Mga Paisi
◼ Alok sa Enero: Mankind’s Search for God sa kontribusyon na ₱30.00 o True Peace and Security sa kontribusyon na ₱20.00. Pebrero: Revelation—Its Grand Climax At Hand! sa kontribusyon na ₱60.00. Marso: Bagong publikasyon na iluluwas sa pandistritong mga kombension. Abril asin Mayo: Sarong taon na suskripsion sa An Torrengbantayan sa kontribusyon na ₱120.00. PASABOT: An mga kongregasyon na dai pa naghagad kan mga pankampanya na sinambit sa itaas maninigong humagad na sa saindang masunod na bulanan na Literature Order Form (S-AB-14).
◼ An Enero iyo an panahon na bagohon an satong mga Medical Directive asin Identity Card para sa 1996. Siring man, an gabos na bago pa sanang mabautismohan na miembro kan kongregasyon maninigong tawan nin kard, patin an dai pa bautisadong minor de edad na mga aki nin mga magurang na Saksi. Tabi repasohon kan sekretaryo an surat sa gabos na kongregasyon na may petsang Nobyembre 1, 1991 sa kun paano lellenaran an mga kard na ini, asin tawan nin kard an gabos na nangangaipo kaiyan sa Pagtiripon sa Paglilingkod para sa semana nin Enero 8-14. Kun kinakaipuhan, pumedido pa nin mga kard sa Sosyedad.
◼ An pagselebrar kan Memorial gigibohon sa Martes, Abril 2, 1996, pagkasolnop kan aldaw. Minsan ngani an pahayag puedeng magpoon nin mas amay, tabi girumdomon na an pagpasa kan tinapay asin arak kan Memorial maninigong dai magpoon sagkod na dai pa nakasosolnop an aldaw. Mayong ibang pagtiripon na maninigong gibohon sa aldaw na iyan. An ano man na pagtiripon na ginigibo sa aldaw na iyan maninigong iiskedyul sa ibang aldaw sa semanang iyan. An mga imbitasyon sa Memorial ipadadara sa mga kongregasyon kun naimprenta na asin sisingilon sa kantidad na ₱35.00 kada 1,000 kopya.
◼ An espesyal na pahayag-publiko para sa 1996 itatao sa bilog na kinaban sa Domingo, Abril 21, 1996. An magigin tema “Pagdadanay na Daing Kanawayan sa Tahaw nin Sarong Bikong Kapag-arakian.” Itatao an outline sa tamang panahon. An mga kongregasyon na dinadalaw kan paraataman sa sirkito, may pansirkitong asamblea, o espesyal na aldaw nin asamblea sa katapusan kan semanang iyan magkakaigwa kan espesyal na pahayag sa masunod na semana, sa Abril 28. Dai nin kongregasyon na magkakaigwa nin espesyal na pahayag bago an Abril 21.
◼ Dai pa sana nahahaloy na nagpadara kami nin apat na kopya kan bagong Watch Tower Publications List sa kada kongregasyon. An sarong kopya para sa sekretaryo, an saro para sa nag-aasikaso kan kuenta, asin tigsarong kopya an nag-aasikaso kan literatura asin kan mga magasin. Siyasaton tabi ini nin maingat asin mangnohon an paglangkaw kan halaga nin piling mga espesyal na pinepedido siring baga kan deluxe na mga Biblia, darakula an letrang Biblia, kalendaryo, asin audiocassette.