag kan tugang na may kabtang na dai man isinisikwal kan Mga Saksi ni Jehova an gabos na kostumbre na may koneksion sa kagadanan. (5 min.) Idemonstrar kun paano an sarong Saksi makapaliliwanag sa sarong katrabaho kun taano ta linilikayan niato an nagkapirang tradisyonal na kostumbre nin pagmondo sa mga gadan, na ibinabasar an pag-orolay sa pahina 102-3 kan librong Reasoning. (7 min.) Ipakipag-olay sa mga nagdadangog an kabtang sa irarom kan “If Someone Says—” sa pahina 103-4.
20 min: “Mga Pagdalaw Liwat na Igwa nin Katuyohan.” Ipakipag-olay an satuyang mga pasohan sa paggibo nin mga pagdalaw liwat. Iareglo na an may kakayahan na mga parahayag magdemonstrar nin duwang magkalaen na pag-atubang. Hagadon sa sarong parahayag na ipaliwanag kun paano sinusustentohan an gibohon na ini.
Kanta 130 asin pantapos na pamibi.
Semana nin Oktubre 23-29
10 min: Lokal na mga paisi. Teokratikong mga Bareta.
15 min: “Kaipuhan Niato an Kongregasyon.” Hapot-simbagan.
20 min: Darahon an Interes Pasiring sa Organisasyon. Pinangengenotan kan paraataman sa paglilingkod an sarong pag-orolay kaiba an duwa o tolong parahayag, na ginagamit an brochure na An mga Saksi ni Jehova—Sararong Nag-ootob sa Kabotan nin Dios sa Bilog na Kinaban. Ipaliwanag kun taano ta kapakipakinabang na maaraman kan mga interesado kun paano nagpupunsionar an organisasyon, kun paano iinaareglo an manlaenlaen na aktibidad, asin kun paano sinda puedeng magin kalabot. Repasohon an mga punto sa pahina 14 asin 15 sa “Mga Pagtiripon Para sa Pagsadol nin Pagkamoot Asin Marahay na mga Gibo.” Sa halipot idinedemonstrar kan grupo kun paano an materyal na ini puedeng iiba sa pag-orolay sa sarong pagdalaw liwat o pag-adal sa Biblia tanganing matabangan an interesadong tawo na masabotan an pangangaipo na umatender.
Kanta 126 asin pantapos na pamibi.
Semana nin Okt. 30–Nob. 5
10 min: Lokal na mga paisi. Huli sa pagdangadang nin kinabanon na mga piesta opisyal sa Nobyembre asin Disyembre, dagkahon an gabos na horophoropon an pagpalista bilang mga auxiliary payunir.
15 min: Naprobaran na daw Nindo an mga Rekomendado? Sarong pahayag. An nagkapirang parahayag nakapoon nin bagong mga pag-adal sa Biblia sa paaging ini: Paghaloyhaloy na makipag-adal nin Biblia sa sarong interesado, hinahapot ninda an tawo kun may aram sia sa siisay man sa saiyang mga katood, paryentes, o pag-iriba na tibaad interesado sa pag-adal sa Biblia. Sa parate nagkapirang ngaran an itinatao. Ihapot kun puedeng gamiton an saiyang ngaran kun sinosongko an mga tawong ini. Kun nagsosongko, puedeng sabihon nindo na “Si arog kaini naoogmang gayo sa pag-adal sa Biblia kaya naisip nia na magugustohan man nindong makinabang sa samuyang programa nin daing bayad na pag-adal sa Biblia.” Ini magtatao nin kapakipakinabang na lista nin mga pagdalaw liwat na tibaad magin mabungang mga pag-adal sa Biblia. Iiba an saro o duwang eksperyensia nin mga parahayag na nakanompong nin interesadong mga tawo o nakapoon nin bagong mga pag-adal sa paaging ini.
20 min: Pag-alok kan New World Translation Kaiba kan Librong The Bible—God’s Word or Man’s? Ngonyan na Nobyembre. Repasohon an mga karakteristiko kan New World Translation sa librong Reasoning, pahina 276-80. Basahon an “Definition,” na ipinaliliwanag kun taano ini ta prinodusir. Simbagon an mga hapot na ini: Basado sa ano an traduksion na ini? Sairisay an mga nagtradusir? Tunay daw na iyan intelektuwal na traduksion? Taano an ngaran na Jehova ta ginamit sa Kristianong Griegong Kasuratan? Dangan ipaliwanag kun taano kita ta makapasasalamat na nagkaigwa kan traduksion na ini. (Helingon an librong “All Scripture,” pahina 331, parapo 22 asin 23.) Ipademonstrar sa sarong may kakayahan na parahayag an halipot na pag-atubang na ginagamit an pambukas na mga komento sa kapitulo 14 kan librong The Bible—God’s Word or Man’s? pahina 184. Ipagirumdom sa gabos na kumua nin mga kopya na gagamiton sa paglilingkod sa semanang ini.
Kanta 138 asin pantapos na pamibi.