Mga Paisi

◼ Alok sa Disyembre: The Greatest Man Who Ever Lived sa kontribusyon na ₱60.00. Enero: Mankind’s Search for God sa kontribusyon na ₱30.00 o True Peace and Security sa kontribusyon na ₱20.00. Pebrero: Revelation​—Its Grand Climax At Hand! sa kontribusyon na ₱60.00. Marso: Bagong publikasyon na iluluwas sa pandistritong mga kombension. PASABOT: An mga kongregasyon na dai pa naghagad kan mga pankampanya na sinambit sa itaas maninigong humagad na sa saindang masunod na bulanan na Literature Order Form (S-AB-14).

◼ An nangengenot na paraataman o an saro na iinasignar nia maninigong siyasaton an kuenta kan kongregasyon sa Disyembre 1 o sa pinakamadaling panahon pakalihis kaiyan. Ianunsiar sa kongregasyon kun nagibo na ini.

◼ Mahalaga para sa gabos na parahayag na gumibo nin depinidong mga areglo na makikabtang sa paglilingkod sa langtad amay pa ngonyan na Disyembre. Kun, huli sa pag-atender sa kombension o pagbakasyon, mayo kamo sa saindong kongregasyon sa katapusan kaining Disyembre, siertohon na itao sa sekretaryo an saindong report bago kamo humale. Paagi sa pagigin maimbod kan gabos sa pagtao kan saindang report nin tama sa panahon, magkakaigwa kita nin kompletong report ngonyan na Disyembre.

◼ Mantang an pandistritong kombension sa taon na ini tolong aldaw, dai kaipuhan na kanselaron an Pag-adal sa Libro kan Kongregasyon durante kan semana nin kombension.

◼ Mga Kontribusyon sa Pandistritong Kombension: Huling mayong ipupuestong pagkakan sa mga kombension, an gabos na gastos, kabale an arkila kan mga pasilidad, pagtogdok nin plataporma, asin an itinagamang mga sound system, susuportaran gabos nin boluntad na mga kontribusyon. Aram niamo na isasaisip ini kan gabos na maatender. An mga kontribusyon puedeng gibohon paagi sa mga kahon nin kontribusyon na yaon sa mga kombension. (Helingon an parapo 12 kan suplemento sa Nobyembre, 1995 An Satong Ministeryo sa Kahadean.)

◼ Teksto kan Taon 1996: An teksto kan taon para sa 1996 kinua sa Santiago 1:22: “Magin kamong mga paragibo kan tataramon.” An gabos na kongregasyon maninigong mag-areglo na ibugtak an bagong tekstong ini sa saindang Kingdom Hall pag-abot nin Enero 1, 1996.

◼ Paglangkaw sa Presyo kan Magasin: Huli sa naglalangkaw na mga gastos sa papel asin produksion, kinaipuhan na langkawan an presyo kan mga magasin poon sa Enero, 1996 na mga luwas. An kontribusyon ₱5.00 para sa mga parahayag asin publiko asin ₱3.50 para sa mga payunir. An suskripsion ₱120.00 an sarong taon asin ₱60.00 an anom na bulan. An kantidad para sa payunir ₱60.00 an sarong taon asin ₱30.00 an anom na bulan. (Pasabot sa mga nag-aasikaso kan mga magasin: Mantang an bagong kantidad mapoon sa mga luwas na Enero, siertohon na ibugtak an mga luwas na ini sa bagong kantidad dawa ngani umabot iyan ngonyan na Disyembre; ta kun dai maaapektaran an kuenta kan kongregasyon.)

◼ Bagong Darakula an Letrang Watchtower: Naoogma kaming ipaisi na an darakula an letrang edisyon kan The Watchtower sa Cebuano, Iloko, asin Tagalog ipupublikar poon sa Enero 1, 1996 na mga luwas. Ini siring kadakula kan regular na magasin na may 32 na pahina alagad mayo nin kolor o mga ilustrasyon asin igwa sana nin mga artikulong pag-aadalan na may mga hapot. An presyo pareho kan sa regular na edisyon. Puede iyan pedidohon paagi sa indibiduwal na suskripsion o sa mga kopyang pandistribwir na ipinadadara sa kongregasyon. Sa pagpedido, gamiton an regular na Watchtower subscription slip (M-l) o an pormang Distributors’ Order (M-202) asin markahan nin malinaw an kanto sa toong itaas nin “LARGE PRINT.” Naglalaom kami na an probisyon na ini makatatabang sa mga gurang o sa maluya an pagheling.

◼ Album na Greatest Man: Mantang iinaalok niato an librong Greatest Man ngonyan na Disyembre, marahay na isaisip na an Sosyedad igwang album na may 8 cassette para sa librong ini sa Ingles. Dakol na pamilya an naoogmang maghinanyog kaini nin regular asin nanonompongan iyan na nakapakokosog asin nakapagtotokdo nanggad. Pati an mga inaadalan sa Biblia tibaad magin interesado na kumua nin saro kaini. An kontribusyon ₱300.00 para sa mga parahayag asin publiko asin ₱230.00 para sa mga payunir. Minsan siring, an kantidad na ini malangkaw poon sa Enero 1, 1996.

◼ Makukuang mga Publikasyon Para sa mga Buta: An sanga digdi sa Pilipinas igwang manlaenlaen na publikasyon sa Grado 2 kan Braille na Ingles. Kun an mga parahayag may kabistong nakababasa kan klaseng ini nin Braille, puedeng sumurat sa Sosyedad an sekretaryo kan kongregasyon para sa impormasyon kun paano an mga ini makukua.