Pagtiripon sa Paglilingkod Para sa Hunyo
Semana nin Hunyo 2-8
18 min: Lokal na mga paisi. Piniling Mga Paisi sa An Satong Ministeryo sa Kahadean.
15 min: “Gibohon an Saindong Bilog na Makakaya.” Hapot-simbagan.—Helingon man an Abril 15, 1993 na Watchtower, pahina 28-30.
22 min: “An Kaaraman Gikan sa Dios Sinisimbag an Dakol na Hapot.” Ipinakikipag-olay kan tsirman an artikulo sa duwa o tolong parahayag, kaiba an sarong hoben. Komentohan an parapo 1, na idinodoon kun taano an librong Kaaraman ta epektibong marhay sa pagtabang sa sato na masimbag an mga hapot. Idemonstrar an sarong pag-ensayo, asin isuherir an mga bagay na paooswagon pakatapos kan kada pag-atubang.
Kanta 200 asin pantapos na pamibi.
Semana nin Hunyo 9-15
10 min: Lokal na mga paisi. Report sa kuenta.
20 min: Pagpatotoo Paagi sa Marahay na Gawe-Gawe sa Eskuelahan. Nakikipag-olay an sarong magurang sa kongregasyon sa duwa o tolong hoben na mapoon ngonyan na bulan sa sarong bagong taon nin pag-eskuela. Idoon an pangangaipo na magin marahay na halimbawa sa saindang gawe-gawe. Repasohon kaiba kan grupo an angay na mga punto sa brosyur na Education, nangorogna an kabtang manongod sa “Moral Values That Merit Respect” sa pahina 19 sagkod 25. Darahon an espesyal na atension sa kahon na nasa pahina 24 na may temang “Some Moral Principles That Jehovah’s Witnesses Follow.” Mantang may oras pa, puede man na sambiton an mga punto sa Agosto 15, 1987 Watchtower, pahina 10-20. Huling dakol na paratokdo an mabasa kan brosyur asin maaaraman an maninigong igawe kan Mga Saksi ni Jehova, bobooton nin Kristianong mga hoben na makapatotoo nin marahay paagi sa saindang tanos na gawe-gawe.
15 min: Pagtokdo sa Iba—Sarong Apuradong Pangangaipo. Pahayag nin sarong magurang sa kongregasyon. Repasohon an 1996 na report nin paglilingkod sa bilog na kinaban sa pahina 33 kan 1997 Yearbook. An dinagdagan na paghihingoa na magpatotoo sa mga tawo saen man sinda manompongan nagkakaigwa nin mga bunga. An apuradong pangangaipo ngonyan iyo na tokdoan an mga tawo kan katotoohan. Kun nakakaolay niato sinda sa pampublikong mga lugar, mataktikang hagadon an saindang ngaran asin adres tanganing magibo an pagdalaw liwat. Bako sanang pagtanom nin banhi kan Kahadean an kaipuhan niatong gibohon; dapat man niatong baribion iyan. (1 Cor. 3:6-8) Kun itinatanom an banhi sa marahay na daga, an epektibong pagtotokdo makatatabang sa saro na masabotan iyan. (Mat. 13:23) Dapat kitang makikabtang sa pagtotokdo nin lubos asin may pagkaeksperto sagkod sa mapupuede. (Heb. 5:12a) Iiba an mga punto sa suplemento kan Hunyo 1996 na An Satong Ministeryo sa Kahadean, parapo 25-6. Idoon an pasohan na makapoon nin mga pag-adal sa brosyur na Kahagadan o sa librong Kaaraman.
Kanta 204 asin pantapos na pamibi.
Semana nin Hunyo 16-22
10 min: Lokal na mga paisi.
15 min: Lokal na mga pangangaipo.
20 min: Pagmidbid sa Saindong Relihion Kun Baga Totoo o Falso. Pinangengenotan nin sarong magurang sa kongregasyon an pakikipag-olay sa duwa o tolong may kakayahan na parahayag basado sa Disyembre 22, 1989 Awake!, pahina 18. Dakol na garo baga sinserong tawo an paorootrong sinosongko. Minsan siring, nungka sindang nag-ako nin pag-adal sa Biblia. Ipakipag-olay kun paano magagamit an mga punto sa artikulong ini kan Awake! tangani na ipaaram sa sainda an pangangaipo na humiro oyon sa tamang kaaraman. Sambiton an pangenot na mga punto sa librong Kaaraman, kapitulo 5: “Kiisay na Pagsamba an Inaako nin Dios?” Basahon an parapo 20. Puedeng dalawon liwat an mga indibiduwal na iyan tanganing enkaminaron sinda sa maboot asin mataktikang paagi na umako nin pag-adal asin umatender sa mga pagtiripon.
Kanta 201 asin pantapos na pamibi.
Semana nin Hunyo 23-29
10 min: Lokal na mga paisi.
15 min: Ano an Sinasabi Ninda Manongod sa Sato? Sarong pahayag basado sa impormasyon na yaon sa Watch Tower Publications Index 1986-1995, pahina 341-3. Pilion an ekselenteng “Statements by Others” manongod sa Mga Saksi ni Jehova—an satong gawe-gawe asin an satong gibohon. Ipaheling kun paano naghanga an iba. Ipaliwanag kun taano ini ta maninigong magmotibar sa sato na perming gumawe nin angay. Idoon kun paano gagamiton an siring na paborableng mga komento kun nakikipag-olay sa mga kamidbid asin interesadong tawo na dakol pa an boot na manodan manongod sa sato.
20 min: “Mga Magurang—Sanayon an Saindong mga Aki na Maghulit.” Hapot-simbagan. Iiba an giya sa librong Our Ministry, pahina 99-100, sa irarom kan subtemang “Helping Young People.”
Kanta 211 asin pantapos na pamibi.
Semana nin Hun. 30-Hul. 6
10 min: Lokal na mga paisi.
20 min: “Mga Hoben—Ano an Saindong Espirituwal na mga Pasohan?” Magkaibang pinag-oolayan nin duwang ama an artikulo. Ineestudyaran ninda kun paano tatabangan an saindang mga aki na masabotan kun taano ta kaipuhan na marhay na magbugtak nin teokratikong mga pasohan, na magtatao nin espirituwal na mga bendisyon, imbes na pag-aaboton an materyalistikong mga interes.—Helingon man an librong Our Ministry, pahina 116-18.
15 min: Pag-andam Para sa Alok sa Hulyo. Pumili nin saro o duwang brosyur na inaako nin marahay sa lokal na teritoryo, asin repasohon an nagkapirang lataw na punto dapit sa kada saro. Magsuherir nin mga paagi na ikaiiba an mga ini sa sarong pag-atubang. Pagirumdomon an gabos na magkaigwa nin rekord kan mga ikinapasakamot, asin bumalik patin kultibaron an interes.
Kanta 109 asin pantapos na pamibi.