Pagtiripon sa Paglilingkod Para sa Agosto
Semana nin Agosto 3-9
10 min: Lokal na mga paisi. Piniling Mga Paisi sa An Satong Ministeryo sa Kahadean. Komentohan an report nin paglilingkod sa langtad kan Mayo para sa nasyon asin lokal na kongregasyon.
15 min: “Maaabot daw Niato an Satong Pasohan Ngonyan na Bulan?” Hapot-simbagan. Enkaminaron an gabos na hingoahon na makapoon nin pag-adal sa pagpopoon kaining Agosto tanganing ikareport iyan sa katapusan kaining bulan. Iiba sa halipot an mga komento sa “Hapot” sa pahina 7.
20 min: “Gamiton an mga Brosyur sa Pagpukaw Kapwa sa Isip Asin Puso.” Pag-orolay kaiba kan mga nagdadangog. Repasohon sa halipot an mga brosyur na ipinublikar kan nag-aging mga taon. (Helingon an Watch Tower Publications Index 1986-1995, pahina 652-3.) Itampok an bagong brosyur na Sarong Libro Para sa Gabos na Tawo, asin ipakipag-olay kun siisay an puedeng magin interesado na mag-ako nin kopya. Idemonstrar an saro o duwang pag-atubang.
Kanta 191 asin pantapos na pamibi.
Semana nin Agosto 10-16
10 min: Lokal na mga paisi. Report sa kuenta.
15 min: Lokal na mga pangangaipo.
20 min: “Mga Hoben—Aprobetsaran an Saindong Pag-eskuela.” Hapot-simbagan. Iiba an angay na mga komento sa Abril 8, 1992 na Awake!, pahina 17-19, asin Hulyo 15, 1991 Watchtower, pahina 23-6.
Kanta 37 asin pantapos na pamibi.
Semana nin Agosto 17-23
10 min: Lokal na mga paisi. Humagad nin halipot na mga komento kun paano kukuanon an ngaran asin adres nin saro na napatotoohan sa tinampo, sa parke, o sa iba pang lugar, tanganing makultibar an saiyang interes.
35 min: “Sarong Progresibong Paghorophorop sa Apuradong Paggibo nin mga Disipulo.” Hapot-simbagan. Basahon an parapo 5, 10, asin 11. Repasohon kun paano nag-ooswag sa lokal an gibohon na pag-adal sa Biblia. Enkaminaron an gabos na nagkokondukta nin mga pag-adal na basahon giraray an Hunyo 1996 na suplemento kan An Satong Ministeryo sa Kahadean tanganing mapaoswag an saindang mga abilidad sa pagtotokdo. Pag-olayan an parapo 5 asin 25 kan suplementong iyan.
Kanta 108 asin pantapos na pamibi.
Semana nin Agosto 24-30
12 min: Lokal na mga paisi. Huling saro na sanang Sabado asin Domingo an natatada ngonyan na Agosto, enkaminaron an gabos na makikabtang sa ministeryo bago matapos an bulan, asin magreport tolos-tolos tanganing an report kan taon matipon asin ikapadara sa Sosyedad pag-abot kan Setyembre 6.
18 min: Kun Paano Makapapadagos sa Pagpapayunir. Pahayag basado sa Setyembre 15, 1993 na Torrengbantayan, pahina 24-6 (w93-E 9/15 p. 28-31). Interbiohon an sarong payunir na nakanood na pangganahan an magabat na mga problema asin nagpapadagos na magpayunir.
15 min: Gamiton na Marhay an An Satong Ministeryo sa Kahadean. Pag-orolay kaiba kan mga nagdadangog. Ginagamit an bagong mga halimbawa, iilustrar an napapanahon na impormasyon na makukua sa mga pahina kan An Satong Ministeryo sa Kahadean asin an mga pakinabang na nakukua niato dian: (1) mga artikulo na nagmomotibar sa sato na makikabtang nin regular sa ministeryo; (2) mga eksperyensia na nagpaparigon sa sato sa satong sagradong paglilingkod; (3) mga suhestion na nakatatabang sa sato na iatubang nin epektibo an maogmang bareta; (4) mga paisi manongod sa makukuang bagong mga publikasyon na kapakipakinabang sa lokal na teritoryo; (5) mga report nin paglilingkod, na nagpapaheling kan rikas kan aktibidad na pan-Kahadean; (6) Teokratikong mga Bareta, na nagbabareta manongod sa pag-oswag kan gibohon sa bilog na kinaban; (7) mga paisi asin iskedyul na pirmeng nag-iimpormar na marhay sa sato dapit sa maabot na mga aktibidad; (8) simbag sa mga hapot dapit sa seryosong mga bagay; asin (9) mga suplemento na nagsasabi sa sato manongod sa mga kombension, espesyal na mga kampanya, asin iba pang mga bagay na pinagdadanay kitang atentibo sa satong espirituwal na mga pangangaipo. Enkaminaron an gabos na basahon an kada luwas, iaplikar an mga suhestion kaiyan, darahon iyan sa mga Pagtiripon sa Paglilingkod asin mga pagtiripon bago lumuwas sa paglilingkod sa langtad, asin isaray iyan sa personal na file na magigin reperensia sa ngapit.
Kanta 210 asin pantapos na pamibi.
Semana nin Ag. 31–Set. 6
15 min: Lokal na mga paisi. Pagirumdomon an gabos na itao an mga report nin paglilingkod sa langtad para sa Agosto. Maninigo na pagirumdomon kan mga konduktor sa Pag-adal sa Libro kan Kongregasyon an gabos sa saindang grupo na siertohon na ireport an ano man na mga pag-adal sa Biblia na naponan na ngonyan na Agosto asin nagpapadagos. Pag-olayan an alok sa Setyembre. Idemonstrar sa halipot an sarong pag-atubang na nagpapalataw kan hapot na “Taano ta maninigo niatong gamiton an ngaran nin Dios?” Simbagon iyan na ginagamit an librong Kaaraman, kapitulo 3, parapo 6.
15 min: “Mga Paraataman na Nangengenot—An Nangengenot na Paraataman.” Pahayag kan nangengenot na paraataman. Pakatapos na repasohon an saiyang mga obligasyon, ipahahayag nia an pag-apresyar sa kongregasyon sa saindang kooperasyon sa kamagurangan mantang pinapastoran ninda an aripompon.
18 min: Tabangan an Saindong Aki na Makapanggana sa mga Problema sa Eskuelahan. Nakikipag-olay an sarong magurang sa kongregasyon sa duwa o tolong magurang na igwa nin mga aking nag-eeskuela. Magkomento nin halipot manongod sa nagkapira sa mas lakop na problema na inaatubang kan mga aki, siring kan itinao sa Agosto 8, 1994 Awake!, pahina 5-7. Dangan, binubuksan an pahina 8-10, ipakipag-olay kun paano mapoprotehiran nin mga magurang an saindang mga aki asin mapagdadanay an marahay na relasyon nin mga magurang asin paratokdo.
Kanta 24 asin pantapos na pamibi.