Repaso sa Teokratikong Paadalan sa Pagmiministro

Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Setyembre 2 sagkod Disyembre 23, 1996. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]

Simbagon nin Tama o Sala an kada saro sa minasunod na mga pahayag:

1. Si Elizabet, kapareho kan saiyang paryenteng si Maria, hale sa tribo ni Juda. [it-1 p. 719 par. 3]

2. Mayo man talaga nin “dakulang sira” na kayang halonon an sarong bilog na tawo. (Jon. 1:​17) [si p. 153 par. 4]

3. Si Epafras asin Epafrodito parehong mga kaibahan ni apostol Pablo. [it-1 p. 731 par. 4-5]

4. An hula sa Daniel 9:​24, 25 nagtotokdo sa pagkamundag ni Jesus. [kl p. 36 par. 8]

5. Si Ebed-melec, na sarong kapon na Etiope, tinabangan si Jeremias na makahawas sa malapok na bobon ni Malquias. [it-1 p. 672 par. 9]

6. Si Enoc dai nakaheling nin kagadanan huli ta sia dinara sa langit sa pisikal na paagi. (Gen. 5:​24) [it-1 p. 729 par. 10]

7. An hula ni Oseas sa pangenot nanonongod sa duwang tribong kahadean kan Juda. [si p. 144 par. 8]

8. An enot na kahagadan tanganing makapaglingkod sa Rehional na Komite sa Pagtogdok iyo an pagkaigwa nin marahay na eksperyensia sa pagtogdok asin kaaraman sa mga konstruksion. [jv p. 326 par. 1]

9. Sono sa Sofonias 3:​9, an banwaan nin Dios magkakasararo sa bagong kinaban huli ta sinda gabos magtataram nin sarong komon na tataramon​—an Hebreo. [Semanal na babasahon sa Biblia; helingon an w89-E 6/1 p. 30.]

10. Si Eliu naghiro bilang tunay na katood paagi sa pagpaheling nin pagkampi ki Job. [it-1 p. 710 par. 3-4]

Simbagon an minasunod na mga hapot:

11. Taano ta angay na apodon na mga Kingdom Hall an pangenot na mga lugar na tiriponan kan mga kongregasyon sa bilog na kinaban, asin yaon saen an enot na edipisyo na tinawan kan ngaran na ini? [jv p. 319 par. 2]

12. Anong Makakasuratan na pahayag kan tolong Hebreo an naghahayag na an saindang pagkuyog sa Dios bakong depende sa proteksion asin pagliligtas nin Dios? (Dan. 3:​16-​18) [si p. 141 par. 19]

13. Anong libro sa Biblia, kapitulo, asin bersikulo an naghuhula kan lugar na mumundagan kan Mesiyas? [si p. 156 par. 6]

14. Taano an makapangyarihan na mga gibo sa ngaran ni Jesus ta bakong seguradong patotoo kan pag-oyon o pagsuportar nin Dios? [kl p. 46 par. 6-7]

15. Taano an Mga Saksi ni Jehova ta dai namimibi na paontokon tolos nin Dios an mga guerra asin kakulangan nin pagkakan patin na olangon nia an gabos na paglamag? [jv p. 317 par. 4]

16. Sa anong mga paagi ipinaheling ni Reyna Ester an bunga nin pagpopogol sa sadiri? [it-1 p. 761-2 par. 13]

17. Dawa ngani si Eli halangkaw na saserdote sa Israel, anong kaluyahan nia an tinogotan niang mangibabaw sa saiyang mga aking lalaki, na naggiya sa anong resulta para sa sainda? (1 Sam. 2:​12, 29, 34) [it-1 p. 706, par. 13-14]

18. Siisay an pinanonongdan ni David sa Salmo 52:​2, 3, asin taano an indibiduwal na ini ta makababalde? [it-1 p. 644 par. 2-3]

19. Sa Haggeo 2:​9, arin na templo an “nahuring harong,” arin an “naenot,” asin taano an kamurawayan kan “nahuring harong” ta orog kisa kan “naenot”? [Semanal na babasahon sa Biblia; helingon an w89-E 6/1 30.]

20. Ano an isinasadol kan Oseas 14:2 na gibohon kan mga Israelita, asin paano inootob kan Mga Saksi ni Jehova an hulang iyan ngonyan? (Heb. 13:15) [Semanal na babasahon sa Biblia; helingon an w94-BI 9/15 p. 10 par. 1-2.]

Ibugtak an termino (mga termino) o frase na kaipuhan tanganing makompleto an kada saro sa minasunod na mga pahayag:

21. An siudad nin ․․․․․․․․ inapod ni propeta ․․․․․․․․ na siudad nin pagpabolos nin dugo mga 200 na taon pakatapos mahaman ni ․․․․․․․․ an saiyang itinao nin Dios na gibohon duman. [si p. 154 par. 10, p. 160 par. 10]

22. Dapat niatong sambahon an Dios sa ․․․․․․․․ , na minomotibar nin puso na pano nin pagtubod asin pagkamoot; ­dapat man niato siang sambahon sa ․․․․․․․․ paagi sa pag-adal kan saiyang Tataramon. [kl p. 45 par. 4]

23. Hinagad ni propeta ․․․․․․․․ ki Hadeng ․․․․․․․․ na makipagtipon sa 450 propeta ni ․․․․․․․․ , na an kinaluwasan kaiyan nagpatotoo na si Jehova iyo an tunay na Dios asin na sia nagsisimbag sa ․․․․․․․․. (Sant. 5:​16, 17) [it-1 p. 711 par. 1-2]

24. An Kristianong halimbawa kan Judiang si ․․․․․․․․ asin kan saiyang aki na si ․․․․․․․․ nagpapaheling na idtong mga nag-iistar sa mga harong na ․․․․․․․․ mapangganang mapatotood an saindang mga aki na matakot ki Jehova. [it-1 p. 767 par. 7]

25. An tolong ebidensia na nagpapatotoo na si Jesus an Mesiyas iyo an (1) ․․․․․․․․ , (2) ․․․․․․․․ , asin (3) ․․․․․․․․ . [kl p. 34-8 par. 6-​10]

Pilion an tamang simbag sa kada saro kan minasunod na mga pahayag:

26. An pakasabot sa Amos (8:​11; 9:​2, 3; 9:​11, 12) nakatabang sa namamahalang grupo kan enot na siglo na marealisar na kabotan nin Dios na tiponon an mga bakong Israelita sa laog kan Kristianong kongregasyon. (Gibo 15:​13-​19) [si p. 150 par. 16]

27. Kan apodon ni Jehova si (Amos; Joel; Habacuc), sia bakong propeta o aki nin propeta kundi paraataman nin karnero asin paraguno nin (datiles; higos; oliba) nin kahoy na sikomoro. [si p. 148 par. 1]

28. An enot na irineport na pagbuhay liwat na ginibo nin apostol iyo kan si (Juan; Pedro; Pablo) nagduman sa Jope asin binuhay si (Dorcas; Lidia; Eutico). [it-1 p. 646 par. 7-8]

29. Sa tolong “pararanga,” si (Bildad; Elifaz; Zofar) an nangengenotan sa pagtaram asin minalataw bilang an pinakamaimpluwensia, na nagsusuherir na tibaad sia man an (pinakamayaman; pinakamadonong; pinakagurang). [it-1 p. 713 par. 17]

30. An kakambal ni (Jose; Ismael; Jacob) nginaranan na Esau huli ta sia (an panganay; sarong paraayam; mabalokagon), asin kan huri nginaranan na (Nimrod; Edom; Baal) hale sa pulang ginagang lenteha na para dian ipinabakal nia an saiyang pagkamatua. [it-1 p. 759 par. 1]

Ipadis an minasunod na mga teksto sa mga pahayag na nasa ibaba:

2 Ha. 2:​23, 24; Sof. 2:3; Fil. 2:​25-​30; Sant. 1:​26, 27; 1 Juan 2:​15-​17

31. Tanganing akoon nin Dios an satong pagsamba, iyan dapat na bako sanang dai naatian nin kinabanon na mga kaugalean kundi kaiba man an gabos na bagay na kinokonsiderar nin Dios na mahalagang marhay. [kl p. 51 par. 20]

32. Pinapaninimbag ni Jehova an mga aki huli sa pagpaheling nin kadaihan nin paggalang sa saiyang fiel na mga lingkod. [it-1 p. 715 par. 1]

33. An panahon asin pagkanorongod nangyayari dawa sa fiel na mga lingkod ni Jehova. [it-1 p. 731 par. 5]

34. Bilang tunay na mga Kristiano, dapat niatong likayan an ano man na mga gawe na nagpapabanaag kan espiritu kan maraot na kinaban na nakapalibot sa sato. [kl p. 50 par. 17]

35. Dai kita puedeng mangahas sa pagkaherak nin Dios. [si p. 165 par. 11]