Mga Paisi

◼ Alok sa Marso: An bagong librong Kaaraman na Minagiya Pasiring sa Buhay na Daing Katapusan sa kontribusyon na ₱20.00. Abril asin Mayo: Sarong taon na suskripsion sa An Torrengbantayan sa kontribusyon na ₱120.00. Hunyo: Kaaraman na Minagiya Pasiring sa Buhay na Daing Katapusan sa kontribusyon na ₱20.00. PASABOT: An mga kongregasyon na dai pa naghagad kan mga pankampanya na sinambit sa itaas maninigong humagad na sa saindang masunod na bulanan na Literature Order Form (S-AB-14).

◼ Poon sa Abril, an mga paraataman sa sirkito matao kan pahayag-publiko na may temang “Magtiwala sa Dios nin Gabos na Karangahan” kun nagdadalaw sa mga kongregasyon.

◼ Maninigong siyasaton an kuenta kan kongregasyon sa Marso 1 o sa pinakamadaling panahon pakalihis kaiyan kan nangengenot na paraataman o kan saro na iinasignar nia. Ianunsiar sa kongregasyon kun nagibo na ini.

◼ Siring kan ipinaisi sa An Satong Ministeryo sa Kahadean kan Enero, itatao an espesyal na pahayag-publiko ngonyan na taon sa kadaklan na konregasyon sa Abril 21. An pahayag may temang “Pagdadanay na Daing Kanawayan sa Tahaw nin Sarong Bikong Kapag-arakian.” Maninigong gumibo nin espesyal na paghihingoa na imbitaran an mga maatender sa Memorial sa Abril 2.

◼ An mga nagpaplanong mag-auxiliary payunir sa Abril asin Mayo maninigong itao an saindang aplikasyon nin amay pa sa komite kan paglilingkod. Tatabangan kaini an kamagurangan na maaraman kun pira an mag-o-auxiliary payunir durante kan espesyal na mga bulan na ini tanganing ikaareglo ninda an supisyenteng teritoryo asin mga suplay na literatura.

◼ Bilang pag-andam para sa Memorial sa Abril 2, an gabos pinaririgon an boot na sundan an babasahon sa Biblia na nakaiskedyul para sa Marso 28 sagkod Abril 2. Maheheling an iskedyul kapwa sa 1996 Calendar asin Pagsiyasat sa Kasuratan Aroaldaw-1996.

◼ Makukuang Bagong Videocassette: The New World Society in Action (Pag-repaso sa makasaysayan na pasale kan 1954 na may kaparehong tema. Publiko asin Parahayag: ₱300.00; Payunir: ₱240.00.)—Ingles