Hapot

◼ Noarin puedeng ireport an bagong pag-adal sa Biblia, asin siisay na mga inaadalan an puedeng ireport?

An bagong pag-adal sa Biblia sa harong puedeng ireport nin siring kun iyan nakonduktahan na nin duwang beses pakatapos kan pagsongko na dian idinemonstrar an areglo sa pag-adal asin may dahelan na maniwala na magpapadagos an pag-adal. Maninigong llenaran an pormang Study Report asin itao iyan sa katapusan kan bulan. Ibibilang an pagdalaw liwat asin an oras na ginamit sa kada pagkondukta nin pag-adal.

Kun umiba an sarong parahayag sa nagkokondukta kan pag-adal, puede niang ibilang an oras kun sia nakikikabtang sa pag-adal. Minsan siring, an nagkokondukta sana kan pag-adal an mareport kan pagdalaw liwat asin pag-adal sa Biblia.

Kun beses tibaad hagadon nin sarong magurang sa kongregasyon na kabilang sa Komite sa Paglilingkod kan Kongregasyon sa sarong parahayag na magkondukta nin pag-adal sa Biblia sa sarong bautisadong parahayag na inaktibo. Eksepsion ini siring kan ipinaliwanag sa librong Our Ministry, pahina 103.

Puedeng ireport nin sarong magurang an regular na kinokonduktahan na pampamilyang pag-adal kun kaiba an dai pa bautisadong mga miembro. Sagkod sa sarong oras nin paglilingkod asin sarong pagdalaw liwat an puede man na ibilang sa kada semana na kinokonduktahan an pag-adal.