Ikinaogma daw Nindo Iyan?
1 Kun saro kamo sa mga nag-auxiliary payunir kan Marso asin Abril ngonyan na taon, ikinaogma daw nindo an espesyal na aktibidad nindo? Kun iyo, daing duwa-duwa na ipapadagos nindo an saindong pagpapayunir ngonyan na bulan. Tibaad puede ngani nindong planohon an saindong mga aktibidad tangani na makapag-auxiliary payunir kada bulan poon ngonyan padagos. Totogotan kamo kaini na padagos na maasikaso an mga inaadalan sa Biblia na naponan nindo durante kan saindong pagpapayunir.
2 Sa satong pandistritong mga kombension, 4,493 an total na nabautismohan. Tibaad an nagkapira sa mga ini nagpoon na mag-auxiliary payunir pakatapos tolos kan bautismo asin sinda naglalaom na makualipikar bilang mga regular payunir sa Hulyo. Mawot niamong enkaminaron an gabos na mapagngayongayong horophoropon an pasohan na regular na pagpapayunir kisuerra sa Setyembre 1, 1998 sa pagpoon kan bagong taon nin paglilingkod.