Mga Paisi
◼ Alok sa Disyembre: New World Translation sa Ingles o Ang Banal na Kasulatan kaiba an The Bible—God’s Word or Man’s? sa kontribusyon na ₱100.00. Enero: Nagkakasararo sa Pagsamba sa Iyo Sanang Tunay na Dios o an sadit na librong Mabuhay Sagkod Lamang sa kontribusyon na ₱20.00. Pebrero: Life—How Did It Get Here? By Evolution or by Creation?, an dakulang edisyon sa kontribusyon na ₱60.00, an sadit na edisyon sa kontribusyon na ₱30.00. Minsan siring, sa mga teritoryong dai nakatataram nin Ingles, maninigong ialok an sadit na librong Mabuhay Sagkod Lamang sa kontribusyon na ₱20.00. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).
◼ Pasabot sa mga Sekretaryo kan Kongregasyon: Kun may parahayag na maghale sa saindong kongregasyon tanganing mag-istar sa ibang nasyon, tabi gumibo nin espesyal na paghihingoa na ipadara an saindang Publisher Record card sa tamang kongregasyon sa pinakamadaling panahon. Nabaretaan niamo na idtong mga minabalyo tanganing mag-istar sa ibang nasyon sa parate dai natatawan nin espirituwal na atension sagkod na sinda nagkapirang bulan nang yaon duman. Tanganing malikayan ini, hingoahon na kuanon an saindang tamang adres sa koreo bago sinda maghale, o pag-abot tolos ninda duman. Sa siring, dawa dai nindo makua an adres kan sekretaryo kan kongregasyon duman, ikapadadara nindo an record card sa sangang opisina kan Sosyedad sa nasyon na iyan kaiba an sarong surat na nagpapaliwanag kan situwasyon asin nagtatao kan eksaktong adres. Dangan ikapadadara ninda an impormasyon sa pinakaharaning kongregasyon tanganing matabangan sinda sa espirituwal.
◼ Pagliliwat sa Pandistritong mga Kombension: Tabi mangnohon sa lista kan mga kombension na an kombension na iiniskedyul para sa Sta. Cruz Laguna gigibohon na ngonyan sa Lucena City. An kombension sa Bacolod City gigibohon na ngonyan sa West Negros College Gym imbes na sa Paglaum Sports Complex. An mga petsa dai naliwat.
◼ An nangengenot na paraataman o an saro na inasignaran nia maninigong siyasaton an kuenta kan kongregasyon sa Disyembre 1 o sa pinakamadaling panahon pakalihis kaiyan. Ipaisi sa kongregasyon kun nagibo na ini.
◼ Mahalagang siertohon kan mga parahayag na iareglo ninda na makikabtang sa paglilingkod sa langtad amay pa sa Disyembre. Kun kamo maatender sa kombension o mabakasyon, o kamo mayo sa kongregasyon sa katapusan nin Disyembre, siertohon na itao an saindong report sa sekretaryo bago maghale. Kun an gabos mag-iisip na itao an report sa tamang oras kun siring magkakaigwa kita nin kompletong report para sa Disyembre.
◼ Mantang an pandistritong kombension sa taon na ini tolong aldaw sana, dai kaipuhan na kanselaron an Pag-adal sa Libro kan Kongregasyon para sa semanang iyan.
◼ Mga Kontribusyon Para sa Pandistritong mga Kombension: Gusto niamong ipaaram sa gabos na an gabos na gastos kan kombension, kabale na an pagkua nin mga pasilidad, plataporma, public address system sinusustentohan paagi sa boluntad na mga kontribusyon. Nakasisierto kami na gigirumdomon nindo ini sa pag-atender nindo. An mga kontribusyon puedeng itao paagi sa mga kahon sa kontribusyon na nasa mga kombension.—Helingon an parapo 13 kan Suplemento sa Nobyembre, 1996 na An Satong Ministeryo sa Kahadean.
◼ Teksto kan taon para sa 1998: An teksto kan taon para sa 1998 basado sa Roma 10:13 “An gabos na nag-aapod sa ngaran ni Jehova maliligtas.” An gabos na kongregasyon maninigong iareglo na ibugtak an bagong teksto kan taon sa saindang Kingdom Hall sa Enero 1, 1998.