Paggayagaya sa Pag-oswag na Itinatao nin Dios
1 An mga Kristiano kan enot na siglo maigot na mga parahulit kan Kahadean. Naggayagaya sinda kan an ‘mga kongregasyon nagdakol an bilang aroaldaw.’ (Gibo 16:5) An saindang mapusong paghuhulit nakalakop sa Asia, Europa, asin Aprika, na nagresulta sa nagsosopay na pag-ani nin mga nagtutubod.
2 Ihinula ni Jesus na sa huring mga aldaw, an gibohon na paghuhulit makaaabot sa ‘bilog na ineerokan na daga asin sa gabos na nasyon’! (Mat. 24:14) Durante kan 1996 na taon nin paglilingkod, padagos na nakareresibi kami nin mga bareta manongod sa makangangalas na mga pag-oswag asin bagong mga peak na parahayag hale sa mga nasyon sa palibot kan globo. Dakol na bagong kongregasyon an naporma. An marikas na pagtalubong ini nagkaipong itogdok an ginatos na bagong Kingdom Hall asin Assembly Hall siring man pahiwason an nagkapirang pasilidad kan sanga.
3 Ibinareta kan Agosto 1996 na An Satong Ministeryo sa Kahadean an manongod sa mahiwas na konstruksion na ginigibo sa Aprika. An kaparehong aktibidad ginigibo man sa bilog na Latin Amerika. Kan 1996 na taon nin paglilingkod, nagreport an Mejico nin makangangalas na peak na 470,098 parahayag asin promedyo na 600,751 pag-adal sa Biblia, na naghahagad nin pagporma nin 466 na bagong kongregasyon! An pagpahiwas kan saindang mga pasilidad kan sanga nakaiskedyul na matapos sa pagtatapos kan 1998. An kaagid na pagtalubo sa dakol na iba pang nasyon dai minapapondo sa manlaenlaen na klase nin teokratikong mga proyekto sa konstruksion.
4 Mahal an mga gastos sa konstruksion sa gabos na lugar, asin an satong mga tugang sa dakol na nasyon kakadikit an ikakokontribwir sa materyal. Minsan siring, huli sa saindang dakulang kaigotan sa paglilingkod ki Jehova, siertong nagtatalubo sinda sa espirituwal siring man sa dakulang bilang. An Talinhaga 28:27 nag-aasegurar sa sato na “an nagtatao sa dukha dai magkukulang.” An satong pagigin andam na tumabang na mapanigoan an mga pangangaipo kan mga tugang na ini siring man an iba pang mga gastos sa konstruksion nagreresulta sa “pagkasarama” nin materyal na mga bagay, na pinangyayari an gabos na makaeksperyensia kan kaogmahan na minagikan sa pagtao asin kan kagayagayahan na minagikan sa pakaheling sa pag-oswag na itinatao ni Jehova!—2 Cor. 8:14, 15; Gibo 20:35.
[Retrato sa pahina 4, 5]
Sanga sa Paraguay
[Retrato sa pahina 4]
Sanga sa Ecuador
[Retrato sa pahina 4, 5]
Ekstension sa Mejico na Itinotogdok
[Retrato sa pahina 4, 5]
Sanga sa Dominican Republic
[Retrato sa pahina 4]
Sanga sa Brazil na May Ekstension
[Retrato sa pahina 4, 5]
Sanga sa Uruguay na Itinotogdok
[Retrato sa pahina 5]
Tipikal na barato sanang mga Kingdom Hall sa Latin Amerika
1. Brazil
2. Nicaragua
3. Chile
4. Colombia
5. Mejico
6. Brazil
7. Peru
8. Venezuela
9. Mejico