Mga Paisi
◼ Alok sa Abril asin Mayo: Sarong taon na suskripsion sa An Torrengbantayan sa kontribusyon na P120.00. Hunyo: Kaaraman na Minagiya Pasiring sa Buhay na Daing Katapusan sa kontribusyon na P20.00. Hulyo asin Agosto: Arin man sa mga brochure sa kontribusyon na P6.00. PASABOT: An mga kongregasyon na dai pa naghagad kan mga pankampanya na sinambit sa itaas maninigong humagad na sa sain-dang masunod na bulanan na Litera-ture Order Form (S-AB-14).
◼ Puede nang ipadara ngonyan an mga pedido para sa 1995 mga tomo kan Watchtower asin Awake! Kun maresibi na an mga pedido ipapaisi ini sa invoice na mamarkahan nin “back-ordered.” Dai iyan sisingilon sa kuenta sa panahon na iyan. Kun maresibi na an mga tomo gikan sa Brooklyn sisingilon iyan sa saindong kuenta asin ipadadara sa kongregasyon.
◼ An mga nagpaplanong mag-auxiliary payunir sa Mayo maninigong itao an saindang aplikasyon nin amay pa sa komite kan paglilingkod. Tatabangan kaini an kamagurangan na maaraman kun pira an mag-o-auxiliary payunir durante kan bulan na iyan tanganing ikaareglo an supisyenteng teritoryo asin mga suplay nin literatura.
◼ Ginigibo an pagliliwat sa prosedimiento para sa pagsalida kan Pioneer Service Identification kard. Poon ngonyan, itatao kan Sosyedad an kasalihid na kard para sa mga payunir na buminalyo, liniwat an saindang ngaran, nawara an saindang kard, o naghagad na ibalyo nin destino. Maninigong iapon an blangkong mga kard na tibaad nasa file kan sekretaryo. An mga pagliliwat nin ngaran asin pagbalyo nin destino aasikasohon sa dating paagi, na an sekretaryo an nagsusurat kan impormasyon sa likod kan Congregation Report (S-1) para sa bulan. Pakalihis kaiyan, ipadadara kan Sosyedad sa kongregasyon an bagong mga kard para sa mga payunir. Sa parate maabot an mga ini kaiba kan bulanan na kuenta. An ano man na pagliliwat maninigong ipadara tolos sa Sosyedad tanganing an samong mga file perming tama asin bago. Siring man, kun puminondo o hinale an sarong payunir, maninigong llenaran an sarong kopya kan pormang S-206 asin ipadara tolos-tolos sa Sosyedad.
◼ An gabos na hapot may koneksion sa mga petsa asin lugar nin pandistritong mga kombension sa ibang nasyon maninigong ipadara sa kanya-kanyang mga sangang opisina. An mga adres nin mga sangang opisina sa bilog na kinaban makukua sa huring mga pahina kan Yearbook.