Pagtiripon sa Paglilingkod Para sa Disyembre
Semana nin Disyembre 4-10
10 min: Lokal na mga paisi asin piniling Mga Paisi sa An Satong Ministeryo sa Kahadean. Magtao nin espesyal na pagdodoon sa ikatolong paisi sa pahina 7 dapit sa pakikakabtang sa paglilingkod amay pa ngonyan na Disyembre asin pagsierto na ikatao an mga report bago maghale para sa pandistritong kombension.
15 min: “Omawon si Jehova Aroaldaw.” Hapot-simbagan. Ipabasa an mga parapo. Ipasaysay sa saro o duwang parahayag an nakapakokosog na mga eksperyensia na nakamtan mientras na impormal na nagpapatotoo.
20 min: “Pag-alok kan The Greatest Man Who Ever Lived.” Repasohon an isinuherir na mga pag-atubang, asin ipademonstrar an saro o duwa kaini.
Kanta 224 asin pantapos na pamibi.
Semana nin Disyembre 11-17
13 min: Lokal na mga paisi. Report sa kuenta. Repasohon sa halipot an nagkapirang dahelan kun taano kita ta maninigong magplano para sa lubos asin makatuyohan na pakikakabtang sa paglilingkod sa langtad. Imbes na limitaran an satong sadiri sa sarong oras o labi pa kun kita minaluwas, taano ta dai iareglo na magluwas sa laog nin duwang oras o labi pa kun mapupuede? An kapangganahan parateng minadepende sa pati enot na pagplano nin mga pagdalaw liwat asin pakiaareglo na makiiba sa mga nagpaplanong lumuwas sa laog nin duwang oras o labi pa.
15 min: Lokal na mga pangangaipo. O pahayag sa artikulong “An mga Balos sa Pagkadesidido,” hale sa Agosto 1, 1995 Torrengbantayan, pahina 20-4 (w95-E 8/1 p. 25-9).
17 min: “Mag-andam Para sa Asin Mag-ogma sa mga Pagtiripon kan Kongregasyon.” Pahayag asin orolay. Imbitaran an saro o duwang parahayag na isaysay kun ano an saindang ginigibo na nakatatabang sa sainda na mag-ogma sa mga pagtiripon asin makinabang nin lubos dian.
Kanta 28 asin pantapos na pamibi.
Semana nin Disyembre 18-24
10 min: Lokal na mga paisi. Magtao nin nagkapirang suhestion kun paano mataktikang masimbag sa mga pataratara sa kapiestahan. Ianunsiar an espesyal na mga areglo nin pagpatotoo sa Disyembre 25.
15 min: “Padagos na Pagpasirang kan Satong Liwanag.” Hapot-simbagan sa parapo 1-9 kan suplemento.
20 min: “Dalawon Liwat an mga Nagpaheling nin Interes.” Repasohon an isinuherir na mga pag-atubang, asin magkaigwa nin duwang halipot na demonstrasyon. Pakosogon an gabos na gumibo nin mga pagdalaw liwat na may pasohan na makapoon nin mga pag-adal sa Biblia sa librong Greatest Man.
Kanta 44 asin pantapos na pamibi.
Semana nin Disyembre 25-31
10 min: Lokal na mga paisi. Ianunsiar an espesyal na mga areglo nin pagpatotoo sa Enero 1. Repasohon man an artikulong “Bagong Programa nin Pansirkitong Asamblea.”
15 min: Pag-alok kan Mankind’s Search for God sa Enero. Repasohon an tampok na mga kabtang kan libro na puedeng gamiton tanganing mapukaw an interes kan manlaenlaen na klase nin tawo. Idemonstrar an sarong simpleng pag-atubang. Kun an saindong kongregasyon igwa nin dakol na suplay kan librong True Peace and Security, puedeng ini na sana an ialok, asin an mapag-oolayan na mga punto sa librong ini puedeng pag-olayan asin idemonstrar.
20 min: “Padagos na Pagpasirang kan Satong Liwanag.” Pag-orolay sa parapo 10 sagkod 19 kan suplemento. Pakatapos nin halipot na introduksion, ipasasaysay nin sarong magurang sa kongregasyon sa nagkapirang may kakayahan na parahayag o payunir an mga eksperyensia sa parapo 10 sagkod 14 kan suplemento. An parapo 15 sagkod 19 puedeng pangenotan paagi sa hapot-simbagan. Pangengenotan kan paraataman sa paglilingkod kun mapupuede.
Kanta 3 asin pantapos na pamibi.