Pagtiripon sa Paglilingkod Para sa Hulyo
Semana nin Hulyo 7-13
10 min: Lokal na mga paisi. Piniling Mga Paisi sa An Satong Ministeryo sa Kahadean. Komentohan an report nin paglilingkod sa Abril para sa nasyon asin lokal na kongregasyon.
15 min: “Binabalosan an Pagigin Fiel.” Hapot-simbagan. Iiba an halimbawa na isinaysay sa Enero 22, 1993 na Awake!, pahina 18-21.
20 min: “Tabangan an Iba na Makanompong nin Karangahan.” Pag-orolay kaiba kan mga nagdadangog. Ipademonstrar an saro o duwang pag-atubang. Agdahon an mga nagdadangog na isaysay an iba pang mga paagi na nakapoon sinda nin mga pag-orolay na dara an iyo man sanang mga brosyur. Parigonon an boot sa paggamit nin simple, piniling marhay na mga tataramon tangani na mapukaw an interes. (Helingon an School Guidebook, pahina 7, parapo 9-11.) Sambiton an iba pang mga brosyur na puedeng ialok asin na may istak an kongregasyon.
Kanta 70 asin pantapos na pamibi.
Semana nin Hulyo 14-20
12 min: Lokal na mga paisi. Report sa kuenta. Ipakipag-olay an “Pag-aadalan Niato an Librong Kaogmahan nin Pamilya.”
18 min: “Magpatotoo Saen Man May mga Tawo.” Sarong pahayag. Mantang itinotogot nin panahon, puedeng iestorya an dagdag pang mga eksperyensia sa 1997 Yearbook, pahina 43-6.
15 min: Mga Magurang—Tokdoan an Saindong mga Aki Poon sa Pagkaomboy. Ipinaliliwanag nin sarong magurang sa kongregasyon an Makakasuratan na mga prinsipyo na sinusumaryo an pangangaipo para sa mga magurang na tokdoan an saindang mga aki poon sa pagkaomboy. (Tal. 22:6; 2 Tim. 3:14, 15) An nagkapirang magurang naghohona na dai maninigong itao an seryosong edukasyon sa Biblia sa mga aki sagkod na tama na an edad ninda na gumibo kan saindang sadiring mga desisyon. Sa siring na mga kaso dakol na aki an nagin kinabanon. Maninigong ponan an espirituwal na pagtotokdo sa pagkaomboy. (g97-E 3/8 26-7; w88-BI 8/1 20-1 [w88-E 8/1 12-13]) Interbiohon an sarong mag-agom na nagpapaheling nin pagmakolog sa espirituwalidad kan saindang mga aki. Ipaheling kun paano nangengenot an ama alagad pareho ginigibo kan mga magurang an saindang kabtang sa pagtao nin regular, inareglong marhay na programa para sa pagtotokdo sa saindang mga aki. Isinasaysay kan mag-agom kun ano an saindang ginigibo sa paghihingoang itokdo sa saindang mga aki an katotoohan, na iinaaplikar an mga suhestion na itinao kan organisasyon manongod sa pagkaigwa nin sarong praktikal na programa para sa pagtotokdo sa harong. Idinodoon kan magurang sa kongregasyon an importansia nin pag-aplikar kan isinasadol kan Tataramon nin Dios na dapat na gibohon nin mga magurang.—Efe. 6:1-4.
Kanta 71 asin pantapos na pamibi.
Semana nin Hulyo 21-27
12 min: Lokal na mga paisi. Iiba an pag-orolay sa “Hapot.”
13 min: “Siisay an Maduman Para sa Samo?” Sarong positibong pahayag. Iiba an pagparigon sa boot na magregular payunir asin an eksperyensia na yaon sa suplemento kan Pebrero 1997 An Satong Ministeryo sa Kahadean, parapo 16-17. An mga dai makapagreregular payunir tibaad mawoton na magplano kun sa arin na bulan (mga bulan) makapag-o-auxiliary payunir durante kan maabot na taon nin paglilingkod.
20 min: Magin Andam na Gumibo nin Impormal na Pagpapatotoo. Aroaldaw, nakatutupar kita nin mga oportunidad na magpatotoo sa mga tawong nanonompongan niato. Kun nagkakaigwa nin oportunidad, tibaad madiskobre niato na mayo kitang Biblia o mga publikasyon na magagamit. Iplano nin patienot. Sa harong, magkaigwa nin nagkapirang literatura na madali sanang kuanon harani sa pinto kun saen tinataratara nindo an mga bisita. Maglaag nin manlaenlaen na literatura sa sarong portpolyo o bag, asin darahon nindo iyan o sa saindong kotse, sa saindong trabaho, o sa saindong kuartong bulosan sa eskuelahan. Magdara kamo kun kamo naglulunad sa pampublikong mga sasakyan. Magdara nin nagkapirang literatura kun kamo nagbibiahe para sa pagnegosyo, nagbibiahe pasiring sa sarong kombension, o nagbabakasyon. Ipakipag-olay an dagdag pang mga suhestion sa School Guidebook, pahina 80-2, parapo 11-16. Idemonstrar sa halipot an nagkapirang paagi sa pagdolok sa sarong ahente, katrabaho, kaeskuela, sarong biahero, o bakasyonista.
anta 72 asin pantapos na pamibi.
Semana nin Hul. 28–Ago. 3
12 min: Lokal na mga paisi. Pagirumdomon an gabos na itao an mga report nin paglilingkod sa langtad. Repasohon an alok sa Agosto. Magkonsentrar sa mga pagdalaw liwat sa mga nagkua nin mga brosyur ngonyan na Hulyo, na pinagmamaigotan na makapoon nin mga pag-adal sa Biblia. Ginagamit an suplemento kan Marso 1997 An Satong Ministeryo sa Kahadean, idoon an nagkapira sa mga kaipuhan na marhay para sa epektibong pagdalaw liwat. Maninigong ponan an mga pag-adal sa brosyur na Kahagadan o sa librong Kaaraman.
18 min: Pahayag nin sarong magurang sa kongregasyon sa artikulong “Mga Kasal na Nagtatao nin Onra ki Jehova” sa Abril 15, 1997 Torrengbantayan, pahina 23-6.
15 min: Lubos na Gibohon an Saindong Ministeryo. Pahayag kan paraataman sa paglilingkod basado sa librong Our Ministry, pahina 5-8. Idoon an importansia asin pagkaapurado kan paghuhulit, na inaanimar an gabos na odok sa boot na akoon an saindang paninimbagan bilang mga ministro.
Kanta 75 asin pantapos na pamibi.