Repaso sa Teokratikong Paadalan sa Pagmiministro

Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Setyembre 4 sagkod Disyembre 18, 1995. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa The Watchtower.]

Simbagon nin Tama o Sala an kada saro sa minasunod na mga pahayag:

1. An Mga Saksi ni Jehova mayong lider. [jv p. 117 par. 4]

2. Tinatabangan kita kan Isaias 38:5 na masabotan na an odok sa boot na mga pagngayongayo puedeng magpahiro ki Jehova na gibohon an tibaad dai kutana nia gigibohon. [Semanal na babasahon sa Biblia; helingon an w95 4/1 p. 15.]

3. An maluyang tawo sa daga puedeng makakolog o makapagayagaya sa Kaglalang kan uniberso. (Isa. 63:10) [Semanal na babasahon sa Biblia; helingon an w93 6/15 p. 15.]

4. Si N. H. Barbour naghingakong nagtutubod sa pantubos, na si Cristo nagadan para sa sato. Isinikwal nia an ideya nin “pagsalihid”​—na si Cristo nagadan imbes na kita. [jv p. 131 par. 3, 4, nota sa ibaba]

5. An Isaias 53:​5, 12 naghula na si Jesu-Cristo magagadan bilang sarong pantubos na atang tanganing tahoban an mga kasalan nin iba. [Semanal na babasahon sa Biblia; helingon an w92 10/1 p. 14.]

6. Paagi sa saiyang pag-adal sa Kasuratan, narealisar ni Russell na si Cristo bako sanang mabalik na dai naheheling kundi magdadanay man na dai naheheling, dawa kun ihinahayag an saiyang presensia paagi sa paghokom sa mga maraot. [jv p. 133 par. 3]

7. Minsan ngani an Mga Saksi ni Jehova dai sa ano man na paagi nakikakabtang sa politikal na mga aktibidad, dai sinda nakikilabot sa ginigibo nin iba dapit sa pag-ayon sa partido politika, pagkandidato, o pagboto sa mga eleksion. [uw-BI p. 166 par. 12]

8. An maimbod na mga lingkod nin Dios antes kan kapanahonan ni Cristo daing aram manongod sa bagong kinaban na linalaoman niato. [Semanal na babasahon sa Biblia; helingon an w95 2/15 p. 11.]

9. Si Ciro nagin “linahidan” ni Jehova dawa ngani mayong ebidensia na binuboan sia nin literal na lana. (Isa. 45:1) [Semanal na babasahon sa Biblia; helingon an w92 11/15 p. 30.]

10. Tanganing makapaglingkod sa Dios na may bilog na debosyon, kaipuhan na maaraman nin mga Kristiano an aldaw asin oras na lalaglagon ni Jehova an daganon na palakaw ni Satanas. [uw-BI p. 176 par. 2]

Simbagon an minasunod na mga hapot:

11. Noarin maninigong ipakipag-olay nin sarong Kristiano sa saiyang doktor an manongod sa saiyang desisyon na lumikay sa dugo? [uw-BI p. 158 par. 9]

12. Sa anong paagi na si Jesus bakong kabtang kan kinaban? [uw-BI p. 161 par. 2]

13. An pagtaram kan Tataramon nin Dios na may kapusoan dai nangangahulogan nin ano? [uw-BI p. 175 par. 13]

14. Siisay an tunay na “Israel nin Dios,” asin sa anong taon iyan namidbid? (Gal. 6:16) [jv p. 141 par. 3, 4]

15. Anong prinsipyo an klarong namansayan kaidtong 1962 na nagpalinaw kan satong pakasabot dapit sa pagpapasakop sa “haralangkaw na autoridad”? (Roma 13:​1-7) [jv p. 147 par. 3]

16. Dawa ngani bisto kita kan 1931 bilang mga Kristiano asin bilang Mga Estudyante sa Biblia, taano ta may pangangaipo na akoon an nagpapamidbid na ngaran na Mga Saksi ni Jehova? [jv p. 150 par. 5–p. 151 par. 2]

17. Anong paniniwala may koneksion sa daga asin sa teksto sa Mateo 5:5 an nagpapalaen kan Mga Saksi ni Jehova sa bilog na Kakristianohan? [jv p. 161 par. 3]

18. Sa arin na mga libro asin kapitulo nagtataong impormasyon an tolo sa mga Ebanghelyo manongod sa dakol an kabtang na tanda na nagpapamidbid sa “pagtatapos kan palakaw nin mga bagay”? [uw-BI p. 178 par. 5]

19. Taano an ngaran na Mga Saksi ni Jehova ta bako sanang sarong pag-apod? [jv p. 158 par. 4]

20. Taano ta daing kustion sa tahaw nin Mga Saksi ni Jehova dapit sa kun paano maninigong mansayon an pagsambay, pakikisaro, o homoseksuwalidad? [jv p. 173 par. 1, p. 174 par. 3]

Ibugtak an termino o frase na kaipuhan tanganing makompleto an kada saro sa minasunod na mga pahayag:

21. Kun an sarong Kristiano ilinaog sa ospital, sia maninigong gumibo nin ․․․․․․․ na kahagadan na dai gumamit nin dugo, asin maninigo na personal niang ․․․․․․․ ini sa doktor na magkakapot sa kaso nia. [uw-BI p. 158 par. 9]

22. An duwang paagi na ipinaheheling niato an satong pagsarig ki Jehova iyo an regular na pag-atender sa ․․․․․․․ asin regular na pagdolok sa Saiya sa ․․․․․․․. [uw-BI p. 170-1 par. 5-7]

23. Poon kan 1976 sagkod 1992, an boluntaryong mga trabahador sa ․․․․․․․ nagtabang sa pagpatindog nin bagong mga pasilidad ․․․․․․․ sa mga 60 kadagaan, labing 29,000 na bagong ․․․․․․․ an naorganisar sa bilog na kinaban, asin an organisasyon haros ․․․․․․․ na nagin labing 4,470,000 na parahayag kan Kahadean. [jv p. 114 par. 1, p. 115 par. 1, asin p. 117 par. 2]

24. Kan Hunyo 1882, an Zion’s Watch Tower nagpahayag na si ․․․․․․․ asin si ․․․․․․․ asin bakong sarong persona, na sinda saro sa sentido sana nin pagigin ․․․․․․․, asin na an espiritu bakong ․․․․․․․ kun paanong an espiritu kan kinaban bakong persona. [jv p. 123 par. 4]

25. Kan Hunyo 22, 1977, duwang semana pagkagadan ni Tugang na Knorr, si ․․․․․․․ nagin presidente kan Watch Tower Society. [jv p. 109 par. 3]

Pilion an tamang simbag sa kada saro sa minasunod na mga pahayag:

26. An enot na mga Kristiano tinuya na mga naoongis sa rasa nin tawo huli ta sinda (habong makipag-olay sa mga daing pagtubod; dai nagsamba sa mga idolo; naglikay sa madahas asin inmoral na aling-alingan). [uw-BI p. 163 par. 7]

27. Sa ilustrasyon ni Jesus sa Mateo 13:​36-43, an trigo nagrerepresentar sa (maimbod na mga tawo kan suanoy; dakulang kadaklan; linahidan na mga Kristiano), mantang an mga doot nagrerepresentar sa (gabos na daing pagtubod; palsipikadong mga Kristiano; mga eskriba asin Fariseo). [uw-BI p. 179 par. 7]

28. An pangenot na katuyohan nin Dios iyo an (pagligtas sa tawo; paglaglag sa Diablo; pagbindikar sa saiyang soberaniya). [jv p. 167 par. 1]

29. An sarong organisasyonal na pagliliwat na nagpoon kan Oktubre 1, 1972, malinaw na nagsabi na may sarong (paraataman; lingkod sa kongregasyon; grupo nin kamagurangan) na nonombrahan na mangataman sa kada kongregasyon. [jv p. 106 par. 2]

30. Igwa kita nin mas kompletong biograpiya ni Jeremias kisa sa siisay man sa iba pang mga propeta kan suanoy apuera ki (Daniel; Isaias; Moises). [si p. 124 par. 5]

Ipadis an minasunod na mga teksto sa mga pahayag na nasa ibaba:

Lev. 17:​11, 12; Isa. 43:10; Jer. 7:31; Juan 10:16; Gibo 4:13

31. An limitadong sekular na edukasyon dai minadiskualipikar sa saro sa pagigin daing takot na parabalangibog kan maogmang bareta. [uw-BI p. 172 par. 8]

32. An solamenteng Makakasuratan na mapaggagamitan nin dugo nagtatampok kan kabanalan kaiyan asin nagdodoon kan halaga kan atang ni Cristo. [uw-BI p. 159 par. 11]

33. Mayo nin pagriribal an grupong linahidan asin an dakulang kadaklan, ni may ano man na pangangatanosan na huli sa paglaom o kamugtakan, an saro mas halangkaw o mas hababa kisa sa saro. [jv p. 171 par. 2]

34. Si Jehova mayo nin sinundan; mayong dios na nag-eksister antes sa saiya, asin dai na magkakaigwa pa kasunod nia huli ta sia daing sagkod, an Supremong Soberano. [Semanal na babasahon sa Biblia; helingon an w92 1/15 p. 22.]

35. An kadaklan na adulto ngonyan dai man lamang maisip na idolot an saindang mga aki bilang atang sa mga idolo, pero dai masabing minilyon na omboy an tuyong linalaglag paagi sa aborsion, asin minilyon na barobata an idinodolot sa altar nin guerra. [Semanal na babasahon sa Biblia; helingon an w88 1/15 p. 31.]