Repaso sa Teokratikong Paadalan sa Pagmiministro
Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Mayo 4 sagkod Agosto 24, 1998. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.
[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]
Simbagon nin Tama o Sala an kada saro sa minasunod na mga pahayag:
1. Sono sa rekord kan Biblia, dinalaw ni Pablo an Corinto nin tolong beses. [si p. 214 par. 3]
2. An mga tangga pasiring sa Kristianong bautismo minapoon paagi sa pag-ako sa satong puso kan tamang kaaraman manongod ki Jehova Dios asin ki Jesu-Cristo. [kl p. 173 par. 7]
3. An kahulogan kan Efeso 5:13 iyo na an kinabanon na mga kaugalean ibinubuyagyag bilang kasalan asin rinerekonoser na siring nanggad kaiyan kun iyan mamansayon sa liwanag kan Tataramon nin Dios. [Semanal na babasahon sa Biblia; helingon an it-2 p. 254 par. 3.]
4. Puede kitang magkamit nin buhay paagi sa paglilingkod ki Jehova Dios. [kl p. 182 par. 4]
5. An teksto sa Galacia 5:26 ipinagbabawal sa tunay na mga Kristiano an gabos na isport asin kawat na may pakipagdaogan. [Semanal na babasahon sa Biblia; helingon an g95-E 12/8 p. 15 par. 8.]
6. Minsan ngani mapuso niang hinagad an bangkay ni Jesus tanganing ibugtak iyan sa sarong lolobngan, kinaipuhan na pangganahan ni Jose na taga-Arimatea an saiyang takot sa daing pagtubod na mga Judio. [it-2 p. 112 par. 8]
7. An surat sa mga taga-Filipos isinurat ni Pablo mga pira sanang bulan pakapatindoga nia kan kongregasyon sa Filipos, asin iyan huli sa magabat na mga problema na naglataw sa tahaw ninda. [si p. 224 par. 3]
8. Si Jesus “ipinahayag na matanos sa espiritu,” siring kan sinambit sa 1 Timoteo 3:16, paagi sa pagtao sa saiya nin espiritung buhay kan sia buhayon liwat; ini katimbang kan kapahayagan nin Dios na si Jesus kompletamenteng matanos asin angay sa dugang pang mamuraway na mga asignasyon. [Semanal na babasahon sa Biblia; helingon an w90-E 1/15 p. 13 par. 12.]
9. “An katalingkasan” na sinasabi sa Filipos 1:23 minalataw na iyo an paglaom ni Pablo na magin kaiba ni Cristo tolos-tolos pagkagadan. [Semanal na babasahon sa Biblia; helingon an w95-BI 3/1 p. 30 par. 4.]
10. Isinurat ni Pablo an 1 Timoteo durante kan pag-oltanan kan saiyang pakaluwas sa enot niang pagkabilanggo sa Roma asin kan ultimo niang pagkabilanggo duman. [si p. 234 par. 2]
Simbagon an minasunod na mga hapot:
11. Sa anong paagi na an nagkapira sa Corinto “bakong angay” na nakikikabtang sa mga emblema kun sinda nagtitiripon sa pagselebrar kan Memorial kan kagadanan ni Cristo? (1 Cor. 11:27) [Semanal na babasahon sa Biblia; helingon an w90-BI 3/1 p. 11 par. 17 (w90-E 2/15 p. 19 par. 17).]
12. Kiisay na presensia an nagsapeligro sa ikararahay kan kongregasyon sa Corinto, na nagpahiro ki Pablo na isurat an saiyang ikaduwang surat sa Corinto? [si p. 214 par. 2]
13. Paano babalosan ni Jehova an ano man na tibaad isakripisyo niato sa kapakanan kan pagsamba sa saiya? [kl p. 169 par. 20]
14. Ano an nagibo kan mga apelasyon sa mga korte suprema kun manongod sa mga bagay na nakaaapektar sa tunay na pagsamba? [jv p. 683 par. 4]
15. Sa saiyang paggamit kan Tataramon nin Dios, paano si Pablo nagtao nin marahayon na halimbawa para sa Kristianong mga ministro ngonyan? [si p. 217 par. 19]
16. Ano an boot sabihon ni apostol Pablo kan sia magsabi na an Ley “idinagdag tanganing mahayag an mga kalapasan”? (Gal. 3:19) [Semanal na babasahon sa Biblia; helingon an uw-BI p. 146-7 par. 3-4 (uw-E p.147 par. 3-4).]
17. Sa Filipos 1:3-7, sa anong mga dahelan na kinokomendaran ni Pablo an mga tugang, asin paano kita makikinabang sa saindang halimbawa? [si p. 225 par. 12]
18. Taano an gabos na Kristianong ministro ta maninigong kuyogon an sadol na yaon sa Colosas 4:6? [si p. 228 par. 13]
19. Ano an boot sabihon ni apostol Pablo kan sia magsabi na boot nia na an mga babae “magsamno sa saindang sadiri . . . na may kabinian”? (1 Tim. 2:9) [Semanal na babasahon sa Biblia; helingon an g90-E 6/22 p. 19 par. 2.]
20. Taano an mga Kristiano ta maninigong maghimate sa patanid ni Pablo sa 1 Timoteo 6:4 may koneksion sa “pasuruhay manongod sa mga tataramon”? [si p. 236 par. 15]
Ibugtak an (mga) termino o frase na kaipuhan tanganing makompleto an kada saro sa minasunod na mga pahayag:
21. Durante kan taon ․․․․․․․․, pinirmahan an sarong konkordat sa pag-oltanan kan ․․․․․․․․ asin Nazing Alemania patin ilinansar ni Hitler an sarong kampanya tangani na pohoon an ․․․․․․․․ sa Alemania. [jv p. 659 par. 2]
22. An enot na surat ni Pablo sa mga taga-Corinto kapakipakinabang na marhay sa pagpahiwas kan satong pakasabot sa ․․․․․․․․, na dian dakol an kinokotar kaiyan. [si p. 213 par. 23]
23. Sa saiyang surat sa mga taga-Galacia, pinatutunayan ni Pablo na an pagtataong katanosan paagi sa ․․․․․․․․ ki Jesu-Cristo, bakong paagi sa mga gibo kan ․․․․․․․․, asin na kun siring an ․․․․․․․․ dai kaipuhan para sa mga Kristiano. [si p. 218 par. 6]
24. Sa saiyang enot na surat sa mga taga-Tesalonica, apat na beses na nasasambitan ni Pablo an manongod sa ․․․․․․․․ ni Jesu-Cristo, na malinaw na huli sa interes kan kongregasyon sa katokdoan na ini. [si p. 231 par. 15]
25. An ikaduwang surat sa mga taga-Tesalonica isinurat ni ․․․․․․․․ mientras na nasa ․․․․․․․․ kan taon .․․․․․․․․ [si p. 232 par. 4]
Pilion an tamang simbag sa kada saro sa minasunod na mga pahayag:
26. Sa pagpaliwanag sa saiyang diretso na mabuhay paagi sa ministeryo, si Pablo nagkokonsulta sa (Talmud; Misna; Ley ni Moises), na nagsasabi na an mga hayop na nagtatrabaho dai dapat na pagbusalan asin na an (mga Levita; Netineo; makasaserdoteng pamilya ni Aaron) na naglilingkod sa templo nag-ako kan saindang kabtang hale sa altar. [si p. 213 par. 24]
27. An surat ni Pablo sa mga taga-Galacia nagtatao kan interpretasyon kan Isaias 54:1-6, na ipinamimidbid an babae ni Jehova bilang (daganon na Jerusalem; an Jerusalem sa itaas; Bagong Jerusalem). (Gal. 4:21-26) [si p. 219 par. 16]
28. Sa Efeso 1:10, an “administrasyon” ipinanonongod sa (Mesiyanikong Kahadean; Namamahalang Grupo; paagi nin Dios sa pag-asikaso kan saiyang mga gibohon sa laog nin harong). [si p. 221 par. 8]
29. An (mga Judaisador; grupong klero nin Kakristianohan; Dakulang Babilonya) midbid na konektadong marhay sa “tawo nin katampalasanan” na sinambit sa 2 Tesalonica 2:3. [Semanal na babasahon sa Biblia; helingon an w90-E 1/15 p. 18 par. 11.]
30. Kun kamo may seryosong mga pagduda dapit sa saro durante nin pag-ilusyonan, an madonong na gibohon iyo na (togotan an saindong romantikong mga pagmate na daogon an saindong mga pagduda; pondohon an relasyon; pirongon an mga mata sa seryosong mga diperensia na naglalaom na mas magigin marahay an mga bagay pakakasal). [fy p. 23 par. 19]
Ipadis an minasunod na mga teksto sa mga pahayag na nasa ibaba:
Bil. 16:3; 1 Cor. 10:11, 12; 2 Cor. 4:7; 2 Cor. 8:14; Jud. 1
31. Kun an saro ineenot sa saiyang buhay an Kristianong ministeryo, naeeksperyensiahan nia an kosog na itinao nin Dios. [Semanal na babasahon sa Biblia; helingon an w90-E 3/1 p. 29 par. 5.]
32. Maninigo niatong himateon an panalmingan kan mga Israelita sa pangengenot ni Moises asin likayan an pagsarig sa sadiri. [si p. 213 par. 23]
33. An buka an palad na mga regalo hale sa mga Kristiano na may kaya makatatabang na mahipnoan an mga pangangaipo kan mga nasa lugar na bakong gayong marahay an kamugtakan sa materyal, mantang an kaigotan asin pakatagal kan mga nagsasakit nin makuri puedeng magin gikanan nin kagayagayahan patin pagparigon sa boot para sa mga nagtatao. [Semanal na babasahon sa Biblia; helingon an w93-E 12/15 p. 21 par. 20.]
34. An mga lingkod ni Jehova maninigong magmawot na papagdanayon an mamomoton, nakikikooperar na aktitud sa lambang saro; an paggumodgumod puedeng makadanyar sa marahay na relasyon sa iba. [it-2 p. 184 par. 6]
35. Dapat kitang mag-ingat na dai maghanap nin pagkaprominente paagi sa pag-aprobetsar sa mga may relasyon sa sato sa laman. [it-2 p. 132 par. 1]