Pagtiripon sa Paglilingkod Para sa Disyembre
PASABOT: Maiskedyul An Satong Ministeryo sa Kahadean nin Pagtiripon sa Paglilingkod kada semana ngonyan na Disyembre asin sa Enero. Puedeng gumibo nin mga pagliliwat an mga kongregasyon kun kinakaipuhan tanganing matawan nin lugar an pag-atender sa “Mga Mensahero nin Diosnon na Katoninongan” na Pandistritong Kombension dangan an 30 minutos na pagrepaso sa mga tampok na kabtang kan programa sa Pagtiripon sa Paglilingkod sa kasunod na semana. An kada aldaw na pagrepaso sa programa kan pandistritong kombension maninigong iasignar nin patienot sa duwa o tolong kualipikadong tugang na lalaki na makakokonsentrar sa pinakalataw na mga punto. An repasong ini matabang sa kongregasyon na magirumdoman an pangenot na mga punto para sa personal na pag-aplikar asin magagamit sa langtad. An mga komento kan mga nagdadangog asin mga eksperyensiang isasaysay maninigong halipot asin diretso sa punto.
Semana nin Disyembre 2-8
10 min: Lokal na mga paisi asin Mga Paisi sa An Satong Ministeryo sa Kahadean. Tawan nin espesyal na pagdodoon an ikatolong paisi sa pahina 7 dapit sa pagsierto na ikatao an mga report ngonyan na Disyembre bago humale para sa pandistritong kombension.
15 min: “Siisay an Mahinanyog sa Satong Mensahe?” Hapot-simbagan.
20 min: “An Tataramon nin Dios Nagtatao nin Giya.” (Parapo 1-6) Iintrodusir an kabtang paagi sa parapo 1 asin 2. Ipademonstrar sa may kakayahan na mga parahayag an isinuherir na mga pag-atubang sa parapo 3-6. Imbitaran an mga nagdadangog na magkomento manongod sa (1) kun paano an pinalataw na mga hapot nakatabang na mapukaw an interes, (2) kun paano an mga tekstong ginamit angay sa temang pinag-oolayan, (3) kun paano an pagdalaw liwat lohikong sinundan an enot na pag-orolay, asin (4) kun paano ginibo an alok na pag-adal.
Kanta 75 asin pantapos na pamibi.
Semana nin Disyembre 9-15
10 min: Lokal na mga paisi. Report sa kuenta.
15 min: Pagtabang sa mga Gurang na Makikabtang sa Paglilingkod. Dakol na maimbod na gurang na parahayag an igwa nin makosog na pagmawot na makikabtang sa paghuhulit kaiba kan kongregasyon, alagad igwa sinda nin pisikal na mga limitasyon na huli sa edad asin maluyang salud. Igwa nin mga paagi na makapaheheling kita sa sainda nin konsiderasyon tangani na ikaiba sinda sa grupong maglilingkod: Alokon na matao nin transportasyon; iareglo para sa sainda na songkoon an mga harong na kadikit sana an mga hagyanan na sasakaton; tawan sinda nin panahon na makapahingalo kun pagal na sinda; kun igwa kamo nin sasakyan, alokon sinda na ihatod sa saindang mga dinadalaw liwat; ipaaram sa sainda na ihahatod nindo sinda sa harong kun sa pagmate ninda dai na ninda kayang magpadagos. Mapagpasalamat an mga gurang sa tabang na itinatao sa sainda. Sambiton an iba pang mga paagi na ipinaheheling nindo an siring na konsiderasyon sa lokal. Repasohon an pangenot na mga punto sa artikulong “We Appreciate the Older Ones!” na yaon sa Pebrero 1, 1986 na Watchtower, pahina 28-9.
20 min: “An Tataramon nin Dios Nagtatao nin Giya.” (Parapo 7-9) Komentohan “An Pangangaipo Para sa Giya” sa Mayo 1, 1993 na Torrengbantayan, pahina 3. Ipaliwanag kun taano an satong mga pag-atubang ta maninigong magdoon kan importansia nin paghagad nin tabang sa mas halangkaw na Gikanan—an Dios. Ipademonstrar sa sarong parahayag an mga pag-atubang sa parapo 7-8. Idoon na an satong pasohan maninigong pag-abot nin panahon makapoon nin pag-adal sa Biblia sa librong Kaaraman.
Kanta 197 asin pantapos na pamibi.
Semana nin Disyembre 16-22
10 min: Lokal na mga paisi. Magtao nin mga suhestion kun paano masimbag nin mataktika sa mga pataratara sa kapiestahan. Sumaryohon an mga areglo nin espesyal na paglilingkod sa langtad para sa Disyembre 25.
10 min: “Bagong Programa sa Pansirkitong Asamblea.” Hapot-simbagan. Repasohon an mga pakinabang sa nakaaging pansirkitong mga asamblea asin pataluboon an entusiasmo para sa serye sa 1997.
25 min: “Paggayagaya sa Pag-oswag na Itinatao nin Dios.” Entusiastikong pahayag nin sarong magurang sa kongregasyon. Sitaron an mga eksperyensia o ebidensia nin pag-oswag sa mga nasyon na irinerepresentar, siring kan itinao sa bagong mga Yearbook.
Kanta 41 asin pantapos na pamibi.
Semana nin Disyembre 23-29
10 min: Lokal na mga paisi. Itokdo an nagkapirang puntong mapag-oolayan sa bagong mga magasin na magagamit sa paglilingkod ngonyan na semana. Sumaryohon an mga areglo nin espesyal na paglilingkod sa langtad para sa Enero 1.
15 min: Lokal na mga pangangaipo. O, matao nin pahayag an sarong magurang sa kongregasyon sa “Pagretiro—Saro daw na Bukas na Tata Pasiring sa Teokratikong Aktibidad?” sa Hulyo 15, 1996 na Torrengbantayan, pahina 24-5.—Helingon an Insight, Tomo 2, pahina 794, parapo 2-3.
20 min: “Pagpalista sa Teokratikong Paadalan sa Pagmiministro.” Pahayag kan paraataman sa paadalan. Itao an lokal na estadistika nin mga nagpalista, asin parigonon an boot kan gabos na may kakayahan na magpalista. Repasohon an mga instruksion para sa mga asignasyon sa estudyante na itinao sa “Iskedyul sa Teokratikong Paadalan sa Pagmiministro Para sa 1997.”
Kanta 166 asin pantapos na pamibi.
Semana nin Dis. 30–Ene. 5
10 min: Lokal na mga paisi.
20 min: “Kamo daw Timbang na Payunir?” Pahayag nin sarong magurang sa kongregasyon basado sa artikulo sa Mayo 15, 1996 na Torrengbantayan, pahina 29-31.
15 min: Repasohon an Alok sa Enero. Ialok an sadit na edisyon na librong Mabuhay Sagkod Lamang sa binabaan na kontribusyon na ₱20.00. Ekselenteng libro ini na ikaaalok sa mga tawo. Itokdo an nagkapira sa mapag-oolayan na mga punto asin ilustrasyon na puedeng gamiton. Ginagamit an librong Reasoning, pahina 9-14, repasohon sa halipot an angay na mga introduksion. Idemonstrar an saro o duwang pag-atubang.
Kanta 137 asin pantapos na pamibi.