Pagtiripon sa Paglilingkod Para sa Mayo
Semana nin Mayo 5-11
10 min: Lokal na mga paisi asin Mga Paisi sa An Satong Ministeryo sa Kahadean.
12 min: “Padagos na Magsunod ki Jesus.” Hapot-simbagan. Iiba an mga eksperyensia sa Hunyo 1, 1993 na Torrengbantayan, pahina 12.
23 min: “Magpaheling nin Tunay na Pagmakolog sa Gabos na Interes na Nanompongan.” Orolay kaiba an mga nagdadangog. Idoon an pangangaipo na kultibaron an gabos na interes. Magsuherir nin nagkapirang mataktikang paagi na kuanon an adres kan harong kan mga nanompongan sa pampublikong mga lugar tangani na orog pa kitang makapatotoo sa sainda. Ipademonstrar sa may kakayahan na mga parahayag an duwa sa mga pag-atubang na isinuherir sa parapo 6-9. Repasohon an kahon na, “Kun Paano Magigin Mapanggana sa Paggibo nin mga Pagdalaw Liwat,” sa pahina 3 kan Marso 1997 na suplemento kan An Satong Ministeryo sa Kahadean. Enkaminaron an gabos na mag-iskedyul nin panahon kada semana na gumibo nin mga pagdalaw liwat.
Kanta 151 asin pantapos na pamibi.
Semana nin Mayo 12-18
10 min: Lokal na mga paisi. Report sa kuenta.
15 min: Pahayag nin sarong magurang sa kongregasyon manongod sa mga punto sa “Hapot.”
20 min: Pahayag sa artikulo na may temang “Magpadagos sa Pagpapayunir” sa Setyembre 15, 1993 na luwas kan An Torrengbantayan, pahina 24-6. Ipakipag-olay an mga kualidad na kaipuhan tanganing magin mapanggana sa ministeryo bilang payunir, na makaeenkaminar, bako sanang sa mga nasa listahan nin payunir, kundi pati sa mga nagpaplano man na magpadagos sa pagpapayunir pakatapos kan kampanya sa tig-init. Ipakipag-olay an artikulo sa pahina 3 kaining An Satong Ministeryo sa Kahadean na may temang “Makapagpapadagos daw Kamo?,” asin enkaminaron an mga nag-auxiliary payunir na konsideraron an pagpadagos kan saindang paglilingkod magsala bilang auxiliary o regular payunir.
Kanta 162 asin pantapos na pamibi.
Semana nin Mayo 19-25
7 min: Lokal na mga paisi.
20 min: “Pagkondukta nin Progresibong mga Pag-adal sa Biblia sa Harong.” Ipinakikipag-olay nin sarong may kakayahan na tugang na lalaki an artikulo sa saro o duwang parahayag na mapanggana sa pagkondukta nin mga pag-adal. Ginagamit an mga kabtang kan librong Kaaraman bilang mga halimbawa, isinasaysay ninda an mga pamamaagi nin pagtotokdo na nakatatabang sa sainda na papagdanayon na diridiretso an pag-adal asin na nagtotogot sa sainda na mamansayan an aktuwal na nanonodan kan estudyante.—Helingon an Hunyo 1996 na suplemento kan An Satong Ministeryo sa Kahadean, parapo 5, 8, 12, asin 21.
18 min: Pahayag nin sarong magurang sa kongregasyon sa artikulong, “Inaarog daw Nindo an Satong Dios na Dai Nagpapaorog?” sa Nobyembre 15, 1996 na luwas kan An Torrengbantayan, pahina 25-7.
Kanta 165 asin pantapos na pamibi.
Semana nin Mayo 26–Hun. 1
15 min: Lokal na mga paisi. Repasohon an alok sa Hunyo. Ginagamit an librong Kaaraman, ipaliwanag kun paano an mga punto sa parapo 17-19 sa pahina 10-11 puedeng gamiton sa pag-andam nin sarong halipot na pag-atubang. Enkaminaron an gabos na magkonsentrar sa pagmamaigot na makapoon nin mga pag-adal. Idoon an pangangaipo na tabangan an mga interesado na marikas na umoswag.—Helingon an Enero 15, 1996 na luwas kan an Torrengbantayan, pahina 13-14.
12 min: “Taano ta Padagos Kitang Nagbabalik?” Hapot-simbagan. Iiba an mga punto sa kahon sa pahina 570 kan librong Proclaimers.
18 min: Lokal na mga pangangaipo. Pahayag nin sarong magurang sa kongregasyon o pag-oolay nin duwang magurang sa kongregasyon, na pinanonongdan an sarong espirituwal na pangangaipo kan kongregasyon. Magtao nin Makakasuratan na sadol asin praktikal na mga suhestion para sa pag-oswag.
Kanta 174 asin pantapos na pamibi.