Mga Paisi

◼ Alok sa Hunyo: Magsalang an librong Greatest Man sa kontribusyon na ₱75.00 o Mankind’s Search for God sa kontribusyon na ₱40.00. Hulyo asin Agosto: Puedeng ialok an arin man sa mga brosyur sa kontribusyon na ₱7.50, alagad boot niato na partikularmenteng itampok an bagong brosyur na Sarong Libro Para sa Gabos na Tawo. Setyembre: An librong Kaaraman sa kontribusyon na ₱25.00. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).

◼ An nangengenot na paraataman o saro na inasignaran nia maninigong siyasaton an kuenta kan kongregasyon sa Hunyo 1, o sa pinakamadaling panahon pakalihis kaiyan. Ianunsiar sa kongregasyon kun nagibo na ini.

◼ Posibleng idedeklarar an Hunyo 12 na piesta opisyal. Kun iyo, marahay na an mga kongregasyon mag-areglo nin aktibidad para sa espesyal na aldaw nin magasin sa aldaw na iyan.

◼ Pasabot: Siring kan sinabi sa enotan, iaalok niato an mga brosyur sa Hulyo asin Agosto. Mantang dai pa niato iinaalok an bagong brosyur, na Sarong Libro Para sa Gabos na Tawo, na ilinuwas sa satong dai pa sana nahahaloy na pandistritong mga kombension, mawot niamong sadolon an gabos na gumibo nin espesyal na paghihingoa na itampok an brosyur na ini sa masunod na duwang bulan. Tanganing magibo ini, kaipuhan na ipadara tolos-tolos kan mga kongregasyon an saindang mga pedido tangani na maresibi ninda iyan na magagamit durante kan kampanya. Igwa kami nin dakol na suplay kaini sa sangang opisina kaya linalaoman niamong maresibi an saindong mga pedido.