Pagtiripon sa Paglilingkod Para sa Hulyo
Semana nin Hulyo 6-12
10 min: Lokal na mga paisi. Piniling Mga Paisi sa An Satong Ministeryo sa Kahadean. Komentohan an report nin paglilingkod sa langtad kan Abril para sa nasyon asin lokal na kongregasyon. Teokratikong mga Bareta.
15 min: “Kanigoan Karahay na Pirmeng Umatender!” Hapot-simbagan. Iiba an mga komento sa Hunyo 8, 1988 Awake!, pahina 19-21, tangani na enkaminaron an mga hoben na umatender nin regular sa mga pagtiripon.
20 min: “Kaipuhan na Madangog kan Satong mga Kataed an Maogmang Bareta.” Iareglong repasohon nin duwa o tolong may kakayahan na parahayag an mga suhestion para sa pag-atubang kan mga brosyur na nasa istak kan kongregasyon. Enkaminaron an paggamit kan bagong brosyur na Sarong Libro Para sa Gabos na Tawo. Idoon an pasohan na makapoon nin mga pag-adal sa Biblia sa brosyur na Kahagadan o sa librong Kaaraman. Idemonstrar an enot na pag-atubang na sinusundan nin pagdalaw liwat asin kan pag-alok nin pag-adal.
Kanta 73 asin pantapos na pamibi.
Semana nin Hulyo 13-19
10 min: Lokal na mga paisi. Report sa kuenta. Enkaminaron an gabos na odok na horophoropon an pagpalista bilang auxiliary payunir sa Agosto, na igwa nin limang Sabado asin Domingo.
15 min: “Pagkinabang sa Satong mga Pahayag-Publiko.” Hapot-simbagan.
20 min: “Hinihilo daw Kamo kan Espiritu kan Kinaban?” Pahayag nin sarong magurang sa kongregasyon basado sa Oktubre 1, 1997 Torrengbantayan, pahina 25-9.
Kanta 182 asin pantapos na pamibi.
Semana nin Hulyo 20-26
8 min: Lokal na mga paisi. Repasohon an kahon na may temang “Sanggatos na Ribo!”
12 min: “Sarong Pagdalaw na Puedeng Magin Bendisyon.” Pag-orolay nin duwang magurang sa kongregasyon. Ipaliwanag an mga katuyohan kan pagdalaw sa mga tugang na rinepaso sa Setyembre 15, 1993 na Torrengbantayan, pahina 20-3. Mainit na enkaminaron an kongregasyon na laoman an mga pagdalaw kan kamagurangan.
25 min: “Paglilingkod Bilang Payunir—Iyan daw Para sa Saimo?” (Parapo 1-14) An paraataman sa paglilingkod matao nin halipot na introduksion, na ineenkaminar an gabos na odok na isip-isipon an pagregular payunir. Dangan ipaliliwanag nia an hapot 1, kabale an mga komento sa “Enthusiastic Pioneer Spirit” na nasa 1998 Yearbook, pahina 104-5. Iibanan sia sa entablado nin duwa o tolong miembro kan kongregasyon na may eksperyensia sa pagpapayunir tangani na pag-olayan an hapot 2. Ihinihiras ninda an praktikal, realistikong pagmansay kun paano mahihimong manigoan sa materyal bilang mga payunir. Dangan maiba sa grupo an duwang magurang tangani na pag-olayan an hapot 3. Sinda nagtatao nin positibong mga rason kun taano an mga hoben ta maninigong odok na horophoropon an karerang bilog na panahon na paglilingkod. Enkaminaron an gabos na umatender sa masunod na semanang Pagtiripon sa Paglilingkod, na dian pag-oolayan an natatada pang mga hapot.
Kanta 80 asin pantapos na pamibi.
Semana nin Hul. 27–Ag. 2
10 min: Lokal na mga paisi. Pagirumdomon an gabos na itao an mga report nin paglilingkod sa langtad para sa Hulyo. Ianunsiar an mga areglo nin paglilingkod para sa enot na Sabado asin Domingo sa Agosto, asin enkaminaron an gabos na makikabtang sa paglilingkod na may pasohan na makapoon nin bagong pag-adal sa Biblia.
35 min: “Paglilingkod Bilang Payunir—Iyan daw Para sa Saimo?” (Parapo 15-25) Pahayag asin pag-orolay na pangengenotan nin sarong magurang sa kongregasyon. Iareglo nin patienot na ihiras kan mga payunir asin kan mga nagpayunir kan nakaagi an odok sa pusong mga kapahayagan bilang simbag sa mga hapot 4-5. Idinodoon ninda an pangangaipo nin marahay na iskedyul asin estriktong pagsunod dian, na nagtatao nin mga halimbawa nin praktikal na semanal na mga iskedyul sa paglilingkod na talagang epektibo. Tataposon kan magurang sa kongregasyon paagi sa nakamomotibar na pahayag na sinisimbag an hapot 6. An pagpopoon kan taon nin paglilingkod sa Setyembre 1 marahay na panahon para sa bagong mga payunir na ponan an saindang bilog na panahon na paglilingkod. Makukua an mga aplikasyon sa siisay man na miembro kan Komite sa Paglilingkod kan Kongregasyon.
Kanta 51 asin pantapos na pamibi.