Pagtiripon sa Paglilingkod Para sa Oktubre
Semana nin Oktubre 7-13
10 min: Lokal na mga paisi asin Mga Paisi sa An Satong Ministeryo sa Kahadean.
15 min: “Hapot.” Ipinakikipag-olay kan paraataman sa paglilingkod an impormasyon sa mga nagdadangog.
20 min: “Mag-andam nin Sadiri Nindong Pag-atubang kan Magasin.” (Parapo 1-7) Maghapot sa parapo 1-4, dangan magkaigwa nin duwa o tolong halipot na demonstrasyon, na ginagamit an mga suhestion sa parapo 5-7. Iiba an mga komento sa Marso 1, 1987 Torrengbantayan, pahina 20, parapo 8-9 (w87-E 3/1, p. 17, par. 8-9).
Kanta 222 asin pantapos na pamibi.
Semana nin Oktubre 14-20
10 min: Lokal na mga paisi. Report sa kuenta.
15 min: “Pagpublikar kan Maogmang Bareta Manongod sa Mas Marahay na Bagay.” Hapot-simbagan. Idoon an nagkapira sa mahahalagang artikulo na luminuwas sa An Torrengbantayan.—Helingon An Torrengbantayan na Marso 1, 1987, pahina 16 (w87-E 3/1, p. 13).
20 min: “Mag-andam nin Sadiri Nindong Pag-atubang kan Magasin.” (Parapo 8-11) Hapot-simbagan. Ginagamit an mga luwas kan mga magasin na Oktubre, ipaheling kun paano mag-aandam nin pag-atubang: (1) Pumili nin sarong artikulo na makaaakit nin interes sa saindong teritoryo, (2) humanap nin interesanteng punto na itatampok, (3) umisip nin hapot na makakukua nin atension sa puntong iyan, (4) pumili nin sarong teksto na babasahon kun magkaoportunidad, asin (5) andamon an sadiri nindong pambukas na mga tataramon asin kun ano an sasabihon nindo dapit sa magasin tangani na madagka an kagharong na akoon iyan. Ipademonstrar an duwa o tolong pag-atubang, kabale an simpleng pag-atubang nin sarong hoben.
Kanta 82 asin pantapos na pamibi.
Semana nin Oktubre 21-27
15 min: Lokal na mga paisi. Ipaliwanag kun paano mapoon nin ruta sa magasin: (1) Isurat an kada napasakamotan asin an artikulong itinampok, (2) iareglo na madalaw liwat na dara an masunod na mga luwas, asin (3) magtagama nin espesipikong panahon sa saindong semanal na paglilingkod tangani na magibo an mga pagsongkong ini. Mag-alok nin mga suskripsion sa mga nagpapaheling nin padagos na interes.
15 min: “Lubos na Hulitan an Saindong Teritoryo.” Hapot-simbagan. Hagadon sa mga nagdadangog na isaysay an nakaparirigon sa boot na mga eksperyensia kun naghuhulit sa mga tindahan.
15 min: Lokal na mga pangangaipo. O pahayag nin sarong magurang sa kongregasyon sa artikulong “Papagdanayon an Saindong Kompiansa na Marigon Sagkod sa Katapusan,” sa Mayo 1, 1996 na Torrengbantayan, pahina 21-4.
Kanta 12 asin pantapos na pamibi.
Semana nin Okt. 28–Nob. 3
10 min: Lokal na mga paisi. Dagkahon an pag-auxiliary payunir sa Nobyembre asin Disyembre. Sadolon an mga may kakayahan na mag-aplay na ngonyan.
20 min: “Kun Paano Tutuboson an Panahon.” Hapot-simbagan. Iiba an mga komento sa Disyembre 1, 1989 Watchtower, pahina 16-17, parapo 7-11.
15 min: Repasohon an Alok sa Nobyembre. Iaalok an librong Kaaraman, asin gigibohon an espesyal na paghihingoa na makultibar an gabos na napasakamotan, na may katuyohan na maponan nin mga pag-adal sa Biblia sa harong. Pinag-oolayan nin duwa o tolong may kakayahan na parahayag an kahalagahan kan libro asin kun paano iyan magagamit. Ipakipag-olay asin idemonstrar kun paano poponan an pag-adal paagi sa direktang pagdolok: Repasohon an retrato asin kapsion sa pahina 4-5; ipaliwanag an satong paagi nin pag-adal; pag-olayan sa halipot an enot na limang parapo sa kapitulo 1; makipag-olay kun noarin madalaw liwat sa dai mahaloy asin ipadagos an pag-orolay, na sinisimbag an hapot na, An buhay daw na daing katapusan saro sanang pangatorogan?
Kanta 162 asin pantapos na pamibi.