Repaso sa Teokratikong Paadalan sa Pagmiministro

Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Enero 1 sagkod Abril 22, 1996. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]

Simbagon nin Tama o Sala an kada saro sa minasunod na mga pahayag:

1. An katuyohan kan Pankahadean na Paadalan sa Pagmiministro andamon an mga lalaki para sa ordinasyon. [jv p. 231 par. 3]

2. Huling si Hadeng Acaz maigot para sa tunay na pagsamba, dai nagin depisil para sa saiyang aking si Ezequias na paglingkodan si Jehova. [it-1 p. 61 par. 13]

3. Dawa ngani nawara na an Mosaikong Pagboot, an Biblia dai nagtatao nin ano man na indikasyon na an Sampulong Togon kabale sa tinapos. [rs p. 348 par. 2]

4. An paninindogan niato sa mga pag-ineksion nin dugo basado sa satong halangkaw na kaaraman sa pagbolong. [jv p. 186 par. 2]

5. An tipan na sinambit sa Jeremias 31:​31, 33 nanonongod sa pakikipagtipan ni Jesus sa saiyang linahidan na mga parasunod para sa sarong Kahadean. [si p. 129 par. 38]

6. An librong Lamentacion kompuesto nin limang bersong liriko, na an apat kaiyan akrostiko. [si p. 130 par. 6]

7. Pakalihis kan pagkabuhay nia liwat si Jesus nagpaheling sa laen-laen na paagi​—⁠alagad sa presensia sana kan saiyang mga disipulo. [rs p. 334 par. 2]

8. An tunay na mga Kristiano minalaog sa kapahingaloan nin Dios paagi sa pagtubod sa atang ni Cristo asin paagi sa pag-ontok sa mga gibo na dian pinagmamaigotan nindang patunayan na matanos an saindang sadiri. (Heb. 4:10) [rs p. 350 par. 1]

9. An komentong nagpapaliwanag sa mga tataramon sa Kapahayagan 20:​5, dapit sa “iba kan mga gadan” na minabalik sa buhay, nanonongod sa daganon na pagkabuhay liwat nin ibang karnero. [rs p. 338 par. 2–p. 339 par. 2]

10. Malinaw an ebidensia kan Mga Saksi ni Jehova na an kinabibilangan nindang organisasyon bakong sa mga tawo kundi sa Dios asin na an mismong Aki nin Dios, si Jesu-Cristo, an nagdidirehir kaiyan. [jv p. 235 par. 5]

Simbagon an minasunod na mga hapot:

11. Ano an boot sabihon kan sambiton kan The Watchtower na Hunyo 1, 1938 “An Sosyedad”? [jv p. 219 par. 2]

12. Taano an Mga Saksi ni Jehova sa Alemania ta nagsayumang magsabi: “Heil Hitler”? [jv p. 196 par. 1]

13. Ano an satong manonodan manongod sa mga kualidad ni Jehova paagi sa pagbasa sa librong Lamentacion? (Lam. 3:​22, 23, 32) [si p. 132 par. 13, 15]

14. Anong termino an paorootrong ginagamit bilang pag-apod kapwa ki Ezequiel asin ki Jesu-Cristo? [si p. 133 par. 2]

15. Taano ta may dahelan na magtubod na an mga bubuhayon liwat digdi sa daga hohokoman basado sa saindang mga gibo sa ngapit? (Roma 6:⁠7) [rs p. 338 par. 1]

16. Paano pinakosog ninda Pablo, Timoteo, asin Tito an mga kongregasyon na saindang pinaglingkodan, na sa siring nagtataong halimbawa para sa nagbibiaheng mga paraataman ngonyan? [jv p. 222 par. 1]

17. Taano ta tamang makasasabi kita na an mga pangyayari na konektado sa presensia ni Cristo nangyayari sa laog nin dakol na taon? (Mat. 24:​37-39) [rs p. 341 par. 1]

18. Anong pagtubod na ibinunga kan pagkatradusir sa Roma 13:1 sa King James Version an guminiya sa Mga Estudyante sa Biblia na dai perming makapadanay nin estriktong neutralidad kaidtong 1918? [jv p. 191 par. 3, 4]

19. Bago pinirmahan an Tratado nin Versailles kan Hunyo 1919, ano an iprinoklamar kan Konsilyo Pederal kan Mga Iglesya ni Cristo sa Amerika? [jv p. 192 par. 3]

20. Taano an mga Kristiano ta bakong obligado na otobon an semanal na aldaw nin Sabbath? (Roma 10:⁠4) [rs p. 345 par. 2, 3]

Ibugtak an termino (mga termino) o frase na kaipuhan tanganing makompleto an kada saro sa minasunod na mga pahayag:

21. Ilinadawan ni Ebed-melec an ․․․․․․․․, na ililigtas sa ․․․․․․․․ huli ta sinda nakiamigo asin nagtabang sa ․․․․․․․․ kan mga tugang ni Cristo. [Semanal na babasahon sa Biblia; helingon an w82 10/1 p. 27 par. 11.]

22. An kagadanan ni Jesu-Cristo isineselebrar kada taon sa ․․․․․․․․, alagad kaidto sanang ․․․․․․․․ na an mga miembro kan dakulang kadaklan espesipikong inimbitaran na magin presente sa Memorial. [jv p. 242 par. 2, p. 243 par. 1]

23. An mga pangyayari na isinaysay sa Jeremias 52:​5-11 nangyari kan ․․․․․․․․ B.C.E. [Semanal na babasahon sa Biblia; helingon an w88 4/1 p. 14 par. 18.]

24. Kun sinasabi kan Kapahayagan 1:7 na pagbalik ni Cristo “an gabos na mata makaheheling sa saiya,” an pinanonongdan, bakong an ․․․․․․․․ na pakaheling, kundi an ․․․․․․․․ sa isip. [rs p. 343 par. 2]

25. Pakalihis kan pagkabuhay nia liwat si Jesus dai perming nagpaheling sa iyo man sanang ․․․․․․․․, tibaad tangani na idoon sa isip kan mga disipulo an katunayan na sia saro nang ․․․․․․․․ kaidto, asin sa siring dai sia tolos-tolos ․․․․․․․․ dawa kan saiyang dayupot na kairiba. [rs p. 334 par. 5]

Pilion an tamang simbag sa kada saro kan minasunod na mga pahayag:

26. An dai pakakontrol kan aki ni David na si (Absalom; Amnon; Amon) sa saiyang seksuwal na mga horot guminiya sa saiya na dorogan an saiyang tugang sa ama na si Tamar. [it-1 p. 96 par. 3]

27. An importanteng tangga sa pag-organisar nin sarong kongregasyon kaoyon sa apostolikong arogan nangyari kan (1879; 1886; 1895) kan sumurat si Tugang na Russel manongod kan pangangaipo para sa (mga colporteur; kamagurangan; lingkod kan mga tugang) na pipilion sa lambang kompaniya (kongregasyon) tanganing mangataman sa aripompon. [jv p. 206 par. 2]

28. An restriksion sa moral dai nawara kadungan kan pagtapos kan Mosaikong Pagboot, na kabale an Sampulong Togon, huli ta sa Kristianong areglo, (an kada komunidad magibo nin sadiri kaiyan na mga pamantayan sa moral; an mga tawo maninigo sanang giyahan kan saindang konsensia; an dakol na pamantayan sa moral na nasa Sampulong Togon sinambit giraray sa Kristianong Griegong Kasuratan). [rs p. 349 par. 1]

29. “Linoko” ni Jehova si Jeremias sa bagay na Saiyang (linoko sia sa paghuhulit nin sarong mensahe nin pagkondenar; ginamit sia na gibohon an dai kutana nia nagibo sa sadiri niang kosog; dai pinangyari an kalaglagan na ihinula ni Jeremias). (Jer. 20:⁠7) [Semanal na babasahon sa Biblia; helingon an w89 5/1 p. 31.]

30. Kan Abril 23, 1900, an kaenot-enoteng sangang opisina kan Watch Tower Society inestablisar sa (Australia; Inglaterra; Alemania). [jv p. 210 par. 3]

Ipadis an minasunod na mga teksto sa mga pahayag na nasa ibaba: Jos. 7:​24, 25; Jer. 23:33; 32:​9, 10; 1 Tim. 3:​2, 3, 8; Heb. 10:​23-25

31. Maski pinadedepisil na gayo kan mga kamugtakan, naghihingoa an Mga Saksi ni Jehova na regular na umatender sa saindang mga pagtiripon. [jv p. 236 par. 1]

32. An pagmasumbikal ki Jehova asin tuyong pagtago nin magagabat na pagkakasala puedeng magdara nin halawig na mga epekto asin kapahapahamak na mga resulta. [it-1 p. 41 par. 2]

33. An sobrang paggamit nin mga inomon na de alkohol puedeng makadiskualipikar sa sarong tugang na lalaki sa pagkamit nin mga pribilehio sa kongregasyon. [jv p. 182 par. 3]

34. An magabat na makahulang mensahe gikan sa Tataramon nin Dios pano nin paghokom, na ipinaiisi an nagdadangadang na kalaglagan nin Kakristianohan. [Semanal na babasahon sa Biblia; helingon an w94 3/1 p. 12 par. 18, 20.]

35. Kun nakikisosyo sa negosyo kaiba nin mga kapwa parasamba ki Jehova, an sarong nasusurat na kasundoan puedeng makaolang sa mga dai pagkasinabotan na puedeng lumataw sa maabot na panahon. [Semanal na babasahon sa Biblia; helingon an w95 5/1 p. 30.]