Mga Paisi
◼ Alok sa Agosto: Puedeng ialok an arin man sa mga brosyur sa kontribusyon na ₱7.50, alagad ineenkaminar mi an gabos na partikularmenteng itampok an bagong brosyur na Sarong Libro Para sa Gabos na Tawo. Setyembre: An librong Kaaraman sa kontribusyon na ₱25.00. Oktubre: Sarong taon na suskripsion sa An Torrengbantayan o Awake! sa kontribusyon na ₱120.00. Nobyembre: An librong Kaaraman sa kontribusyon na ₱25.00. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).
◼ An kada kongregasyon maresibi nin duwang porma nin Literature Inventory (S-18) kaiba kan saindang accounts statement sa Hunyo. Tabi aktuwal na bilangon an gabos na literaturang nasa istak ngonyan na Agosto 31, 1998 asin llenaran nin kompleto an mga porma, na ibuelta an orihinal sa Sosyedad dai malihis sa Setyembre 6. Sarayon an duplikado sa saindong file.
◼ An sekretaryo kan kongregasyon titiponon an mga report sa paglilingkod tanganing ilaog sa pormang Congregation Analysis Report (S-10). Maingat man niang tatawan nin instruksion an siisay man na magurang sa kongregasyon o ministeryal na lingkod na matabang sa saiya sa pagtipon kan report. Sisiertohon kaini an tamang paglista kan impormasyon na kaipuhan gikan sa Publisher Record cards (S-21). An Congregation Analysis Report (S-10) maninigong llenaran nin tama asin areglado patin maingat na siyasaton kan komite sa paglilingkod.
◼ Maninigong ipadara na ngonyan sa Sosyedad an mga pedido para sa Pagsiyasat sa Kasuratan Aroaldaw—1999 asin 1999 kalendaryo. Ipadadara mi an espesyal na order blank sa kada kongregasyon kaiba kan statement of accounts kan Hunyo para sa duwang ini. Kun maresibi na nindo ini, llenaran iyan asin ibuelta iyan sa Sosyedad dai malihis sa Setyembre 6. An kontribusyon sa Pagsiyasat sa Kasuratan Aroaldaw ₱12.50. Puedeng tawan nin libreng kopya an kada espesyal asin regular payunir na nasa lista poon kan Hulyo 1, 1998, asin hahagadon kan kongregasyon an credit kaini sa pormang Remittance and Credit Request (S-20) kun ipadara na ninda an bayad pagkaresibi kan mga pulyeto. An dugang na mga kopya na boot na kuanon kan mga payunir makukua sa bilog na halagang ₱12.50. Mayo na ining kantidad sa payunir. An kalendaryo ₱30.00 asin mayo ining kantidad sa payunir, ni na may itataong libre para sa mga payunir.
◼ Igwa pa nin panahon para sa mga nagpaplanong pumoon na magregular payunir sa Setyembre 1, 1998 na itao an saindang aplikasyon. Pakaaprobaran kaini kan komite sa paglilingkod maninigong ipadara iyan na daing pag-atraso sa Sosyedad tanganing an pag-aprobar maresibi bago Setyembre 1.
◼ Iskedyul Para sa Pag-adal sa Libro kan Kongregasyon: Poon sa semana nin Setyembre 21 sagkod sa semana nin Oktubre 26, pag-aadalan an brosyur na Ano an Kahagadan sa Sato nin Dios? sa mga Pag-adal sa Libro kan Kongregasyon. Poon Nobyembre 2 sagkod Disyembre 14, pag-aadalan an brosyur na What Is The Purpose of Life? Dangan poon Disyembre 21 sagkod Enero 25, pag-aadalan an brosyur na An Dios daw Talagang May Pagmakolog sa Sato? Maninigo na an gabos na kongregasyon pumedido kan arin man na mga suplay na kaipuhan tanganing an gabos magkaigwa kan materyal na pag-aadalan sa tamang panahon. Mantang an brosyur na Purpose of Life mayo sa Bicol, Pangasinan, asin Samar-Leyte, iyan iseserye sa luwas kan Torrengbantayan na Oktubre 1, Oktubre 15, asin Nobyembre 1, 1998.