Repaso sa Teokratikong Paadalan sa Pagmiministro

Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Setyembre 1 sagkod Disyembre 22, 1997. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras

[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]

Simbagon nin Tama o Sala an kada saro sa minasunod na mga pahayag:

1. Minsan ngani sinasabi kan rekord na an daing pagtubod na si Hadeng Joram namahala sa amihanan na kahadean nin Israel, dai niato midbid kun siisay an saiyang mga magurang o kun paano sia nagadan. [17, it-1 p. 1270 par. 8, 12]

2. Sa Lucas 22:​30, an “doseng tribo nin Israel” pareho an kahulogan kan sa Mateo 19:​28, na dian an pag-aplikar bako sanang sa katabang na mga saserdote ni Jesus na pinaniaki sa espiritu kundi kabale an gabos na iba pa sa katawohan. [Semanal na babasahon sa Biblia; helingon an w87-E 3/1 p. 27 par. 10; p. 28 par. 12.]

3. An dahelan na nagpahayag nin pagngalas an mga disipulo ni Jesus sa saiyang pakikipag-olay sa sarong Samaritana iyo na sia may inmoral na pamumuhay. (Juan 4:27) [Semanal na babasahon sa Biblia; helingon an w95-BI 7/15 p. 15 par. 1-2.]

4. An pananaram na “poon sa kapinonan” sa Juan 6:​64 nagpaparisa na aram ni Jesus kan panahon na pilion si Judas bilang apostol na ini an saro na magpapasaloib sa Saiya. [Semanal na babasahon sa Biblia; helingon an it-2 p. 129 par. 4-6.]

5. An karta kan Sosyedad kan 1884 nagtataram sana sa pagigin kaiyan sarong nagpupublikar na organisasyon. [17, jv p. 576 par. 1]

6. An Exodo 21:​22, 23 tinatabangan kitang masabotan na minamansay nin Dios an dai pa namumundag na aki nin tawo na sarong mahal na marhay na buhay. [17, kl p. 128 par. 21]

7. An “kapiestahan kan mga Judio” na nasambitan sa Juan 5:⁠1 nagtotokdo sa Paskua kan 31 C.⁠E. [si p. 194 par. 8]

8. An pagpalakop kan mensahe kan Kahadean paagi sa pagbrodkast sa mga radyo asin telebisyon kapareho kaepektibo nin ano man na iba pang mga paagi na puedeng gamiton niato. [jv p. 572 par. 3]

9. Mantang si Joachin nagin ama nin pitong aking lalaki, an Makakasuratan na pagboot, “Isurat nindo an lalaking ini bilang daing aki,” siertong nasala. (Jer. 22:30) [it-1 p. 1267 par. 10]

10. Baga man an mga autoridad sibil minamansay na matanos o bakong matanos, an tunay na mga Kristiano maninigong tamang iparehistro sa sainda an saindang kasal. [kl p. 122 par. 11]

Simbagon an minasunod na mga hapot:

11. Kaoyon sa halimbawa kan mga Kristianong taga-Efeso kan enot na siglo, ano an sarong kaipuhan na tangga na dapat gibohon tanganing mapaglabanan an maraot na mga espiritu? (Gibo 19:19) [kl p. 114 par. 14]

12. Paano nagkasala an nagkapirang anghel kan kaaldawan ni Noe? [kl p. 109 par. 4]

13. Taano si Jesus ta nagsayumang makilabot sa pasuruhay manongod sa mana? (Luc. 12:​13, 14) [Semanal na babasahon sa Biblia; helingon an w97-BI 4/1 p. 28.]

14. Ano an dai aram kan mga disipulo kan hapoton ninda si Jesus kun baga ibabalik nia an Kahadean sa Israel, siring sa nasusurat sa Gibo 1:⁠6? [Semanal na babasahon sa Biblia; helingon an w90-BI 6/1 p. 9 par. 4 (w90-E 6/1 p. 11 par. 4).]

15. Taano ta dai nagibo ni Adolf Hitler an saiyang huma na paraon an banwaan ni Jehova? [jv p. 553 par. 2-4]

16. Paano ipinaheling ni Jairo na sia may pagtubod sa abilidad ni Jesus na magparahay? (Mar. 5:​22-​24) [it-1 p. 1250 par. 14]

17. Taano an New World Translation ta nagsasabing “an Tataramon sarong dios” asin bakong “an Tataramon Dios,” siring kan ibang mga pagkatradusir sa Juan 1:⁠1? [Semanal na babasahon sa Biblia; helingon an rs 212 par. 5.]

18. Sono sa libro nin Kapahayagan, saen mapapaduman an “mga naggigibo nin espiritismo” kun sinda dai magsolsol asin magbago kan saindang pamumuhay? [kl p. 111 par. 8]

19. Mantang si Jesus sarong sangkap na tawo asin minidbid nia an saiyang kabtang bilang Paratokdo, taano ta dai nia inako na apodon na “Marahay na Paratokdo”? (Luc. 18:​18, 19) [Semanal na babasahon sa Biblia; helingon an w95-BI 3/1 p. 15 par. 7.]

20. Ano an bago manongod sa togon na sinabi sa Juan 13:⁠34? [Semanal na babasahon sa Biblia; helingon an w90-BI 2/1 p. 19 par. 5-6 (w90-E 2/1 p. 21 par. 5-6).]

Ibugtak an termino (mga termino) o frase na kaipuhan tanganing makompleto an kada saro sa minasunod na mga pahayag:

21. An halimbawa ni ․․․․․․․․, na Gitita, na nagpaheling nin kaimbodan ki ․․․․․․․․, maninigong magpahiro sa sato na ipaheling an kaparehong kualidad na ini sa mga nangengenot sa organisasyon ni Jehova ngonyan. (2 Sam. 15:21) [it-1 p. 1237 par. 17]

22. An “sampulong mina” nagrerepresentar sa ․․․․․․․․ na puedeng gamiton kan mga disipulong pinaniaki sa espiritu sa pagpaluwas nin dakol pang ․․․․․․․․ kan langitnon na Kahadean. (Luc. 19:13) [Semanal na babasahon sa Biblia; helingon an w89-E 10/1 p. 8.]

23. An tolong putik na akusasyon tumang ki Jesus na ginibo kan mga Judio ki Pilato, an Romanong gobernador nin Judea, kabale an paglaglag sa ․․․․․․․․, pangangalad sa pagbayad nin mga ․․․․․․․․, asin pagsabing Sia mismo ․․․․․․․․. (Luc. 23:2) [Semanal na babasahon sa Biblia; helingon an w90-E 12/1 p. 9 par. 1.]

24. An tunay na mga Kristiano dai nagseselebrar nin Navidad o ano man na iba pang kapiestahan na basado sa falsong relihiosong mga paniniwala huli ta sinda nagtatao ki Jehova nin ․․․․․․․․; dai man sinda nagseselebrar nin mga kapiestahan na ․․․․․․․․ sa makasalan na mga tawo o nasyon. [kl p. 126 par. 16]

25. An libro nin Gibo isinurat ni Lucas mientras na sia nasa ․․․․․․․․. [si p. 199 par. 3]

Pilion an tamang simbag sa kada saro kan minasunod na mga pahayag:

26. Pag-abot kan 1992, labing (2,500; 4,500; 6,500) na estudyante hale sa (40; 80; 110) na nasyon an sinanay sa ­Gilead asin pakatapos kaiyan naglingkod sa labing (100; 150; 200) na nasyon asin grupo nin mga isla. [jv p. 524 par. 2]

27. Kan (1877; 1879; 1881), ipinublikar ni ­Charles T. Russell an pulyetong The Object and Manner of Our Lord’s Return, asin kan (1877; 1879; 1881) pinonan niang ipublikar an ­Zion’s Watch ­Tower and ­Herald of ­Christ’s ­Presence. [jv p. 557 par. 1]

28. An satong pagkaigwa nin diosnon na pamumuhay naggagarantiya na (permi kitang tatrataron na marahay nin iba; magkakamit kita nin abundang materyal na mga bagay ngonyan; mag-aako kita kan huyom nin pag-oyon nin Dios huli ta ginigibo niato an tama). [kl p. 118 par. 2]

29. Kan hapoton ni Jesus si apostol Pedro, “Namomoot ka sa sako nin orog kisa sa mga ini?,” hinahapot Nia si Pedro kun baga namomotan nia Sia nin labi kisa sa (pagkamoot nia sa ibang mga disipulong ini; pagkamoot kan ibang mga disipulong ini ki Jesus; pagkamoot nia sa mga bagay na ini, siring baga kan sira). (Juan 21:15) [Semanal na babasahon sa Biblia; helingon an w88-E 11/1 p. 31 par. 9.]

30. Sa kadaklan na kabtang, an mga nangenot sa pagpalakop kan maogmang bareta kaidto (mayayaman na tawo; mga tawong iginagalang kan kinaban; ordinaryong mga tawo). [jv p. 548 par. 3]

Ipadis an minasunod na mga teksto sa mga pahayag na nasa ibaba:

2 Hade 10:​15, 16; Tal. 3:​9, 10; Luc. 9:​60, 62; 13:​4, 5; Roma 9:​10-​12

31. Nakiargumento si Jesus tumang sa patalistikong pangangatanosan, na sinasambit an sarong trahedya na aram na marhay kan mga naghihinanyog sa saiya asin na malinaw na iinatribwir nia sa panahon asin pagkanorongod. [Semanal na babasahon sa Biblia; helingon an w96-BI 9/1 p. 5 par. 5.]

32. Ipinaheling ni Jehova an saiyang kakayahan na aramon an henetikong tendensia kan dai pa namumundag asin gamiton an saiyang patienot na kaaraman patin diretso na pilion nin patienot an nagugustohan nia para sa saiyang mga katuyohan. [it-1 p. 1242 par. 6]

33. Kaipuhan an bilog na pusong debosyon tanganing makalaog sa Kahadean. [si p. 192 par. 32]

34. Bebendisyonan kita ni Jehova mantang ginagamit niato an satong panahon, kosog, asin iba pang rogaring, kaiba an satong mga pondo, tanganing palakopon an tunay na pagsamba. [kl p. 120 par. 8]

35. An saro dapat na maimbod na sumuportar sa mga nangengenot sa pagsamba ki Jehova. [it-1 p. 1269 par. 8]