Pagtiripon sa Paglilingkod Para sa Abril
Semana nin Abril 1-7
10 min: Lokal na mga paisi asin Mga Paisi sa An Satong Ministeryo sa Kahadean. Sambiton an ano man na pambihirang report manongod sa saindong pagselebrar kan Memorial.
20 min: “Magin ’Maigot sa Marahay na mga Gibo’ Ngonyan na Abril!” Hapot-simbagan sa parapo 1-10 na pangengenotan kan paraatarnan sa paglilingkod. Ipaliwanag (1) kun ano an pinaplano sa lokal para sa pinahiwas na paglilingkod sa langtad ngonyan na Abril. (2) kun paano matatabangan an gabos na makikabtang. asin (3) kun paano an mga bagohan asin saradit na aki ikaiiba.
13 min: “Hanapon an mga May Tamang Tendensia.” Repasohon an isinuherir na mga pag-atubang dangan magkaigwa nin duwang demonstrasyon na nagpapaheling kun paano iyan magagamit. Mantang may oras pa, isaysay an nagkapirang suhestion sa pag-alok nin mga magasin na yaon sa Enero 1996 na An Satong Ministeryo sa Kahadean, pahina 5.
Kanta 20 asin pantapos na pamibi.
Semana nin Abril 8-14
15 min: Lokal na mga paisi. Report sa kuenta; sambiton an mga pasasalamat sa donasyon na naresibi hale sa Sosyedad. Pag-olayan an praktikal na mga paagi na matatabangan niato an mga bagohan na nakaatender kan Memorial na gumibo nin orog pang espirituwal na pag-oswag. Repasohon an Abril 1, 1991 Torrengbantayan, pahina 15-18 (w91-E 4/1, p. 9-12).
15 min: “Magtao nin Banal na Pagli-lingkod Aldaw Asin Banggi.” Hapot-simbagan. Basahon an parapo 5 asin 6.
15 min: “Magin ‘Maigot sa Marahay na mga Gibo’ Ngonyan na Abril!“ Hapot-simbagan sa parapo 11-15. Parigonon an boot kan gabos na analisaron an saindang personal na mga kamugtakan asin humanap nin mga paagi na madagdagan an saindang pagsuportar sa ministeryo sa langtad.
Kanta 113 asin pantapos na pamibi.
Semana nin Abril 15-21
10 min: Lokal na mga paisi. Pagirumdomon an mga nagdadangog manongod sa espesyal na pahayag-publiko sa Abril 21, na may temang “Pagdada-nay na Daing Kanawayan sa Tahaw nin Sarong Bikong Kapag-arakian.” Parigonon an boot na gumibo nin dagdag pang paghihingoa na matabangan an gabos na makaatender.
15 min: “Nagbago Na an mga Panahon.“ Hapot-simbagan. Idoon an pag-atubang kan mensahe nin Kahadean sa paagi na napaninigoan an pinakaapuradong mga pangangaipo kan mga tawo. Magsuherir nin nagkapirang isyu manongod sa pamilya, emosyon, asin sosyedad na nasa isip nin dakol na tawo, siring sa sinasabi sa Enero 1, 1994 Torrengbantayan, pahina 22-3.
20 min: “An Pagtubod Minasunod sa Bagay na Nadangog.” Pag-olayan kun paano magagamit an ikinapasakamot na mga magasin na makultibar an interes na puedeng gumiya sa mga pag-adal sa Biblia sa librong Kaaraman. Ipademonstrar an duwa o tolong pag-atubang.
Kanta 204 asin pantapos na pamibi.
Semana nin Abril 22-28
15 min: Lokal na mga paisi. Repasohon an tampok na mga kabtang kan espesyal na pahayag na itinao kan nakaaging Domingo. Pag-olayan kun paano an sadol na ini maninigong makamotibar sa mga interesado na manindogan nin marigon para sa tunay na pagsamba. Siring man, darahon an atension sa “Padagos na Umoswag sa Tamang Kaaraman,” asin idoon an kahalagahan nin regular na pag-atender sa Pag-adal sa Libro kan Kongregasyon.
12 min: “Hapot.“ Pahayag nin sarong magurang sa kongregasyon. Ipaliwanag kun taano an mga tugang na lalaki na nagkokondukta nin mga pagtiripon ta maninigong likayan an sobrang pagkapamilyar paagi sa pag-apod sa mga indibiduwal, na ginagamit sana an saindang ngaran.
18 min: Pag-oolay nin sarong magurang sa kongregasyon asin sarong ministeryal na lingkod sa artikulong may temang “Diosnon na mga Pamilya kan Suanoy—Sarong Arogan sa Satong Aldew,” na makukua sa pahina 20-3 kan Setyembre 15, 1995 luwas kan An Torrengbantayan. Gumibo nin praktikal na pag-aplikar tangani na makinabang an mga pamilya sa lokal.
Kanta 143 asin pantapos na pamibi.
Semana nin Abr. 29—Mayo 5
12 min: Lokal na mga paisi. May mga nagsasabi na an Mga Saksi ni Jehova sarong “sekta” o “kulto,” na ilnalagalag an iba manongod sa satong mga aktibidad asin katuyohan. Ginagamit an librong Reasoning, pahina 202. Ipaliwanag kun paano pahihimutikan an sahot na ini.
15 min: Saramang Pagkobre sa Satong Teritoryo. Pahayag kan paraataman sa paglilingkod. An suruhaysuhay o hararayong mga lugar tibaad bihirang magibo. An iba tibaad tuyong likayan an paggibo sa mga lugar na an mga tawo mayaman o relihiosong marhay. Tibaad napababayaan an komersial na mga teritoryo. Parigonon an boot kan gabos na makikooperar sa mga paghihingoa na makobrehan an dai pa nagigibong mga teritoryo. An mga bulan nin tig-init parateng nagtatao nin marahay na oportunidad na magibo an hararayong baryo. Siertohon na lubos na makobrehan an teritoryo bago iyan bankan. Magtao nin iba pang praktlkal na mga suhestion na nagpapaheling kun paano an gabos makatatabang sa pagtao kan pinakamarahay na pagkobre sa saindong teritoryo.
8 min: Ialok an Torrengbantayan asin Awake! Ngonyan na Mayo. Itampok an indibiduwal na mga kopya o suskripsion. Magkaigwa nin rekord kan gabos na ikinapasakamot na magasin, na may pasohan na mag-establisar nin nin rota sa magasin. Idoon an mga pakinabang sa pagwaras nin magasin bilang saro sa pinakaepektibong paagi sa pagpaabot kan mensahe nin Kahadean sa publiko. Stertohon na igwa kita nin suplay kun minaluwas kia sa paglilingkod; ialok iyan sa gabos na oportunidad. An personal na mga areglo para sa semanal na Aldaw nin Pagmamagasin marahay na paagi na madagdagan an mga ipinapasakamot. An paggibo sa mga tindahan asin pagpatotoo sa tinampo na dara an mga magasin mabunga man. Kultibaron an interes kan mga dinadalaw liwat na sinadya tangani na makapoon nin mga pag-adal, na ginagamit an librong Kaaraman. Idemonstrar an saro o duwang halipot na pag-atubang sa presenteng mga luwas, na tibaad ginagamit an mga nasa Enero 1996 na An Satong Ministeryo sa Kahadean, pahina 3, parapo 3-5; basahon an parapo 6.
Kanta 195 asin pantapos na pamibi.